[Mac撚] 用家/買機集中討論(36) 蘋狗柒少陣系列 - Mac Pro正式歸位(唔伏)

個人意見: 當代Macs分別列表


MacBook Pro 產品線
13-inch MacBook Pro 有 Touch Bar (2019四核低配機)
13-inch MacBook Pro 有 Touch Bar (2019四核高配機)
15-inch MacBook Pro 有 Touch Bar (2019八核機) (已摺)
特點: Coffee Lake多核，4xUSB-C(TB3)，Touch Bar + Touch ID，DCI-P3闊色TrueTone retina mon，極速SSD
弱點: 無MagSafe，無HDMI，無SD，最大鑊係無USB-A
鑊氣: T2問題，垃圾蝶式Keyboard(2019款耐用度好似有改進)

16-inch MacBook Pro 有 Touch Bar (2019新KB新機殼八核機)
特點: 同上，再加: 64GB RAM，5500 GPU，8TB SSD，似乎用新機殼同新KB完全根治問題，有番ESC掣
弱點: 無MagSafe，無HDMI，無SD，最大鑊係無USB-A，偏向厚重
鑊氣: 未有




MacBook Air 產品線
13-inch MacBook Air retina (2019新)
特點: 輕薄，2xUSB-C(TB3)，Touch ID，TrueTone retina mon
弱點: 粒U只有7W TDP，無MagSafe
鑊氣: T2問題，垃圾蝶式Keyboard(2019款耐用度有改進)


蝶式Butterfly Keyboard問題
ifixit發現MBP2018個KB底部已經加左一層薄膠膜，似乎係針對入塵損壞問題既解決方案(圖為2016年專利申請)
暫時只有2018或以後出既MBP 13”/15” 同埋MBA既KB都有加膜
https://ifixit.org/blog/10279/apple-macbook-keyboard-cover-up/



官方：Apple就MB2015-2017 / MBA 2018-2019 / MBP 2016-2019 13”-15” keyboard入塵損壞問題發出四年有條件免費維修
https://www.apple.com/hk/en/support/keyboard-service-program-for-mac-notebooks/

macrumors話Apple只會放新KB入2018款，2017或更舊款拎去維修都唔可能改用新KB
https://forums.macrumors.com/threads/apple-says-third-generation-keyboards-exclusive-to-2018-macbook-pro.2127682/











iMac 產品線
21.5-inch iMac (2019新機)
21.5-inch iMac 4K (2019新機)
27-inch iMac 5K (2019新機)
特點: 一體機(慳位)，Coffee Lake八核，USB-C(TB3)，5K/4K DCI-P3闊色retina mon，VEGA GPU (27”)
弱點: 一體機(一鑊熟)，TB3/USB-C port得兩個，LAN無10Gb，得一把風扇
鑊氣: mon左右下角入塵




iMac Pro 產品線
27-inch iMac Pro (2017)
特點: 一體機(慳位)，Xeon及workstation class部件，4xUSB-C(TB3)，5K/4K DCI-P3闊色retina mon，低速靜音雙風扇，10Gb LAN，256GB ECC RAM
弱點: 一體機(一鑊熟)，非常之貴，VEGA GPU與同級Workstation比較唔算勁
鑊氣: T2問題



Mac mini 產品線
特點: 六核選擇，體積極細極慳位，齊port，4xUSB-C(TB3)，10Gb LAN，RAM可換(不過難搞)
弱點: SSD焊死，無連mon/KB/mouse，唔再廉價，內顯Intel UHD Graphics 630頗廢
鑊氣: T2問題



Mac Pro 產品線
特點: Xeon，大TDP(與Macs比較)，靜音(與同級PC比較)，可插PCIe卡，可擴展，10Gb LAN，1.5TB ECC RAM，MPX module
弱點: 入門價位超高(6千USD)性價比成疑，SSD用自閉插


Pro Display XDR產品線
特點: 6K (6016x3384)，DCI-P3，1000 nits，10-bit，1m:1對比度，Thunderbolt 3輸入，霧面選擇
弱點: 入門價位超高(5千USD)，霧面加一千，唔跟stand(收一千)，性價比成疑

官網Compare
http://www.apple.com/hk/mac/compare/


官方教育價 (底配)
https://www.apple.com/hk-zh-hiEd/shop
(與大學ownership唔同)

13-inch MacBook Air (2019) HK$8,214(?)
13-inch MacBook Pro 低配(2019) HK$9,599
13-inch MacBook Pro 高配(2019) HK$13,599
15-inch MacBook Pro (2019) HK$17,899
16-inch MacBook Pro (2019) HK$17,399
21.5-inch iMac HK$8,088
21.5-inch iMac 4K HK$9,599
27-inch iMac 5K HK$13,099
27-inch iMac Pro HK$35,788
Mac mini HK$6,299


Geekbench Mac機跑分列表
https://browser.geekbench.com/mac-benchmarks


歷代Mac機規格database
https://everymac.com


大型Mac新聞/傳聞網
https://www.macrumors.com
https://9to5mac.com







FAQ 夠唔夠做

Q: 我讀______系，______夠唔夠做?
A: 問你個系d人收風最穩陣，呢度咩人答你都係老撚點

Q: 我主打剪片，______夠唔夠做?
A: 首先剪得嗰三幾條片唔好話自己剪片，呢個級數用途用最廢既MBA都可以應付到；真係有需要既人係專門做video/multimedia既學生或者搵食人仕，係講緊每日都會剪同rend片幾個鐘，咁先有需要考慮張顯要勁d；要有獨顯既MBP 15”/16”同iMac 27”先似樣，或者打大佬用Mac Pro / iMac Pro；eGPU係一個新選擇，不過未成熟所以暫時支援仲未充足同埋相關鑊氣唔少

Q: 我主打執相，______夠唔夠做?
A: 執相第一緊要個mon夠大夠闊色，第二緊要drive夠位放RAW，第三緊要有快SSD加速load library/cache，可以有好多要求，不過無一樣係好高，而且可以由外置mon外置HDD解決；要一體化要拎出街就MBP 16”加去1/2TB SSD囉，唔拎出街就iMac 5K最適合；PS: 近年各大執相軟件開始支援多核多工甚至GPU加速

Q: 我主打文書同打code，______夠唔夠做?
A: keyboard好緊要，建議落Apple Store親身試清楚，唔少人覺得2015-2019MBP同rMB既蝶式KB同屎無分別，不過your mileage may vary；另外touch bar因為斬走左tactile ESC key同function keys，對某d shortcut/打code app/commandline會不便；留意2016/2017 MBP個KB已經有損壞問題，2018款先開始(疑似)解決；2019 16”係針對呢一連串問題既改良model黎；新2018 Mac mini應該幾受developers歡迎因為你bring your own keyboard，行headless唔需要mon同勁GPU

Q: 我主打VM，______夠唔夠做?
A: 買咩都好，唔可以少RAM，盡加plz如果唔係唔好番黎哭喪；MBP 15” 2018以後上限32GB，MBP 16” 64GB，iMac 5K 2019後上限128GB，Mini 64GB，iMac Pro 256GB，Mac Pro 1.5TB

Q: 我主打某game，______夠唔夠做?
A: 打機唔好用Mac係定律，不過唔高要求既game佢係run到ok高setting，要有獨顯既MBP 15”/16”同iMac 27”或者iMac Pro先似樣，其他依靠Intel內顯既機只可以叫開到隻game見到野行咁囉；eGPU係一個新選擇，不過暫時支援仲未充足

Q: 我主打hea上網/Facebook/睇波/睇Youtube，______夠唔夠做?
A: 2006年Core2Duo小白MacBook都夠做，或者用你部電話夠

FAQ 選購篇

Q: MBP13"定15”/16”好?
A: mon頗細 vs 算大；偏向輕薄 vs 偏向厚重；濕鳩內顯 vs OK獨顯；四核 vs 八核；少少貴 vs 好撚貴

Q: MBP2015 vs 2016 vs 2017 vs 2018 VS 2019?
A: 詳情響置頂post其實list清楚左，2015翻新機同keyboard唔西，USB-A健在，有無顯版，不過真係舊；2016/2017唔好考慮因為被2018/2019取代左；2018有四核六核，2019有四核八核，32GB RAM同埋改善keyboard，係最新最潮不過最貴

Q: 15”定16”?
A: 16”係針對15”三四年來瘋狂被屌柒既修正版本，除左輕薄少少之外16”係完爆15”

Q: 12" rMB vs 11” MBA?
A: 終極太監(全閹) vs 陳年廢老，兩款都難建議

Q: 13" MBPnTB vs 13” MBA 2018/2019?
A: 半閹大監(切撚) vs 半閹大監(切袋)，兩款都難建議；不過MBA因為可以搵到平過Apple官方價咁佢係可以考慮

Q: iPad Pro vs 12” rMB?
A: 想要touch mon，用筆寫野畫野，行iOS apps，用LTE就揀iPad Pro；一定要用full sized KB，要行desktop Mac apps，要有data management要插drive就用MacBook

Q: iMac 21.5” 好定 27”好?
A: 首先唔好考慮非4K嗰部21.5”，佢係俾學校/政府大手入既廉價公廁款黎；之後睇你有無土地問題，原則上27”係全面地勁過21.5”尤其個mon同塊顯，27”又可以加RAM不過又唔係貴好多，所以擺得落的話建議27”優先；另外仲有個選擇係揀訂VESA版既iMac，咁就可以用mon臂唔用原裝個底座去慳位

Q: i3定i5定i7定i9好?
A: 效能上既分別響rend片，export相，compile之類(半)專業用途先顯著，如果你budget有限而唔肯定自己有無需要就買底配唔好升；真係知道自己有需要的話建議直上MBP 16”因為頂標配已經有八核i9，或者Mini改上六核；留意12” MB / 13” MBPnTB / MBA就算升上i7都仲只係dual core，效能提升有限

Q: 有無Touch Bar其實分別大唔大?
A: 暫時Touch Bar既實用性仲成疑問，唔太多apps用到佢，有都多數係用cursor/keyboard可以做到既，佢只係多一個途徑去㩒；而且有部份app係仲依靠function keys同esc掣

Q: MBP nTB同TB版，Touch Bar以外既分別?
A: nTB掛名係MBP，其實規格上係正統13” MBA後繼機，佢特登同粒低用電既15w U令到續航力高過TB版，不過少左兩個Thunderbolt3 port同得一把風扇散熱差d；Touch Bar版粒U勁d不過用電快d，內顯勁d，總電量少d，不過有齊4個TB3 ports，有兩把風扇，同最緊要係有四核U；TB輕薄程度同nTB幾乎一樣；留意2019年低配MBP響唔改內籠用料級數前題下俾埋Touch Bar

Q: 買MacBook / MacBook Pro / MacBook Air / 21.5” iMac應該幾時加RAM?
A: 上面全部款既RAM都係焊死，姐係你要買時即時決定要幾多RAM，完全唔可以事後加 (iMac 21.5”係插槽RAM可以事後加，不過要撬開mon玻璃再痴番埋好大陣象)

Q: 買27” iMac / Mac Mini應該幾時加RAM?
A: iMac機背有RAM槽門，Mini要拆晒成個底板就見到RAM槽，姐係你要買時可以唔決定最終要幾多RAM，可以事後自己加/換

Q: 咁幾多RAM夠? 8GB夠唔夠做，我駛唔駛加?
A: 定律: 當你需要問呢個問題，就姐係你用途上有可能有需要用，而因為唔可以事後加同埋日後apps只會越黎越大食，所以最好都係加啦；如果budget有限而真係有需要，建議買低一個款甚至買舊野都唔好慳響RAM

Q: iMac 2019買咩RAM?
A: 記住21.5"無外接RAM槽，只有響27”先可以簡單買後自己開門加；跟機RAM spec: PC-21300 DDR-4 SO-DIMM 2666MHz CL19，牌子唔講費事被賴炒高個價，留意Apple跟機本身插既config係兩條4GB或兩條8GB或四條8GB，姐係你訂32GB的話係插滿四槽唔會有空槽；維修時Apple有權要求你插番原廠跟機RAM先受保

Q: Mini 2018買咩RAM?
A: spec: PC4-21300 DDR-4 SO-DIMM 2666MHz CL19，牌子唔講費事被賴炒高個價，留意Apple跟機本身插既config係兩條4GB或兩條8GB或兩條16GB，姐係你點樣訂都唔會有空槽；維修時Apple有權要求你插番原廠跟機RAM先受保

Q: Fusion Drive vs SSD?
A: Fusion Drive係將一個細SSD同一個大HDD撈埋黎用既功能黎，理論上係同時解決速度同容量兩大矛盾，聽落好正不過實戰係有限制；響iMac既然係desktop機，可以比較輕易插平價外置HDD増加容量，不過要拎出街既Mac要依靠內置既PCI SSD響實用上就唔易用外置方法；所以如果對部Mac既performance有要求，應該考慮改訂原生內置SSD，因為Apple最近用既都係頂級blade PCI SSD有千幾二千MB/s；注：1TB Fusion個SSD只有32GB，2/3TB Fusion先有128GB；PS: Apple最新file system APFS已經唔支援Fusion Drive，未來佢地似乎想淘汰呢個技術/唔再用內置HDD

Q: SSD幾大夠? 128GB夠唔夠做
A: 情況同16GB iPhone類似，128GB總有人唔覺唔夠，macOS實際上只用十幾廿GB，如果你係極低用量user上吓Facebook同睇AV，咁128GB唔會話唔夠；不過只要你開始用部機黎做野，又或者入歌入相就會開始塞爆；最新MB/MBP系列因為SSD焊死，出廠後唔可以加，建議買時有大食大，當然日後data可以擺外置HDD不過作為portable咁樣會阻礙幾多你要自己衡量

Q: 有無獨顯分別幾大? 內顯夠唔夠做?
A: 插大mon/多mon同極低要求game，內顯足夠應付；不過要去到打普通新3D game同rend片做CAD就建議盡加獨顯；記著GPU係Mac既弱項，如果3D同rend好有要求，要考慮iMac (Pro)，TB3 eGPU外顯，新舊Mac Pro插大卡，Hackintosh等途徑，或者放棄Apple叫Gay Cook去含

Q: Mac Pro係唔係摺，點解咁貴不過又唔係勁?
A: Apple認左2013年出既垃圾筒係失敗作，下一代Mac Pro既後繼將會2019年內出不過終極天價；衣家個垃圾筒版本絕對唔建議買，iMac 27”性能上幾乎完全過左佢頭，仲要連埋隻靚mon



FAQ 付款篇

Q: Apple Care+咩黎，買唔買埋好?
A: 所有一手Mac你以正途購買都會連一年保，買埋Apple Care+係另加兩年，姐係共三年；其間包零件任換保養，除非極明顯人為破壞如爆mon同入水的話就可以俾HK$799整；另外Mac係全球保，無論你響邊個國家買部Mac，只要響有Apple插旗retail store同有authorized service provider既地方佢都可以check你保養status，確認到你部野仲有保就會幫你整(人為損壞可以有例外)；官方描述係需要你買機90日內決定續唔續AC+

Q: 翻新機 vs 正價機?
A: 翻新機經過Apple換殼，換走壞parts(如果有)，同埋再過出廠test，照有Apple Care一年(亦可再加多兩年)；網上好少有人report話翻新機有特別問題，你可以當無端端拎左個折；當然買正價機有食第一手處既滿足感同安全感

Q: 點搞分期?
A: 去豐澤/百老匯買，or 去Apple Online Store買，之後打上銀行卡務中心做「現金分期」「購物分期」

Q: 大學notebook ownership / programme 有無得upgrade CPU / RAM / SSD / Fusion?
A: 多數無，響嗰度買一定要買「標配」，想加野一定要出街外買；街外買都仲可以用官網教育價，只係無ownership個再低少少既價，同埋無堆濕鳩贈品

FAQ 配置/使用篇

Q: 插外置mon點搞?
A: 如果你部(舊)Mac有Thunderbolt 2，係可以直插Mini DisplayPort既mon；有HDMI port就好明顯更易；得USB-C/TB3的話就要留意，Apple隻TB3>TB2賓州係唔可以當miniDisplayPort咁直接出mon(要chain內有另一個TB device)，你要搵一隻USB-C轉DP或者USB-C轉HDMI既插或者dock；有好少部份既mon已經有USB-C/TB可以直插新Mac用到，暫時包括LG Ultrafine 5K/4K，原生有USB-C既mon (LG/DELL等等)，舊Apple Thunderbolt Display(同TB3>TB2賓州)等

Q: iMac係唔係可以當mon用?
A: 以前得，衣家唔得；PS4可以用Remote Play，插LAN線ok順，得720p不過PS4 PRO有1080；另一個偏貴既option係買Elgato HD60s之類既capture卡，有即時唔delay既HDMI 1080p經USB入mac功能，不過個價錢夠買一個mon

Q: mon貼有無用?
A: 原本個mon已經有足夠既防反光同防污coating，除非你非常粗用部機一定要加倍保護個mon，如果唔係無需要；有人用家報告話，某d貼有可能會痴到甩coating，而且Apple官方都唔建議擺任何野響摺埋既MacBook中間

Q: keyboard套有無用?
A: keyboard位置有少量散熱功能，如果長期完全封閉有可能令部機承受不需要既熱；再者keyboard套既物料，再加上用家手油，響摺埋部機時因為有形狀同餘熱係好大可能會痴番上mon，可以破壞coating甚至整花；當然如果你好粗用部野，又成日驚倒瀉野入機，咁平衡過風險後你可以用既；不過再講多次，Apple官方都唔建議擺任何野響摺埋既MacBook中間

Q: 外殼又好唔好?
A: MBP系列一向好硬淨，正常用途最多係整花，應該要好高跌落地先有問題，再者呢個程度既撞擊有殼都未必保到你；當然想同部野著衫，想特別粗用，或者用有功能既殼或袋咁係你鍾意；注意：一般硬殼會整厚部機好多，理論上或多或少會阻礙金屬機身散熱，而且會加厚ports與外面距離搞到部份插線或者hub係插唔盡

Q: drive無位了，點算?
A: iCloud可以俾錢加容量，係同Mac/iDevice合作無間既雲，速度同uptime一流，可以考慮；當然傳統既外置HDD/SSD方案都可取

Q: BT係唔係會chur SSD
A: 好明顯會，如果你成日BT，最好加個外置HDD射去用；當然一GB半GB應急係無咩事，唔好日chur夜chur就OK

Q: USB-C係唔係同WiFi有干擾?
A: 係，設計USB班天才選擇可以同2.4GHz共震既spec，所以如果你個三方配件響shielding做唔足，係有可能插響Mac時干擾部機既2.4GHz性能；解決方法係轉用5GHz AC...，或者搵一隻無事既hub/device...

Q: 我成日俾部野電親，咩事?
A: 接地不足令到有stray current由Mac電容傳番出殼外，電力唔足以成為安全問題不過的確會好煩；Apple既火牛有第三條接地線解決呢個問題，不過要用原裝廷長線先有呢個contact，就咁用短插係無；舊機跟機已經有呢條線，新機無跟要同Apple百幾蚊買，不過有人話可以去Store向精靈R到條；電源相關危險，建議用副廠野要小心選擇

















進階及鑊氣篇

官方：Apple就MB2015-2017 / MBA 2018-2019 / MBP 2016-2019 keyboard入塵損壞問題發出四年有條件免費維修
https://www.apple.com/hk/en/support/keyboard-service-program-for-mac-notebooks/

官方：MBP 2016 13” nTB / TB 屏幕排線斷裂有條件免費維修
https://www.apple.com/hk/en/support/13-inch-macbook-pro-display-backlight-service/

MBP2016-2019清除keyboard入塵方法
https://9to5mac.com/2017/10/03/how-to-clean-macbook-pro-keyboard/

官方：MacBook Pro 請勿使用護腕墊或鍵帽蓋
https://support.apple.com/zh-hk/HT203671

官方：MacBook系列電池相關
https://support.apple.com/zh-hk/HT204054

官方：Mac 服務與維修
https://support.apple.com/zh-hk/mac/repair/service

官方：macOS 10.13.4 開始支援Thunderbolt3 eGPU
https://support.apple.com/en-us/HT208544

官方：官網查AppleCare到期未
https://checkcoverage.apple.com/hk/zh/

官方：Apple將會於日後macOS版本鏟走大部份server功能
https://support.apple.com/en-us/HT208312

哩個macos enhance script 係外國非常出名，來自github 排名最高既dotfile repo
https://github.com/mathiasbynens/dotfiles/blob/master/.macos

MBP(2013-2017)同rMB(2015-2017) mon甩coating replacement program，計買機日期四年內，暫時無限期不過唔知會唔會突然完
https://www.macrumors.com/2017/11/17/apple-extends-free-staingate-repairs/

macOS 10.12 Sierra，App Store直接download link仲未閂閘
https://itunes.apple.com/us/app/macos-sierra/id1127487414?mt=12
條link會自動掉你去AppStore，click download
完左之後可以即刻裝
如果想裝去第二部機/整USB，可以去呢條path搵:
/Applications/Install macOS Sierra.app/Contents/SharedSupport/InstallESD.dmg
個.dmg就係個mountable disk image

軟件apps篇

Browser
Safari (Apple自家跟機)
Chrome https://www.google.com/chrome/browser/desktop/index.html
Firefox https://www.mozilla.org/en-US/firefox/new/
Opera http://www.opera.com/computer/mac

Instant Messenger
iMessage (Apple自家跟機)
WhatsApp https://www.whatsapp.com/download/
LINE https://line.me/en-US/download
Skype https://www.skype.com/en/download-skype/skype-for-mac/
QQ https://im.qq.com/macqq/
阿里旺旺 https://alimarket.taobao.com/markets/qnww/portal-group/ww/index
Adium (集qq, yahoo, google, facebook, msn, icq, etc) https://adium.im

Video
mpv (最快最順) https://mpv.io / https://laboratory.stolendata.net/~djinn/mpv_osx/
IINA (mpv改良UI) https://lhc70000.github.io/iina/
VLC (play到最多format同stream) https://www.videolan.org/vlc/download-macosx.html
SplayerX射手播放器 (自動搵字幕) https://www.splayer.org

Live Video Streaming / 睇波
SopCast for mac http://www.sopcast.com/download/mac.html
Streamtorrent http://download.pcmac.com.cn/mac12321.html

Music / Streaming
iTunes / Apple Music (Apple自家跟機，近年太亂，不過過野去iOS必須)
Spotify https://www.spotify.com/us/download/mac/
VOX (播高清檔) https://vox.rocks/mac-music-player
Audirvana Plus (播高清檔) https://audirvana.com

Audio
一系列小型audio工具(包括routing，recording) http://www.rogueamoeba.com/airfoil/mac/

iOS / iDevice
iFunbox http://www.i-funbox.com
iMazing https://imazing.com

Office
iWork: Pages, Numbers, Keynote (Apple自家全免費，要去AppStore download)
MS Office 365 for mac http://www.microsoftstore.com.hk/HK/Office-365‎
LibreOffice http://www.libreoffice.org/download

Creative Suite
Adobe CC http://www.adobe.com/CreativeCloud‎
一堆freeware (免費取代Adobe CS6) http://www.makeuseof.com/tag/say-goodbye-to-adobe-creative-suite/
Affinity Photo (Photoshop alternative) https://affinity.serif.com/en-gb/photo/
Pixelmator (Photoshop alternative) http://www.pixelmator.com/pro/
Sketchapp (Illustrator alternative): https://www.sketchapp.com/

Gaming
Steam for Mac http://store.steampowered.com/macos
EA Origin for Mac https://www.origin.com/en-hk/store/shop/mac

Emulator
OpenEmu (PS1/PSP/GB/GBA/NES/SNES/N64/NDS etc) http://openemu.org

BitTorrent
Transmission https://transmissionbt.com
Deluge http://www.deluge-torrent.org
qbittorrent https://www.qbittorrent.org/

Network
FileZilla (FTP) https://filezilla-project.org
Transmit (FTP) https://www.panic.com/transmit/
iStumbler (scan network/WiFi) https://istumbler.net

Unzip
Unarchiver (解zip/rar/7zp/gzip/tar etc) https://theunarchiver.com
Keka http://www.kekaosx.com/en/

File System
Paragon NTFS https://www.paragon-software.com/ufsdhome/ntfs-mac/

Backup
TimeMachine (Apple自家，自動hourly incremental backup)
Carbon Copy Cloner (bootable clone) https://bombich.com

GUI / Interface
iStat Menus (響menu bar放icon去monitor系統) https://bjango.com/mac/istatmenus/
Duet Display (將iPad變有touch既Mac mon) https://www.duetdisplay.com
AstroPad (iPad+Apple Pencil 做畫板): https://astropad.com/studio/
SizeUp (割window) http://www.irradiatedsoftware.com/sizeup/
Moom (割window) https://manytricks.com/moom/

Touch
Better Touch Tool https://www.boastr.net
MagicPrefs http://magicprefs.com

Cursor
SteerMouse http://plentycom.jp/en/steermouse/
CursorSense http://plentycom.jp/en/cursorsense/
ControllerMate https://www.orderedbytes.com/controllermate/

Input method
Yahoo! 奇摩輸入法 (Windows排字速成倉頡/廣東話輸入***已摺不過可用) https://goo.gl/5giS7U / http://www.macuknow.com/files/download/YahooKeyKey-OSX-Leopard-1.1.2535.dmg / http://mactivityhongkong.blogspot.hk/2016/12/macos-sierra.html
OpenVanilla (Windows排字速成倉頡/廣東話輸入) https://openvanilla.org / https://www.pcmarket.com.hk/2017/01/26/mac機中文輸入更新openvanilla/
《六碼筆畫》G6輸入法 http://www.miniapps.hk/g6code/

System
smcFanControl (控制風扇) https://www.eidac.de/?cat=40
Macs Fan Control (控制風扇) https://www.crystalidea.com/macs-fan-control
OnyX (系統維修) https://www.titanium-software.fr/en/onyx.html
XRG https://gauchosoft.com/Products/XRG/

集思廣益
置頂爭d咩 / 成日有人問而無擺既野:
1) macOS升唔升，點升，點降
2)
3)
4)
...
請加

國絲lm

如果想買部macbook air/pro
係咪應該再等吓?
驚依家買完 下年年頭又出部新嘅

應唔應該等xxx

想請教下，昨日開始 apple tv 長期有個紅色1，按入去搵咗勁耐，都唔知個1字係乜意思。。。？

就算擺都唔知點講好
你睇吓個post起
碼連續半年係撚咁叫人唔撚好買15”因為16”似就出得，事後都可以有成班苦主入黎哭喪

你急用咪買咗先

擺關鍵字俾人自己search有冇用？

help pls

之前直接喺標題寫16”就出，d人都唔睇

攪咗成日終於降返落High Sierra
希望唔會好似Mojave咁多西瓜波

呢個應該係update啦

俾有心既人睇 睇就睇 唔睇就算啦

好多人其實係心急想買 唔想等
到出左 又事但呻兩句 嗌下救命 取下暖 俾你地恥笑下
實際上對佢地影響唔大

只不過你地熟行熟路 就會睇唔過眼

搵咗勁耐都唔見有更新

你砌機好過la

唔算太on9，始終個cMP scene都幾成熟，要處理既問題通常已經有其他人面對過而有晒解決方法，係新GPU同埋新macOS ver會開始收皮因為metal (lack of)

求其搵部condition唔差既4,1/5,1，淘佬搵深圳堆data center既server pull Xeon同ECC FB-DIMM，一塊handoff到既WiFi/BT chip
之後research好邊個版本既RX卡最少鑊氣 (RX580好似多數直插有boot screen)

潛在問題:
1) 上面提左，個setup前途有限
2) 二三手tower好多時個火牛都半死，MP火牛開始越黎越難搵/難整，同埋無咩代用品可言；仲有佢好似只供得500W
3) 塊底板真係唔夠bandwidth，SATA 3Gb，PCIe2.0，無TB，USB3都要加卡
4) 「剪4K」越黎越對CPU都有要求，視符你用咩NLE

部機個design太舊雖然唔知佢剪4k個程度去到邊，砌部amd之後要升級都容易啲

mac pro 2010 唯一可取係雙cpu
其他ssd io /pcie 呢啲都唔係幾頂到 最大問題係隻牛 行咗咁多年 點都會有暗病 但又冇牛換

其實係

我咁樣買仲平過一部新mac mini (6千5 仲要行i3)
同埋mac pro 4,1 5,1行sata2 pcie 個d 都驚太慢
而且始終驚粒u 太舊
不過有多部機叫做好過無

Pc 就完全唔考慮 用左咁多年mac 返唔到轉頭
所以最多諗hackintosh


我本身有部imac 2014 r9 290x
剪davinci 4k/6k睇playback 都睇到我忟
不過都叫做剪到 最多轉proxy 都叫順暢
但係咁砌部mac pro 應該都同我部imac 差唔多掛