巨龍叔
2019-12-29 22:58:48
絕對明你個困境,個時我chem 要4上星,maths都要5上星,睇返啲report都反問自己一句,做唔做到架,付出嘅努力要比九成人都多,點解得嗰嗰係我?都不停問咗自己好多次大大小小嘅問題,個心理包袱都真係好大。咁你話點克服呢,其實心理上要有嗰一往無前嘅心,諗定退路,個人都定好多,叫你信自己做到真係好空泛,所以要配合返實際上你要温足書,送嘅分唔好失。再加上past paper如果你份份都有星,自然説服到自己考嗰陣係做到。另外揾一個好熟嘅friend吐下苦水,我嗰時差唔多每人都吐下苦水,講下自己今日操咗啲乜,清咗以前邊啲唔識嘅concept。總結嚟講,你唔好focus係自己上唔上到乜野grade嗰度,反而係focus係你已經盡力,無悔做咗今次retake嘅決定,就算衰咗都唔會十年後怨自己當初無讀好啲書