【歐遊百幾日】歐洲exchange四圍去 東中西南歐 (遊記 + 你問我答)

來緊都準備報exchange, 有冇人報英國 想問下去歐洲邊個國家好啲

絲打 想問下捷克洗費如何?
下個sem準備去exchange

捷克洗費旅行黎講感覺正常，12歐食到好好味既野，住都幾平，住五星級酒店都一房5xx-7xx晚包自助餐咁 我無入超市行，又無搭過local交通，但我上年做research時見過有巴打話係捷克exchange緊，所有野都超平，成個exchange生活費20k就夠，唔知真定假

20k
之前睇過學校d人去完寫嘅洗費 35K~40K
仲以為佢地報細數
anyway錢都係預多少少好d

第二日 出發去風車村 Zaanse Schans （上）
(玩到3 - 4個鐘，留意d屋仔開到4, 5點左右，唔好太遲去)


我黎左兩次，今次會順住第一次經歷講，同時插d第二次既經歷。

因為我住風車村同Ams中間既 ibis 酒店（點解會住呢度呢 當然同價錢有關 詳情睇下一篇 ），所以我直接由酒店出面個站搭巴士入風車村 ，車程20-30分鐘左右，如果由amsterdam站出發應該就9個字至1個鐘

酒店外面，睇下幾荒蕪 遲d仲有中巨伏事蹟講下

如果用OV chip card，呢程應該2.5 EU，但因為原來ovchip card已經負錢而我地唔知（呢個係中伏導致，都係一陣再講 ），於是呢程要比現金，貴一倍，盛惠5 EU，風車村唔覺有得增值，又黎多程5 EU ，一共貴左5歐


風車村個站係最後，一落，好似係未見到風車的，唔洗google map，跟人行就得，好快就見到了，細細粒，遙遠的，大風就當然。第二次黎大風到癲，凍到要入手信店避寒。

是日我地應該十一點左右出發，去到中午左右，琴晚可能落左場大雨，今日個天搖身一變，嗚哇個天清到呢，雲都無舊呀！！

呢個少少雲，係第二次去影

因為今次research主要係男朋友做，風車村我事前無咩深究過，剩係知好多風車，一入去，原來好似小村莊咁，好多小橋，有係水上面搭出黎既板同屋仔咁

成個感覺好舒服，係個全新既感覺黎，我好鐘意

呢邊每個屋仔都係一間手信店或者小型博物館，或者廁所
如下圖，



另一邊橋對面就全部民居（當中有d都可能係酒店或者air bnb，我亂講的）


一入去就見到小動物，作為動物撚既我地當然就狗衝過去撚撚羊先 ，


在場既有唔同色既羊，四圍走既雞，好得意呀，有d人會喂佢地食野，好後悔無帶d包仔呀 ，不過羊好蠢，我做個手勢佢都以為有野食，伸個頭出黎，
影片cap圖

但fake幾fake後就唔信我了

玩完一輪後，就去其他屋仔睇 ，自問係個膚淺既遊客，整曬手信店既地方好啱我，手信撚見到全部手信店當然好開心，
即時睇下有咩磁石。又買左個。 當然要有乳牛羊


玩盡左間手信店，去第二度，

其他小屋有芝士專門店、朱古力專門店、lace專門店、專造木鞋既展覽同專門店等等，我地逐間入曬，lam盡曬條村

當中個人覺得比較特別既其中幾間野，

首先係一間熱朱古力店，2歐，比你自己落料，再比佢加熱水沖比你，夠曬濃，
重口
凍凍地飲下又舒服


入面仲有呢堆朱古力，

賣得都係正常價錢，應該無推高黎賣，有d出到超市都買到

間店後面有個好似岸定碼頭咁既野，

可以飲住朱古力去行下吹下海風，睇下風景，影下相，舒服，
個景就係呢個

仲記得男友係度狂唱歌

抖左陣，繼續睇睇睇，
頭先個位望住既呢一列風車其實都係入得既，仲要可以上去上面添！
於是就當然去啦

你啲相好靚

影相真係易學難精
上個月買新相機去日本玩
發覺完全handle唔到
要時間適應 同fine tune
一睇返啲相覺得自己唔掂

黎緊會去德奧捷
國王湖 Innsbruck Hallstatt Cesky Prague
樓主有無去哂

來緊都準備報exchange, 有冇人報英國 想問下去歐洲邊個國家好啲

由於旅行佔我exchange好大部分，所以我好睇位置 荷蘭真係唔錯，住落生活黎講唔算貴，絕大部分人識英文，最最最重要係佢個位置好方便去旅行，剩係巴士火車都可以幾快咁去附近國家，中歐北歐都近佢，佢d機場都去到好多地方，搭cheap flights都多同方便 係maastricht可以用荷蘭d機場，連belgium d機場都可以用埋，因為都近
英國有樣無咁好既應該係佢多數出去玩都要飛，有d煩，不過佢自己國內都多野睇既應該，大城市d平機都幾多咁 好似係

但荷蘭有樣唔好既係，佢d學校既玩法特別chur

絲打 想問下捷克洗費如何?
下個sem準備去exchange

捷克洗費旅行黎講感覺正常，12歐食到好好味既野，住都幾平，住五星級酒店都一房5xx-7xx晚包自助餐咁 我無入超市行，又無搭過local交通，但我上年做research時見過有巴打話係捷克exchange緊，所有野都超平，成個exchange生活費20k就夠，唔知真定假

20k
之前睇過學校d人去完寫嘅洗費 35K~40K
仲以為佢地報細數
anyway錢都係預多少少好d

應該是真的
無錯，多左咪用黎做旅費囉

利迷
我嚟緊都會去利物浦睇波

荷蘭其實識搵窿路都可以幾平下，我喺ams去d Argentina steakhouse鋸扒只係9歐，交通好似樓主咁講book定ns group ticket 7歐可以搭火車即日來回

另外紅燈區最平兩歐有交易

利申：依家喺荷蘭exchange緊

grouo ticket救全家 kings day無grouo ticket我無去amsterdam

係咪peepshow

講唔講得邊個城市

我喺rotterdam exchange緊，我呢邊搭巴士去Amsterdam都係7歐，btw King's day好似好撚多痴線佬，好期待有咩痴線野睇

你岩，係peepshow

rotterdam個位好似都幾好
嗚呀miss左

你啲相好靚

影相真係易學難精
上個月買新相機去日本玩
發覺完全handle唔到
要時間適應 同fine tune
一睇返啲相覺得自己唔掂

多謝

初頭真係要d時間，我睇返初頭買相機後影果d相都有同感 感覺上進步得最快既方法係睇人地d相諗下點解靚，之後試下跟下，慢慢就會吸收左 好似係

黎緊會去德奧捷
國王湖 Innsbruck Hallstatt Cesky Prague
樓主有無去哂

後面3個有去，前兩個無去 ，因為我munich同hallstatt係分開唔同既 trip去，國王湖個位有d尷尬，係中間， munich個trip又唔夠時間去，所以就無去到

利迷
我嚟緊都會去利物浦睇波

睇邊場啊
我果時睇左對阿記同對史篤城

第二日 出發去風車村 Zaanse Schans （下）
(玩到3 - 4個鐘，留意d屋仔開到4, 5點左右，唔好太遲去)

最外面果間就最多人入，因為就腳
佢本身既風車的確係有用既，
用黎好似磨坊咁係下面磨粉，造顏料（好似係），

但而家咁睇應該無再咁用，剩係keep住上面d機械架構，
上面一樣會轉同旭，你係間屋入面都會見到d齒輪轉，
但下面呢度就唔旭同無磨粉
3.5歐入場費，當然要試下

要爬上去的，都好斜下，但爬上無問題，一陣爬返落去先驚
爬幾條梯後到左上面了，真係大風好多，

仲成大個風車係頭上面fap fap下，風車屋既屋頂原來是咁的

風景係咁樣既，行個圈影完相過完癮就落返去，
落去係另一set梯，頂，好斜，

仲有張搞笑既畫示範返正確落法，

如果著裙就GG了，等下面d人走曬先好落
真係好斜

落到地面就係手信店，仲有展示佢之前既用途呀咁
仲有d舊磚畫


出返去，去隔離果d，隔離果間既風車係用黎gur木既，唔知仲有無用緊呢，見出面有好多gur好曬既木，
佢都有得入同上去，但因為已經係第一間體驗左，唔洗再試，剩係係門外望兩望就得了，都無咩人入，被第一間搶曬客
之後果兩間印象中好似唔開放的，有個呀伯係出面拉風琴，又幾岩feel
拍片cap圖


行過呢四間風車屋後，似乎再行都無野再睇，

於是瘋狂影相後就返返轉頭，




行到呢度都兩三點左右，未食野，好餓，亦唔覺有咩野食，
行行下終於見到間餐廳，由於係呢個範圍入面唯一既食店，
所以價格唔平，記得初頭買唔落手，但太餓，
無咩budget但又好餓既我地就叫左佢好似幾特色既野，
pancake，見佢配煙肉定火腸呀蜜糖幾特別，又甜又鹹，試試佢
都好似要12歐架

又幾好味，仲好鬼頂肚，好快已經塞飽我地兩個 目的達到

坐多陣三點幾，覺得都行得七七八八，預計四點幾會走

風車村最後一站，
專講木鞋既展覽同店，外面會見到呢d大既木鞋比人影相，可以兩個人一人一隻咁合照，都可以…唔……一條友影既……

行多兩步有塊牆放滿唔同顏色既木鞋，下面有兩隻大木鞋，可以影合照，叫個路人幫幫手


之後入去，有一堆怪樣木鞋，都幾有趣，


呢d角度怪怪影展品既相多數都係男友影

仲有呢個展示造木鞋既位

入面好多木鞋買，有d真係有曬size 35 36 37 38咁，係咪真係有人買黎著

之後有磁石呀即扣呀呢d基本野

我買左對迷你木鞋，以為自己返到Maastricht無野做會畫下，點知當然就原封不動 到而家都是無野的


行完曬呢d屋仔都四點左右，佢地都開始關，啱啱好，


第二次去晏d走，見到佢固定返個風車



都比預期早玩完，好滿足地返Ams行下市內，
晚上去紅燈區
睇左peepshow 當然要分享返

留名先！

留名先！

來緊都準備報exchange, 有冇人報英國 想問下去歐洲邊個國家好啲

由於旅行佔我exchange好大部分，所以我好睇位置 荷蘭真係唔錯，住落生活黎講唔算貴，絕大部分人識英文，最最最重要係佢個位置好方便去旅行，剩係巴士火車都可以幾快咁去附近國家，中歐北歐都近佢，佢d機場都去到好多地方，搭cheap flights都多同方便 係maastricht可以用荷蘭d機場，連belgium d機場都可以用埋，因為都近
英國有樣無咁好既應該係佢多數出去玩都要飛，有d煩，不過佢自己國內都多野睇既應該，大城市d平機都幾多咁 好似係

但荷蘭有樣唔好既係，佢d學校既玩法特別chur

德國個頭真係最就腳 西歐個兩個島一定要坐飛機 北歐又係 勁麻煩
我原本想去荷蘭架 聽個師姐講會好chur所以轉左地方

來緊都準備報exchange, 有冇人報英國 想問下去歐洲邊個國家好啲

由於旅行佔我exchange好大部分，所以我好睇位置 荷蘭真係唔錯，住落生活黎講唔算貴，絕大部分人識英文，最最最重要係佢個位置好方便去旅行，剩係巴士火車都可以幾快咁去附近國家，中歐北歐都近佢，佢d機場都去到好多地方，搭cheap flights都多同方便 係maastricht可以用荷蘭d機場，連belgium d機場都可以用埋，因為都近
英國有樣無咁好既應該係佢多數出去玩都要飛，有d煩，不過佢自己國內都多野睇既應該，大城市d平機都幾多咁 好似係

但荷蘭有樣唔好既係，佢d學校既玩法特別chur

德國個頭真係最就腳 西歐個兩個島一定要坐飛機 北歐又係 勁麻煩
我原本想去荷蘭架 聽個師姐講會好chur所以轉左地方

德國真係靚位 但唔識德文唔敢去
都真係好chur reading又一定要睇曬，仲要唔係睇完就算，要隨口up得出內容 堂又唔走得，又一定要狂爭住講野，仲要同最鐘意吹水既鬼仔鬼妹爭野講 唔講野會被個tutor話，又會fail，幾個朋友初頭壓力大到喊 即時對外國讀書好輕鬆一說改曬觀

留名睇靚景

lm

下年北歐exchange 好驚唔夠錢
生活費唔知要預幾多
仲有今年plan左旅行

lm

留名睇靚景

下年北歐exchange 好驚唔夠錢
生活費唔知要預幾多
仲有今年plan左旅行

邊個國家既？ 有朋友係芬蘭 同 瑞典exchange過 可以問問
我見多數北歐都預比中歐多兩萬咁，應該八萬

去旅行唔緊要，努力搵/儲返多d錢就得

諗住去威尼斯 克羅地亞 希臘
可以點plan