【末日】《末日下的那些人：方舟爭奪戰》世界面臨終結，我們要奪取方舟

唉聽日先出文

夜裡的大館據點，除了加強了的哨兵班外似乎大家都在自己喜歡的角落睡了。但是，楊芷欣與霍詠琳卻是醒著的少數之一。

「…所以我認為，呢一戰既關鍵，就係你既易哥哥辛苦收集返黎既情報。」楊芷欣道，「實在，好在有佢。」

「…係就好，咁佢既努力總算…總算…」說到最後，詠琳卻已然沉默。

「的確，詠琳，佢既然幫傑少手，即係佢都想跟住傑少行落去，依加佢已經做唔到，你想咁樣繼續頹落去，定係完成佢未完成既事？」

「…」

這樣說服人家加入與自己敵對的反方舟勢力真的好嗎？—假裝睡著的一號留心二人的對答。

「詠琳，人已經去左，但佢既遺志仲係度。」

「係，如果唔係咁，我已經跟埋佢去。」詠琳道，「我想有人帶住佢既遺志到末日為止。」

「咁你就更加…」

「但—亦只限於咁，阿Yan。」她看著楊芷欣道，「你放心，我唔會做咩傻事住，暫時。」

「…詠琳，只係生存，唔代表存在…」楊芷欣苦口婆心，「我真係好想你好似大家咁，享受到勝利既喜悅。」

詠琳看著下方零零星星還在喝酒唱歌的人們：「或者勝利係佢地既，但係對我黎講，代價實在太沉重。」

「…」

這樣子嗎?

周圍的勝利氣氛，更顯得詠琳的悲傷。

「對唔住，阿Yan，我攰啦，想訓先。」詠琳抑鬱的雙眼看著她眨動了兩下，「早抖。」

「…早抖啦。」

很無力。

被人稱之為天才少女的自己，也沒法解開她的心結嗎？

她走回室內，鑽進睡袋中閉眼睡去，只剩下楊芷欣一人在走廊上看著星空。在末日下，停罷的都市使熱島效應也停了下來，冷風穿過鋼鐵與玻璃，發出底沉的呼呼聲，楊芷欣向天嘆了一口氣，熱氣呼出凝固成白煙，又消散在末日下。末日下，似乎人人都有自己的想法，人人都對自己的存在意義有過深度不一的思考，人人都有著自己最後的主張與盤算。

怎樣才能使詠琳放下易哥哥的死？

怎樣才能解放赤柱監獄，救出悠悠？

怎樣才能找到天使，使哥哥能登上方舟？

問題沒完沒了，有時她有點羨慕大家在還有諸多難題未解的時候也能安穩入睡。

「Ｙ小姐？」背後有人壓下聲線叫喚自己，她回身一看正是那個叫歐舜兒的男生。

「咩事？咁夜。」

「傑少叫我黎搵你，想你跟我過去。」

「…嗯，好。」

「咁我都去。」一號道。

「你唔係訓左？！」楊芷欣有點吃驚，剛剛算是少女心事台吧？！

「邊有騎士早訓過公主，你有咩事我點交差？」他道，「呀傑少唔介意下嘩？」

「呃，我諗佢唔會反對Ｙ小姐既決定既。」

「你會比我去既可?」一號盛意拳拳。

「唉你真係好煩…」楊芷欣反反白眼，「行啦，唔好嘈到詠琳。」

一行三人隨即動身，出發直往許少傑所在的房間。

為甚麼這樣晚？一個問題激發了楊芷欣的推理：這樣晚的話根本不會開會，至少—作為軍師定位的她沒有收到這樣的集合指令。是秘密行動嗎？也不是，許少傑的心腹是大飛姐與爆爆哥，如果是晚上秘密行動的話即使不是傑少自己前來，也會由那二人來傳話，而不是歐舜兒。那麼的話—是突發情況。

「突發情況，」許少傑看到已經齊人，從扶手椅中站起來，「我地收到救求信號。」

房中已經集合了許少傑，大飛姐，爆爆哥與俱樂部小隊，他看看楊芷欣身後的一號也沒說甚麼，繼續說：「係我講之前，Ｙ小姐你話你有既關鍵情報到底講得未？」

「未。未係時候。」楊芷欣道，「而且只能用係攻擊赤柱監獄上，你呢件事唔關事架啦。」

「…嘁，的確唔關。但係亦唔可以話唔關。」許少傑道，「我地係今日夜晚，收到有人黎通風報信，係來自自稱跑馬地騎士團既人。」

跑馬地騎士團—甚麼鬼爛名子。

「佢地有相熟既人係南區，自稱南區聯合，佢地有收到消息—有人係赤柱監獄逃獄成功。」

許少傑從跑馬地騎士團聽來，跑馬地騎士團從南區聯合聽來，南區聯合從「有人」收到消息。在互聯網停擺下，消息本來相當隔絕，想必在對岸的人還沒知道數碼港已不復存在—這樣的情況下，這種消息可信嗎？

楊芷欣如此評論，一號點點頭：「已經似乎唔太可能，赤柱監獄係全港最高設防監獄，逃獄？唔好玩啦。」

「的確，消息來源我自己都覺得唔太可信，但係萬一係真既呢？我地就錯過左一個咁既機會。所以，我想搵人去了解一下。」許少傑道，「確認到逃獄者既下落，我想佢加入我地，佢既陳述有說服性，佢亦都了解監獄。」

「嗯…」

「作為劫獄既第一步，唔係唔錯？」許少傑笑道。

「係就係唔錯既…咁邊個去？會唔會有危險？」大飛姐道，她只希望不是傑少。

「危險既話，依加咁樣既環境，其實做咩都會危險啦。」爆爆哥說，「反正我唔去，我好忙。」

「我知你忙，你專心搞好我叫你整既野先。」許少傑道。

「Ye~~s Sir~」

「舜兒，你想唔想去？」許少傑道，「你係數碼港成長左好多，我知道，你想唔想再進一步？」

「…」

「舜兒！」大飛姐叫聲在作夢的他，是因為太晚而太累，還是有心事？

「係！我，我呀，都可以呀。」沒有人知道他還在想著與家姐離開的事，事實上他才不想去，盡可能減少自己與反抗軍的瓜葛，最好連俱樂部小隊也能淡出便最好，但又有任務呢。

「咁天光後出發，目標係確認逃獄者既下落，最少要建立聯絡，最好當然係帶佢返黎，你使唔使搵多個人幫你？」

「其實——」

他還沒說完，錘妹便舉手道：「我。」

「你去？」

「嗯，如果逃獄者係女仔，我諗女仔同女仔講野會唔會好Ｄ，咁啫。」她解釋道。倒是纏綿的大舊與傻釘，看著她與舜兒，露出了似乎明白了甚麼的眼神。

「好，就你兩個。」

逃獄者嗎…楊芷欣思考著。

「咁，咁唔該晒你，錘妹。」舜兒點點頭。

「咪咁客氣啦，嘻嘻。」在會議的氛圍下，她似乎只對舜兒一人展露微笑。

「咁樣暫定就係咁樣，交俾你兩個。」

其實我覺得都ok嘅,
畢竟你而家一方面要講佢地兩個嘅事,
但同時又要營造世界觀,
係比較難兼顧嘅...

(唯獨是我個人覺得真係唔好提太多404嘅事,
因為咁個前傳就變得太依賴正傳,無咗獨立性...)

出發的日子是在末日下的某個早晨，歐舜兒收妥了無線電後便與前來送行的大飛姐和爆爆哥別過。錘妹背起背包，熟練地掛起大錘示意可以出發，她之前是跟家中的人做清拆工程，揮舞這大錘就如揮舞自己手臂一樣靈活。

「等人？」她看起來心情不錯。

歐貝兒沒來。

「嗯，無乜野，行啦。」

許少傑大館為中心，在不同的路口展開一道又一道防線，設下一個又一個哨站，錘妹與舜兒一直向前行，終於來到了最前的防線。

「我地首先係要去邊？」

「跑馬地呀，跑馬地騎士團梗係去跑馬地。」她點點地圖，「你熟唔熟個邊？」

「冇咩點去過。」他對賽馬沒甚麼興趣。

「咁———」

「細～佬～」眼前的同樣帶好了裝備的姐姐—歐貝兒。

「家姐？！你係度搞咩？」歐舜兒不相信自己看到的。

「等你呀，做咩咁遲？」歐貝兒倒是一臉理所當然的樣子。

「個無線電好難用…唔係啦，唔係呢個問題啦！你係度做咩？！」他指指歐貝兒身後的背包。

「佢就係你家姐？」

「呃…」

歐貝兒倒是自來熟的樣子，一把捉住錘妹的手握起來：「我叫歐貝兒，係佢家姐，你就係錘妹呀？」

「係…你可以咁叫我，你準備同我地一齊去？」

「唔！得！」歐舜兒看到那背包自然明白，連忙高聲反對！怎可以給她離開這相對安全的據點？！外面可是末日倒數，還是內戰爆發的邊緣！

「下？依加我係家姐定你係家姐呀歐舜兒！」貝兒把心一橫，「我係長輩Wor!」

「家…」他看到貝兒難得這樣堅持也為之錯愕，「家姐呀，做咩突然扭計啫？」

「我要去呀，你俾我跟埋你地去啦～」貝兒道。

「家姐你有病在身，去黎又…又…」說到最後，舜兒卻是把眼神挪開。

「你講啦？你講呀？你想講好耐架啦！」她嘟起嘴巴逼問。

你去了也是甚麼都做不到—舜兒自然不可說出口，怎能這樣說她？

「家姐呀，你去可能會死架，留係度啦，乖啦。」他苦口婆心地說。

「細佬呀，你去可能會死架，我一齊去啦，乖啦。」喜歡看書的貝兒連忙組成同樣結構的句子反擊。

「家姐咪玩啦好唔好！」他大吼發爛，「做咩啫依加！無啦啦做咩要跟埋我去啫！你又唔係唔知自己身體係點！」

「…」錘妹沒想到連反抗軍據點也還沒出，便面對著這場姊弟爭執。

「我梗知自己身體係點啦！你理得我啫！」

「貝…貝兒。」錘妹試探性的問道，「我知道你一直都身體弱，今次你突然想跟埋舜兒一齊去，係咪有咩原因？」

貝兒心中閃過那注射器與鎮靜口服液，與在末日法庭事件時自己在這邊乾等的焦急和不安。

還有，那個男人交給自己注射器時說的話：「既係未來只有絕望，點解唔去成為其他人既希望，成為佢地既英雄？如果連呢Ｄ風險都唔敢冒，算得上係咩英雄？」

可惡，被調查過了嗎。

「…無咩特別，只係作為家姐想照顧下自己細佬啫。」她移開眼神。

「你照顧我？你認真？」看不到的舜兒倒是一臉無奈。

「下？你個死仔，你知唔知你細個去廁所開大唔識用紙巾抹，邊個幫你？！」貝仔放出絕招。

「家姐？！」效果拔群。

「舜兒，如果你家姐咁堅持既由佢啦不如。」錘妹雖說本身也很想和舜兒獨處多一會兒，但是既然是舜兒的家人，她也產生了愛屋及烏的感覺。

「但係，佢身體好弱…」

「嗯，最多行慢Ｄ？反正應該都唔會戰鬥？」她注意到貝兒看雙眼在自己提及「戰鬥」二字時閃過了一絲異樣，但馬上說服自己只是自己想多了。

貝兒馬上發現錘妹站在自己的一邊，馬上附和：「係囉係囉！我都想出去嘛～」

「但…」

「細佬呀～」貝兒展露衷求的眼神。

＂為甚麼憧憬英雄的姐姐會有這樣病弱的身體，懦弱的自己卻有這健全的體魄？＂—歐舜兒不是沒有想過這問題，相反，他反而常因為這問題而覺得自有愧對歐貝兒。

「好啦好啦，跟埋去啦唉…」

「Yeah~」

那時歐貝兒給錘妹的印象是溫文，柔弱，如朝光下的花朵，帶點淘氣。

二人行變成了三人行，末日下的都市在前方，空蕩蕩的街道上只有雙眼空洞的人站著，坐著，或是—懸著。既沒有登上方舟的資格，也沒有對抗方舟政府的勇氣，萬一自己脫離了反抗軍，自己會否變成那樣子？歐舜兒竟然擔憂了起來。

呢個岩，４０４個邊只係放緊伏筆，點到即止

貝仔放出絕招

靈感黎打字太快

都唔知好定唔好，冇咩人睇我度橋可以仔細Ｄ

推下咁

爆文

屌腦閉塞

西面的跑馬地


佢地唔係係大館咩？

有文了

搞錯左方向