食飯大大力
2019-07-17 15:13:37
而家個問題係, 和理非冇同勇武割蓆, 但係勇武同和理非割蓆
我明白當晚大家都係危急之下咁反抗, 不過我想大家諗返我哋初衷嘅五大訴求
你要政府而家釋放義士, 其實係唔可能, 亦ungrounded的。既然我哋反送中, 係想維持香港嘅法治, 你有冇諗過而家你要求政府釋放一個(難聽都係事實)表證成立嘅疑犯, 其實係違反法治精神。但你話, 係咪唔可能做到呢個訴求? 又唔係。但你要入到香港權力核心, 而立法會就係其中一個。
香港三權分立, 行政(政府)、司法、立法係掌管香港三大權。政府你唔駛諗, 特首係中共委任架嘛屌! 司法, 就算俾自己人入到去, 佢都必須要以法治判案, 唔可以有政治立場, 所以, 你唯一可以影響到嘅係立法會。利用團結嘅力量, 選晒自己人入去, 洗立法會牌, 咁你先有bargaining power, 好似送中一樣, 利用「堵塞法律漏洞」做理由, 修改法例, 改「暴動罪」定義!
但我想講, 而家深黃而又會投票嘅人唔會夠中立港豬多。黃嘅只有政治票, 但藍嘅除咗有政治票, 仲有民生票(蛇齋餅糉), 對撼一定輸, 所以要贏就一定要靠中立港豬票。
反送中係難得一個單一政治議題可以連淺藍都拉攏埋黃呢邊。呢班豬, 你真係唔好期望佢哋會用腦、會覺醒, 佢哋真係好L膚淺, 睇CCTVB, 大家打還打, 唔好俾人影到。你有你前線打, 麻煩都稍為考慮下背後仲有一班人, 喺其他戰線支援緊大家, 我哋支援你哋同時, 希望你都體諒下我哋, 明白我哋唔係指責你哋, 大家都係想喺唔同層面幫件事。