游水 真係好有用

仲有少少失敗經驗可以俾大家參考下：
1/ 試吓一路游一路數住換氣次數，一般換二十零次氣就游完一個直池（講緊泳式麻麻哋兼每左右手各抓水一次就換氣），咁樣做嘅好處係目標好清楚，唔使估自己游咗幾多，知道捱多幾次就掂池，會有意志捱埋佢。
2/我上咗幾次市政班先至開始用自由式游到一個直池，唔一定上完一個班十堂就學得識，從每個教練身上都會學到啲有幫助嘅方法去改善，學無止境長期練習總會學得識，學識基本再上網睇人哋點樣游慢慢改善。
3/換氣飲水問題，初初學自由式一堂已經飲夠全日飲水量，仲要係啲泳池營養水，問教練點算好，佢答得好坦率，佢話細路仔關節鬆淨係轉頭已經成個咀上哂水換到氣，你哋班大叔大媽一個二個鬼咁硬頸自己又唔知，淨係擰頭唔飲水先至奇，佢叫我擰頸再加埋轉膊頭大動作換氣，講完試下又真係飲少好多水，而家基本上換氣唔會飲水。

可唔可以CALL埋方力申一齊?

個教練好坦白

thanks
但太大動作抖氣唔會嘥好多力咩, 我發覺我應該係抖氣動作太大好快無力收皮

另一邊身側多D落去
易D抬頭?

打蛋式踩水 應該點練？
（識蛙腳踩水）

傷膝就唔好蛙腳住，練自由式+蝶腳蛙手做好個core 先

但是一踢得慢就下半身下沉，踢得快就次次游25米就喘哂氣。

今朝試下自由式手腳頻率慢d 發現對腳沉得好快 其實新手係咪唔好理住腳頻 做好對手同擰頭換氣先？

上身沉多D
上身沉下身就浮架啦

如果你腳冇問題就係你手問題

你划手唔去，要靠腳，一慢就會沉，如果你划手去水既你既踢腳其實唔會太大力，所以d人玩到游10k都冇問題，你研究下你個划手
然後試下用大腿發力踢腳，我見好多人都踢到好鬆散用腳腕帶動，呢個方法唔岩，你睇下你錯邊樣，我唔一定正確，呢d我經驗黎

我游長途開頭好力果陣對腳係細細力踢保持返個平衡，後段冇力對腳先會踢密左，但都係靠對手提速

練左幾次1轉500，諗住試吓1轉1000，點知見到個早到我既女人完全冇停，搞到我又唔想停，最後覺得自己捱到就不如游到1500，然後果個女人走左我又狀態好不如游到2000，見到就夠1個鐘就不如游1個鐘停，最後玩到1小時3分鐘2500

我之前最多都係一次過500，而家38分鐘1500，後面果1000其實散曬冇力

游水係好好嘅運動 但尷尬在唔識游嘅游兩野就攰 就算之後死撐都動作變型 練唔到野
識游嘅識點去水 游1km全程心率可以唔上120 等同散步

改泳姿 大機會要重頭學
我30秒爆完50米 但都唔識點輕鬆free style

後面1000會唔會冇晒form
游得求奇？

肌肉冇力，姿勢散曬又未至於，但係慢曬

同埋最後500-1000對腳踢密左，因為手冇力，要彌補返冇左既速度

我想問咁樣會唔會同冇游冇分別
最近練長途驚自己放得太慢

我11個月前游50米都冇曬力，加埋要游1000上返水後換衫都手震腳震，但中諗正常人真係唔會咁誇張，之後我上網研究返個姿勢，再配合埋練習量體能進步左係會變左第二個人

應該寧願休一休息
等個人可以做返好姿勢
好過長距離

https://youtu.be/H1sUzBl03Io?si=siDBS7wgp9xMmx_Y&t=417
睇下呢度

放慢曬游係唔辛苦，但其實我唔知有冇用

Thx，一陣詳細睇，不過淨係睇title都知我錯

初初出黎做野，有段時間好鐘意游水
好喜歡用蛙慢慢游既感覺