成人初學鋼琴，歡迎加入交流

快樂就得 別迫自己太緊

你老師似教開小朋友 用教小孩子果套教大人

ukulele
kalimba
Violin

樓主換過老師啦，初學叫人練Canon 真係靠害 佢心態一定係驚你成人練基本功怕無聊好快唔學，所以識啲歌仔俾你，但係呢首歌嚴重超出初學範圍，佢甚至唔講點練習，佢唔係好老師嚟㗎，換咗佢啦

有問題應該老師解答到先係，否則點解要老師

為興趣定為考試學，係唔同教法。為興趣，可以唔練 scale，arpeggio 個 D，有需要先練一兩條。考試就冇辦法，照 syllabus 練。
成人同小朋友都唔同教法。成人最緊要係維持興趣。Hanon 個 D 機械訓練，scale，甚至 Czerny 都唔啱。小朋友就 OK。
我初初係 First lessons in Bach 同埋 Piano Pieces for Children 開始。尤其係 First lessons in Bach ，我認為係最好嘅初學教材，每一首都係藝術精品，練琴變成享受。可以接住 Bach 嘅 Two part Invention。

可以考慮買個數碼鋼琴， 3XXX 有交易。可以放牀度彈。

你youtube search下

可以上 youtube 學。我全程自學。我係由 First lessons in Bach 開始，加本 Piano pieces for children。個時都冇 youtube，全部斷估。依家所有歌網上都有，仲易。

好多人都有呢個誤會，其實兩者幾乎無關

古典係睇譜彈琴，你只係將人地嘅曲目用樂器演繹返出嚟，唔care quality同musicality嘅話，就係你喺啱嘅時間撳啱嘅音就係，聾嘅都識彈（咁當然唔好），對技巧細節上要求高啲

流行曲係你要同件樂器好熟，尤其對和弦同聲音，講求即興創作，唔認聲就彈唔到，但相對對彈奏細膩度無古典要求咁高

所以我每次收到新生尤其成人，都一定會問佢地係想學古典定流行，完全兩套method嚟，有交雜但幾乎唔相通，巴打你最好再諗諗自己想點先繼續學，唔好浪費時間喺啲無乜用嘅地方再磨到自己意志消沉

跟拍子機彈咪仲難，姐同拍子機合奏，要好熟先得。

半年彈呢啲？除非本身識其他樂器仲要已有一定程度，然後你吸收又好快日日練（正確練琴），唔係你應該學得超辛苦而練完呢首再畀下首差唔多程度嘅你，會即時打回原形變白紙

有冇初學提琴？可以入嚟傾下

https://t.me/+GMMZeBH9nbcxYTU1

你個老師一係呃飯食，一係唔識教
建議盡快轉老師，以免學壞手勢

唔認為，個老師似鳩教，又乜都唔解釋仲黑面
一星期咁多野練，佢expect樓主可以練得幾仔細？一堆野咁練分散曬，下星期嚟咪全部sight rea甩甩咳咳
一星半期彈靚一條etudes+一首歌仔已經好好

依家大部份樂譜都有指法，見得多，都會明白指法設計背後嘅原理。指法係好 personal 嘅嘢，同手嘅條件，習慣有關。最緊要係你覺得舒服。冇改唔到嘅習慣。有 D 樂曲，我以前彈，同依家彈，指法都唔同。

有冇可能0基礎學半年就練呢首？ 仲要睇譜都未得 ，彈唔到你老師都繼續叫你練？ 你個老師好似唔係好掂。
利申：好多好多年前8級然後冇彈了，好多年前試過教三四十歲朋友

你考完五級，依家彈六級，呢首大概六級程度，你sight read到好正常吖
read到唔等於彈得好，classical就係有好多details要慢慢執

咪係，迫人彈首咁難樓主做唔到之餘，仲打擊左佢信心，連教人點發力都唔識答，廢到，換過個啦樓主，考車都要換3個師傅，何況考琴

其實唔好怪老師。有得 hea ，邊個唔想啊，家長要睇 KPI 架。

換老師啦，你依家嗰個好出名咩？

Btw細個都學過鋼琴，但係over 10年冇彈，都考慮緊重新學，覺得個技能就咁冇咗好浪費

yamaha P 145B , 3XXX，係數碼鋼琴，彈起上嚟，同真琴冇分别。又唔佔地方，放牀度彈都得。

初學嘅話canon算係半個大佬
但又真係冇乜咩技巧, 左右手是但舞掂一邊, 然後就夾埋
同埋對拍子一開始通常都係set到好慢, 然後逐啲再加快
靠嘅只係係練習練習同埋練習
可摸耳講吓你一考就考幾級, 咁多功課好似咁好chur咁

利申已經十年以上冇學, 當年考試係scale, 3首歌, sight read, 同埋口試個官會彈一段再問你問題
唔知而家係咪仲係一樣咁考, 你加油

我中四開始自學，前面有玩過少少結他，從來唔睇譜，因為都覺得煩，流行曲你要知道首歌係咩Key，其實來來去去都係嗰種Pattern，鋼琴左手係比較容易（Chord），難在右手（歌詞），即係簡單嚟講一首C key歌，多數都係用C G Am Em F 呢5個chord為基礎去玩，C key歌右手大多數都唔使彈黑鍵，就會相對容易練習同埋去記，C Key流行曲歌手例子：陳奕迅、周杰倫、林俊傑，佢哋啲歌幾好練，多數會參考呢類片去練習，一小段一小段咁練