成人初學鋼琴，歡迎加入交流

小弟都係學習者 個人認為 老師要岩傾之餘
你要回顧下呢半年入面 有無比到你方向練野
到你練習佢比你既功課 有無目標係呢d功課入面可以學到
例如 節奏岩唔岩 上堂佢有無指出你既陋習比你返去留意改善 你做唔到既野 有無方法令你做到

我地唔係為左學首歌而學鋼琴 首歌無聽一兩個月就唔記得 點彈
最重要係入面學到既技巧同樂理 下次再見到應該望兩望就彈得返

如果佢比你既功課 你有壓力同你下次上堂係彈唔到 我覺得呢位老師掌握唔到你既進度 我老師每星期都係比兩至四首（視乎難度） 暫時都好順利d歌愈來愈難 雖然唔係每次100%完美演繹 但自己節奏感 睇譜速度 準確率 都比起岩岩學提高左 所以如果發現你無方向既時候 我覺得可以轉一轉老師 唔好因為舒服就繼續浪費金錢 你要係老師身上偷佢d知識同技巧 唔係傾計

我覺得上堂會堅持得好啲

其實我都覺得太多嘢要練，唔能夠好專注，所以成日覺得好似練得一半咁，而家係經常有啲練習曲係2,3個星期都練唔到，我直情係想揾啲練習去練啲練習曲，但係諗落又好似唔應該係咁，成件事錯晒

到我彈俾佢聽嘅時候佢會講，但係我覺得唔應該咁樣，因為我已經練咗，已經習慣咗，要改唔係又嘥咗時間咩，所以我真係諗唔明，我估佢想我自己去諗，點樣設計個指法，但係以我而家個程度，應該未必搞得掂

Lm

我都覺得係後者，首canon in d 我直情係yt逐格重播咁嚟睇個指法，所以我覺得有啲半自學😂

有冇elbow 老師對波？

好多時都冇上堂彈，因為唔夠時間，老師有叫我唔明就WhatsApp佢，但我好少咁做，落咗堂就落咗堂，之後係老師私人時間，唔應該咁樣

細個學到7級都無老師提過我

所以真係唔知點樣揀老師，試堂應該點試先好？

樂器冇得急
一定要慢慢練基本功

我覺得你未必要一個鐘練晒所有嘢，可以試下一日剩係練scales同arpeggios
跟住第二日剩係練歌

同埋樓主冇得同老師溝通下咩
問下佢大概點分配時間囉

間唔中都可以試下彈啲自己鍾意嘅嘢，睇下自己進步成點同埋keep住個interest

初初嘅時候有問過老師，老師就話我唔夠效率，然後就沒有然後了

聽你咁講你老師好似唔係好掂
$2000一個月唔應該教得咁hea

同埋你講緊嘅記譜係真係記譜, 定係記指法, 記動作 同記聲?
如果係後面三樣我覺得冇問題

如果想練睇譜快啲, 就要不斷逼自己睇後幾個bar
彈緊一個就睇定下一個

如果係講緊sight-reading, 你可以彈多啲below你水平少少嘅歌
然後嘗試一嚟就雙手彈, 盡量彈快啲
彈完就move on, 搵其他嘢彈

然後真係唔建議琴行學
一嚟琴行工作環境同待遇都唔好, 多數冇咩心機教, 教得好極有限
二嚟琴行通常環境都麻麻, 房又細 回音又勁 隔音又差
你唔頭痛個老師都頭痛, 佢又點專心聽你彈呢

最後講返fingering唔係真係咁易
越難嘅歌就要用越多時間去plan指法
正常初學未必可以自己諗到最適合自己嘅指法
所以都好考老師嘅心機
佢係應該協助下你

同時你唔可以怕比人改指法
唔可以話咩練咗一個禮拜浪費晒
你啲肌肉記憶冇咁勁架
你彈多幾次就改到
而且既然改得就有原因
可能係彈得唔快, 彈得唔舒服, 或者彈得唔好聽
如果你自問舊指法真係好啲, 你先好challenge個新指法

所以學琴其實好複雜
搵一個真心有經驗, 有責任感 同有實力嘅老師先學得快

冇乜天分，唯有勤力啲，將勤補拙吖嘛

唔係練得多就有用的 飛撚咗你個老師佢啦 睇佢好似完完全全唔識教

如果你覺得老師幫唔到你可以考慮換個個，都可以試下alongside上網自學樂理，而家網上其實都好多資源

如果老師做唔到點出你嘅問題然後俾到effective solution不如自學算

原來一路彈要睇後面，唔怪得我成日斷，咁我又唔係怕比人改指法，我只係唔明點解我問你又唔講，唯一我估就係想我學識自己去設計個指法，基本上老師點對我，我都ok嘅，其實sight-reading我都有諗過買啲啱水平嘅書返嚟練，但係又好似冇乜時間，所以又擱置咗

其實我真係唔知佢係咪一個好嘅老師

老師好快已經幫我買咗樂理書，其實我真係冇時間做，但都要做啦

其實我唔覺得我個老師冇料或者係唔識教，但係總係覺得佢有啲嘢，或者我覺得佢喺做生意同教琴，偏咗喺做生意個方面，唔知點解會有個咁嘅感覺