成人初學鋼琴，歡迎加入交流

嘩，唔駛學都可以上去，好好呀

我覺得先學古典再學流行曲會好啲，因為會好難提升技術同埋學壞手勢。因為流行曲响音色方面嘅需求太少，當你不需要理會音色嘅情況下去彈琴，咁對嘅技術嘅提升會好有限。

慢慢來啦唔急既，我純粹係覺得如果你對樂理有興趣既話，上網應該都搵得到

師兄都講得好啱，我自己就會堅持學古典，不過近期fb好多流行鋼琴既廣告，可能真係好多人學，速食文化，直接進入主題

同埋講真，冇乜幾多人會願意用10年八年嘅時間，到最後原來都係彈路小雨😂

如果你覺得彈cannon in d就要有技巧 會唔會走去彈k歌之王就變咗做摸啱音就得
由「愛愛愛那麼多」推到去高潮 再喺「米高峰都因我動容」收返晒啲情緒 我唔覺得呢啲位對音色冇需求囉

好多老師都拎宮崎駿嚟做教材 咁呢啲又算流行定古典？又要唔要理個音色？

有個學生拎份鐵達尼號嘅譜過嚟 話想彈俾男朋友聽
咁你會唔會見係流行歌 就連大細聲都唔教佢處理 跟譜彈完就算
如果會嘅 咁到底係老師問題定係流行歌問題

嘩，宮崎駿都好想彈㗎，其實好多嘢都想彈😂冇咩事我都係返去練手指先啦😅

全職教琴既路過

我覺得依家既時代已經唔同左
依幾年自從疫情 ABRSM新增左錄影考試之後
我都冇叫過學生練scale
如果依家叫學生練scale czerny bach
分分鐘d學生秒走都似
特別係大人

其實都冇硬死一定要練d乜野基礎野
練返適合自己程度既歌
彈得開心就可以了
因為每首歌其實都有好多唔同既技巧同fingering係入面

希望你學琴學得開心
唔好放棄
中途係痛苦
但學到上頂就會覺得好爽
加油

多謝老師鼓勵，點解啲學生唔鐘意練scale？乜佢哋唔覺得練完之後真係靈活啲嘅咩？同埋hanon，要練到彈得平均真係有啲難，但係當我做到又好有滿足感，另外想問一下，其實係咪有啲學生淨係練歌？其實一首歌入面真係有好多嘢學，要彈好一首歌真係唔容易

首先你要明白鋼琴嘅音色同唱歌嘅音色表達方式係唔同

唱歌你用口唱出黎，你情緒變，唱出黎自然唔多唔少人地都感受到

但手冇情緒可然，你要用隻手邊個位置發力先會得到咩音色，最簡單用手掌發力，手臂發力，同用全身發力彈出黎嘅音色都唔同，我相信好少教彈流行曲嘅老師會敎依方面既技術

而師兄所講用宮崎駿算古典定流行，我覺得要睇下各下用咩方式去表達，你就咁彈啱晒啲音咪算流行囉，但宮崎駿之前做指揮管弦樂團咁當然當古典聽

古典定流行，唔係果首歌係咩時間去作，係用咩方式去表達，Canon 都可以好流行，K歌之王都可以好Classic

有我

本身d scale都會藏左係d歌入面
所以你當scale好似苦茶咁
扔d糖東瓜入去
等件事易入口d咁解

佢地彈完唔會覺得有改善
大人細路都會覺得好悶
所以最佳辦法都係餵有scale既歌俾佢地彈先最come撈

果然係好有經驗嘅老師，等佢練咗都唔知自己練咗😂呢招高

不過其實真係要好細心留意先會睇到個分別

不過有時老師會話有啲地方好咗，自己完全唔識聽，但係老師咁多學生，其實應該未必會記得每一個人係點喎，不過佢咁講就咁聽，自己得閒再留意吓 😂

一定記得
我四十幾個學生
每一個人柒d咩叻d咩上堂咩進度都會記到
除非真係個個星期好忙/個日好眼瞓
唔係既話都冇乜問題

教得多就知咩歌有咩技巧
到時你想佢練乜就開個首俾佢彈就係
係依行生存就係咁
第一大忌就係嚇走學生

我就係攞喜歡嘅旋律，試下自己配上伴奏。久而久之，可以 jam 到 D 伴奏出來。當然要有一 D 和聲學嘅知識。improvise 右手就比較少。
古典嘅你可以参考 D 變奏曲，例如 Mozart 嘅《小星星變奏曲》，貝多芬《Diabelli 變奏曲》，蕭邦嘅《摇籃曲》。然後攞幾小節和弦進行做背景，試下右手加 D 音上去，可以由音階，双音，分解和弦 .....組成，例如：C - Am - F - G7 - C。跟住可以攞 D 短歌，試下好似《小星星變奏曲》加幾個變奏係後邊。例如： Old McDonald has a farm。
如果想爵士風格嘅 improvisation，就要用藍調音階做素材。呢方面嘅書就好多，例如 John Mahegan 嘅 The jazz pianist，Jazz Improvisation（3 册）就係比較經典嘅爵士教程。有 D 書有大量金句（ad-lib golden phrases），背咗，可以唔經大腦彈到一大串音符出嚟。
網上仲有好多，打 jazz piano 搵下就有。
一般人學即興演奏，都係先行爵士路線，因為教材最多。

慢慢做咪做到
個個都識行路，無人會覺得行路係成就感
但練習好耐，之後跑贏100米短跑，咪就係成就感

先買本書，試下睇唔睇得明，唔使咁急學。

youtube 睇下片先。

古典係内功，學到咁上下，再刀槍棍劍，就冇難度啦。可以 古典 - 流行 - 爵士咁學。

應該都唔怕啦，網上啲人講，啲學生排住隊揾老師，做都做唔切😂個個老師都有自己琴室🫣係fb見好多未畢業已經好多學生，呢個行業真係好勁

明白，多謝老師提點🙏🏻