成人初學鋼琴，歡迎加入交流

順便借地方問問
學咗咁多年 打算買琴啦
想買數碼鋼琴 方便夜晚練唔會嘈親人
暫時睇中Yamaha Clavinova CLP-845/835
有冇ching可以俾啲意見呢

咁師兄平時完全冇練？每星期練30分鐘，師兄應該係天才中嘅天才，好羨慕你

師兄好勁，有根基真係唔同啲，唔使特登學都彈到

唔係呀我好肯定自己冇天份㗎
最初幾年就每星期練一個鐘
最近幾年懶咗 上堂前半個鐘先去琴老師到
大人有樣野好 就係練琴會比較集中
話練琴就真係練到琴
平時要返工 有時又ot 我都想練 但邊有時間

真係好多謝你嘅分享，休息真係好緊要，有試過練超過3個半鐘後，開始完全集中唔到，所以我而家直行都係三個鐘左右，同埋好同意你講嘅練習嘅累積，一齊加油，堅持

你嘅sight reading仲意緊係abrsm個考試section名稱

但我同上面啲ching係講緊嘅sight reading係「能力」，同埋音樂上嘅應用，試下聽人講野

在職學琴有一定程度之後，上堂就會變練琴
8級打後d歌又長又難，揀一首彈一次都可能要半個鐘，唯有集中練最卡個d地方
有啲後悔中學冇chur上8級琴加樂理，樂理底差好難理解d歌，變得好靠老師

我宜家淨係學緊一首歌咋
Czenry scale呢啲老師冇再叫我練
而我都冇咁多時間練
所以就咁學一首就算
通常學完一首難既 老師知我練得吃力
下首老師就揀首易少少既俾我
等我舒服啲 老師唔會chur我㗎
之後先再學首難啲既 慢慢咁學上去囉

試下搞啱定義先講嘢
sight reading就係即時演奏未見過嘅樂曲嘅能力
連樓主都識講練sight read就買本未彈過嘅琴書
你只係講緊揾音認音

巴打加油，之後彈到d出名又有一定難度嘅歌會覺得所有辛苦都抵返曬咁

細個學過琴，本身都鍾意但老師成日趕考級，去到最後已經冇哂興趣，淨係驚考試唔pass，唔知香港啲老師係咪都傾向咁
建議樓主上YouTube睇下啲關於classical music故事同作曲家嘅片，培養下興趣，其實作曲家們好多故事都好有趣好感人

一日練一小時琴真係難。練琴好用腦，運動一小時反為易 D ，唔使用腦。
我有時會臨瞓前，攤係牀度，咪埋眼，幻想隻手係琴鍵上便彈，有時單手，有時雙手。如果你好清晰咁想像得到，通常彈都冇問題。撘車都可以咁做。類似嘅嘢，好多體操運動員都會做。

可以先 youtube 睇下片，再行動。好多教琴嘅片，我識人係直情跟 youtube 學。

你鐘意啦
最好你每隻歌都冇上手呢個步驟，乜歌都彈過，拎起份譜就完美演繹

邊個開歌果時係「已見過」份譜

仲有有 D 商塲有公眾鋼琴，可以去彈下。

同埋sight reading係綜合能力嚟，唔譜彈譜認音，隻手又協調唔到，冇可能sight read好

唔講睇譜認音咁應該講乜
會唔會係你sight read好勁但唔識睇音認音，定你睇音認音好勁但sight read成勁廢

轉個老師啦 咁樣曬錢嘥時間又冇進步

我都驚唔pass，老師話佢冇學生係唔pass😂

自學咗半年
一時彈初級教材，一時彈流行曲
隨心彈好似效率低
但跟老師又變到交功課有壓力
暫時等自已浸耐啲，練睇譜能力，同彈吓各種嘢
反正有練總好過零

其實錯係好平常嘅事，最緊要係兜得到，唔會企咗係度。

師兄一齊加油，堅持✊

睇人睇練習量，但3-4年應該走唔甩
佢個arrangement 唔係一般難，要有足夠技術同協調「彈到」啲音已經要花時間去累積

但「彈到」同「彈得好聽」又係唔同層次
如果你追求嘅係聲音「好聽」嘅Level

咁複雜嘅樂曲加入面啲voicing同articulation，仲有個彈奏長度，要彈得「好聽」的話唔係齋㩒音的話，要學嘅時間可以係「無限」

音樂冇完美的，一年前嘅你同一年後嘅你彈返同一首歌都可以完全唔同

睇下你追求啲乜啦，呢條問題係冇固定答案的

連指法都無教？
建議你換老師

郁下啲手指點都係好嘅，睇下你追求啲乜野結果啦，我又唔會一刀切話唔跟老師學，自學一定收皮

學下睇譜彈下流行曲，彈到啲音出來，自己開心的話，的確個要求可以低啲

但如果係想彈classical，想彈得好聽，要再進一步對聲音嘅追求

有啲發力方法同埋個musical sense真係跟一跟老師「或者」會好啲

因為有啲樂句處理同埋手勢，唔跟老師學/有人指出你個問題，係難啲自己修正到自己的

應該講唔夠連音先啱，都研究咗好耐，點樣可以連音啲