成人初學鋼琴，歡迎加入交流

學左半年就學Canon in D
仲要唔係簡化
個老師當你天才？

換老師囉冇必要比錢買難受

跟琴行？

就咁聽你老師教法好似令你好疑惑🤔

正常你初學應該要幫你諗埋個指法 我細個老師會寫數字喺個譜到 make sense 好多 每次彈每個音知用邊隻手指 (唔使每粒音嘅，但複雜嘅位或者要用手指轉嘅位寫出黎會方便好多) 等你唔使睇譜嘅彈嗰陣每次要process 用邊隻手彈

就算到去到演奏級佢都唔會由得我自己 “設計指法” (d曲目難好多手指位更加要計到好足) 會同我一齊plan難嘅位

初學咁都好貴，早幾年學都係800

Lm

古典流行兩樣野唔同嫁 流行曲識睇chord彈就ok 自由度大啲 冇話fix死彈邊粒音 只要跟chord音彈就得
所以如果想學pop可以學彈chord先 當然有少少彈琴基本功會易上手啲

但係你每一堂係上幾耐嫁？有時我覺得45分鐘都已經好夠好想做到每日練一個鐘，但係最盡都係兩日先練到一次，每次大概2-3小時到

我都係剛剛學2個月，想問平平地買個電子琴係屋企練有冇推介

係囉，我都覺得好似chur左啲我都aim未來三年考到六級or above，不過你都少辛苦喎

最緊要係你開心，其他都唔太重要㗎啦

同意

哥仔咩係吊臂啊？

我五張嘢先學，威你少少

一日練4個鐘，以前

但算唔算嚴師出高徒？

每個人隻手都唔一樣，有大有細，每隻手指既力量都唔一樣，所以指法唔係統一既。一套好既指法會令你減少轉手腕既次數，而你又可以（係未練既情況底下）比較輕鬆地㩒到啱既音。有時你覺得一種指法好，但其實會有更加efficient既彈法。

學有其他ching話齋，有D指法去到好高級都係會同老師一齊砌既。你其實唔係學左琴好耐，可能對好多點樣轉既位都唔熟，又可能未完全掌握你自己手既能力，你老師如果expect你自己寫晒簡直係不切實際我細個果陣D fingering全部都係老師寫既

一日練2-3個鐘琴其實真係好勁，依個應該係我細個一個月既練琴量但我唔係好sure樓主係咪可以咁持續落去，始終依個對任何成年人黎講都係好大既commitment。

你都講過其實你每個禮拜既野其實去到覆琴果陣都未練好（練好定義係能夠順暢、冇錯音地以同一速度彈完d野，可以好慢），其實咁樣覆琴都唔係最有效，因為覆琴理論上係老師指出你可以improve既地方+問你唔明既野。你唔熟既話其實頂多上堂可以一路搵音地彈一次，然後老師就叫你繼續練，因為你未熟你音都未大概㩒熟好難教你articulation、音量、pedal果d野。

其實好多初階既音樂都1-2頁起，考級果d都係，彈短歌會多d成就感，而且好多d低級歌係會針對性地練某一d技巧，所以樓主依個階段開始彈原版canon in d我覺得未必係一定係最好。樓主介唔介意講下依家彈緊其他邊d歌/書？

細個有考到7級
而家過咗10幾年見到啲電子琴已經有真琴鍵款又省位有啲心思思想買嚟自學
以前細個學琴根本冇心學

公廁歌

新手0方向想學琴
啲人成日都問想學流行曲先定古典

太多野啦 師兄練緊幾級嘅野？

新手上路練準確度之外仲要養成跟拍子嘅習慣 彈慢啲唔緊要 但唔好俾自己習慣咗尻彈彈啱音就算