成人初學鋼琴，歡迎加入交流

我有玩過 同玩音game冇咩分別 我覺得音game反而仲練到嘢添

冇，唔自爆，fb大把

師兄好勁，我就仲係未得，要再加油

即係你老師廢
音樂係數學 成年人有足夠理解能力 樂理可以一點就明 前人已經幫你推論咗 唔再需要你去摸索
老師嘅作用係提供練習方法俾你去鞏固演奏技巧

即係我話俾你知 係因為你背闊肌唔夠強壯所以寒背 呢個係理論 一講你就會明
教練個價值就係話俾你知咩動作先會針對性咁練到背闊肌

真心建議嘅直頭應該用三角琴添
有啲嘢要講實用

我都想學，但完全咩都唔識

人係冇咁嘅專注力去練一個鐘以上
每日半個鐘鬆啲就差唔多

練琴其實係練肌肉 武功嚟 係唔應該練咁耐

你有時間嘅 寧願你早一次晚一次 或者興起就行埋座琴到撳吓掣 都唔好一次過練好耐

多謝分享，而家都會一直開住個拍子機，但有時快到聽唔切，所以都好困擾，希望練吓練吓會聽到

好多謝你，真係講得好好，其實我從來唔會諗住上台表演，只係諗住自娛

因為太多嘢要練，我其實每個星期都練唔切

Sight reading 係好基本
難度唔講
但你最起碼要熟邊行邊粒音即刻撳到出嚟先
讀到撳到

希望可以一直堅持落去

要睇個key結構先

Roland有仿真琴鍵

快到聽唔切咪即係要慢啲

應該我嘅諗法係，想彈到自己鍾意嘅歌，但我唔想求其彈啱音就算

我會建議留意有冇二手靜音鋼琴

你入左未呀～

其實我都個個星期交唔足功課，不過都仲好有心機練琴，就算彈hanon我都唔覺得悶，因為要彈得好，都唔容易，1首hanon都可以有好多種練法，師兄一齊加油，俾心機，堅持

較到5 60bpm都冇所謂

Roland個手感已經好貼近acoustic嘅鋼琴
就算俾部三角琴你 如果係tune爛咗聲嘅咪一樣學壞手勢
初學應該揀部唔太貴 唔阻訂 容易放售
學到一個程度確定自己真係有心學上去先再按自己需要upgrade去其他鋼琴
好多人係學咗一輪先知鋼琴唔啱自己 然後部琴就送都冇人要 因為搬琴要錢

多謝你，講得好好，其實剩係練隻手打橫行，我都上yt研究咗好耐先知係點做

其實每一首歌都有唔同既練法，見到你每日練成3～4個鐘應該都幾肯努力，只係唔知練既野點樣幫你彈好首歌。以canon in D為例，左手部份份譜其實有幫你用弧線分group，試下左手可唔可以係唔郁既情況下㩒曬1 group要用既音，1 group 1 group咁練。練多陣可能會發覺左手同arpeggios、hanon有d似咁，咁理解練琴個方向會好d。

同埋練琴其實休息都好重要，發覺自己練極都無咩進步果陣就要休息下，比d muscle memory 整理下再出發。

唔練sight reading係打算一首歌煲幾耐

Sight reading = 睇譜速度+手指協調能力
Sight reading 做得越好，你每首歌個框架就越易出到嚟，然後再仔細練detail

有興趣就學啦，時間係唔等人嘅