成人初學鋼琴，歡迎加入交流

要啦 手腕姿勢要揾人同你執

開個ig account
練完拍片錄底佢upload
唔係想好多人睇
當自己做個記錄同目標 同埋訓練自己係壓力下彈得好

返朝九晚六的話
我覺得食飯前/食飯後練1個鐘就最好，30分鐘都好，將佢同食飯痴埋一齊，記得食飯就記得埋練琴
想進步就點都要令自己每日都做呢件事
你唔會唔記得食飯，但會唔記得練琴，所以時間好多時係籍口嚟

我自己嘅理論係其實個腦每日都有一個黃金嘅集中時間去練習，呢個黃金時間練習先最有quality

但最佳集中力時間每日都會reset，唔會你今日冇練，聽日就會有兩倍集中時間，過咗另一日就補唔返，所以要好好把握每一日嘅quality practice機會

如果可以將練琴呢樣野build-in入去恆常嘅生活時間表入面
加埋上面我講嘅set target，每日meet at least 一個

咁你嘅進步會係好可觀的，因為你每日都有累積到一啲野，每次練習都有野帶走

ok你所謂嘅sight read，係9彈一次分返邊度做到邊度做唔到
我講嘅sight read，係abrsm考你即時彈到幾多，唔係俾你反思自己邊度要練多d

我從頭到尾都係講緊abrsm考嘅能力
而呢種能力 除非你係十九世紀賣譜嘅
要即刻demo俾客聽
根本冇人care呢個能力
因為無論係職業同考生 都係練到自己嘅最好先俾人演奏
唔會有個鋼琴家走上台話 呢個piece我半個鐘前先收到 我已經做到8成喇 嚟聽我sight read啦

都係 一開始學好似係會易啲 冇咁多野要顧
不過而家唔係好習慣到要開拍子機
有時就算開左但會跟唔到 /唔知自己係咪跟岩
中間又會甩左 跟住又會跟返心中拍子
有冇咩方法幫到熟習到拍子機
而家練習顧埋拍子 就會好慢
因為跟極都跟唔到

仲講緊sight reading = abrsm 考試個 section
我覺得我講咁多真係晒口水，你喜啦咁

yes
abrsm sight reading section is trash

師兄呢個提議真係好好，真係好想做一個學琴嘅記錄，但係應該係錄啲咩片？

我上星期先開始上網睇教學嚟學左右手好難一路睇譜一路彈，要睇哂上下五線譜好難

你喜啦
字都唔識

有時真係唔得 有時放工夜晚要返夜校
返到屋企都好夜下
試過想朝早早啲起身練
但真係好攰 起唔到身
維持唔到一個月
可能意志力唔夠強
但我都知每日練先得
一放鬆就唔會練了
要加油啦勤力啲

師兄嘅建議真係好好，而家練琴已經算成為習慣，但係set target 呢樣唔知點做，不過都盡量嘗試咗先

呢啲方法好似唔錯 可以無時無刻都練緊琴
但首歌未必記到點彈 同埋要靠自己想像力
但好似可以試下 有時太忙真係要把握時間
起碼記熟到首歌

反而我唔開拍子機，我唔知自己彈緊乜，完全同首歌係兩樣嘢，我而家學新歌會先試彈啱音，拍子較慢啲，都係覺得唔似樣就上yt聽一聽，跟住就會好好多

但啲人多數上去聽完先開始試彈，其實咁應該會快啲，但係我覺得試彈咗先，應該對sight-reading有幫助，所以我暫時係咁練住先

師兄加油，一齊努力

師兄可以自學真係好勁，一齊加油

師兄一齊加油，努力

必經階段嚟，開著拍子機鳩彈咁你開住拍子機同冇開根本一樣

拍子機嘅作用係regulate你每一拍要做啲乜，唔好lose control

所以你而家要做嘅第一件事唔係開住個拍子機就彈

而係拎起份譜，你望一望啲節奏先

你真係知道拍子機每響一下係乜野意思嗎？四分響一下？ 二分響一下？定八分響一下？

咁每響呢一下你呢個節奏要彈幾多粒音嗎？

彈啱音嘅數量又有冇分啱個比例呢？
節奏平均嗎？

我嘅建議係你而家試試開住個拍子機，望住譜「哼」返個melody line出來先

唱譜好多人都覺得冇用，我細個老師都好執著要我唱，咁當然我就完全冇理佢啦，到大個學返琴，先發現佢用心良苦

唱譜係有用的，唱到哼到就代表你知個聲音點樣出先為知啱，係個「想像訓練」嚟

而呢個想像訓練都係提供一個standard話比你自己知要練啲乜出嚟先叫啱

唱啱拍子之後，如果再唱得仔細啲可以係連啲articulation都唱埋出嚟，每粒staccato、accent、分句都唱埋出來

唱到 = 彈到，因為你理解到份譜要啲乜野資訊，然後先再用隻手去meet返你個想像

你影一頁譜出來我比少少建議你啦一係

因為一開始冇開拍子機既習慣
所以而家都仲習慣緊 但有時開左好似冇開咁
唔識跟
我自己一開始都會上網搵黎聽一聽
但成日覺得好似出貓咁
但聽左再練真係差好遠
我而家盡量逼自己唔偷聽
真係搞唔掂先會聽下
一齊加油啦！

傻啦，聽錄音睇片真係一啲都唔shame
幫到你練到嘅野點解要拒絕接受

辛苦了，咁試下再cut碎啲，30分鐘朝早，30分鐘夜晚，會唔會易入口啲

睇音慢可以點練? 彈極都係要慢慢數

唔該巴打分享咁多
我對拍子機都仲係好迷惘
有時一拍幾粒音個啲真係好難
唔係好識分自己係咪跟到
可能都仲未熟
我會試下你既方法練下睇下
而家要同拍子機熟啲先得

https://www.youtube.com/watch?v=aB6q7P3AAkc
參考下呢個, 佢講果嘅sight reading 諗法基本上個個人都要學呢樣野
唔好逐粒逐粒數, 而係去諗下一粒音同上一粒音個距離關係

學左半年就要你彈canon in d，仲要係你盡量睇五線譜真係有啲難搞。

知道老師個出發點係好，但小朋友就算學左3，4年都唔一定可以靠睇譜呢彈。

canon始終係一個比較重復嘅pattern，上面都有人提到了解一下chord pprogression 。唔係叫你放棄五線譜，或者走捷徑。

但每個人學習方式唔同，有啲人係視覺型(睇譜)，有啲係聽覺型(聽旋律)，有啲係感覺同實踐(類似肌肉記憶？)所以睇譜未必最適合你，或者需要多d後天嘅訓練。

可以試下彈下Canon In c，網上有d 流行譜。數字簡譜加chord譜。可能會令你容易啲理解哩首歌係點樣。樂譜背後其實係做啲乜，始終一定先有音樂至有份譜。