成人初學鋼琴，歡迎加入交流

原來係咁 我成日覺得唔應該聽
覺得聽左就好似會依賴
但一開始都會聽真係練得快好多

拆開一定會好好多
最緊要要養到個習慣
養成就掂

成人開始學 差唔多十年，個期彈咩歌就熟個首，叫我彈返以前（幾個月前）既歌好似要重新學過摸過咁，太依賴muscle memory
所以輕鬆彈算

師兄好勁，可以堅持到10年，一齊加油

我都係大個咗先黎自學鋼琴，買咗部Roland FP30x，跟app Simply Piano學（買咗一年membership，但其實半年已經學晒入面啲內容，之後係自己另外搵譜彈），有個教開琴嘅frd大概一個月搵佢請教一次執下。
跟nicechord+好和弦嘅YouTube channel，同埋用《Theory》同《Tenuto》兩個app學樂理，再加埋唔識嘅時候搵google/YouTube嘗試深化理解。
每晚練1-2個鐘，weekend得閒可能就2-8個鐘睇心情，忙嘅時候起碼都會彈15分鐘保持手感，暫時除咗出去旅行之外冇斷過。

本身年紀唔細，已經唔會追求啲咩上台表演或者考級，純粹係為興趣for fun，所以只練自己有興趣嘅歌。依家由買琴返黎開始大概一年半，叫做大部分自己想彈嘅歌（主要係各種game嘅bgm），經過慢慢練習都可以彈到似模似樣（當然sight reading仍需練習，處理輕重同節奏之類嘅技巧都唔算完美），最近就沈迷喺本FF X Piano Collection度，最撚手係to Zanarkland。

我學到依家最大嘅得著就係，無論學乜都好，記得保持充足休息，唔好死練，人嘅肌肉記憶係喺休息中成長，前一晚點練都彈錯嘅嘢，訓一覺第二日就突然間好順暢。
所以亦都唔好覺得忙就諗住weekend一次過練多啲，一星期七日每日最低限度彈15分鐘等訓覺幫你整合，效果係好過大你weekend一次過練8個鐘（純粹個人經驗）。

另外就係彈錯/彈得自己都覺得唔靚嘅時候，主動思考點解會咁，係純粹熟練度唔夠，定指法需要修改下，定係節奏錯咗，定係某個技巧需要另外做專門練習，主動思考幾分鐘然後做啱，效果好過乜都唔諗就咁死練兩個鐘。

當然我都算係新手，有乜講得唔啱各位手下留情，互相學習。

多謝師兄分享心得，一齊加油努力

靚唔靚女先

呀sir嚟，師兄諗多咗🙏🏻

咁更加要換走佢

800蚊係4堂，一個禮拜一堂

可以先搵首熟 D 嘅歌試下，同埋先試下單手，單手易 D。 著名鋼琴家 Walter Gieseking 經常係旅途中咁練。體操運動員係等候時間都會將成組動作，係腦海中不停播放，當練習。

大家有冇學 chord progression? 係點開始？同埋點樣應用

咁唔係出貓。學習本來就係先模仿。唔係上網聽，老師都會彈你聽啦。

我覺得拍子機係係你熟習咗首歌之後先用。
老實講，如果手都顧唔掂，多樣嘢，更加手忙腳亂。
但講返轉頭，拍子機係好有用。
1. 彈伴奏嘅人，練好自己個 part，可以同拍子機夾下。如果拍子機都夾唔到，真人更加夾唔到。
2. 當你練好一首歌，可以用拍子機嚟做測試。夾唔到嘅地方，姐個度仲未係好熟。全部夾到，姐你水平已經超越個首歌。
所以，要有針對性咁用。攞練熟咗嘅歌嚟夾拍子機，係一個好好嘅訓練。但練緊一首新歌，我决對唔會用，因為佢係度吵住，好難專心。

可以搵本 和聲學（harmony） 嘅書嚟睇下。網上可能都有。呢個係學作曲必修嘅课程。
最初係練習為旋律配伴奏嘅和聲。同埋 chord progression 有内在嘅邏輯，好似英文嘅文法咁。或者好似畫畫嘅色彩學咁。
用途就係可以自己編 D 鋼琴曲，唔使下下問人有冇譜。
學作曲必修嘅课程，仲有 對位法（counterpoint），係學組織獨立嘅旋律，例如： 比一條旋律你，左手配另一個獨立嘅旋律上去。由於流行音樂好少係 複調音樂（polyphonic music）風格，所以比較少人會理。學咗你彈流記，左手就唔再淨係分解和弦，或者打拍子，而係不斷流動嘅線條。

lm

又好似係 好多時聽完先彈到
唔係好似冇靈魂咁
搞錯哂 等我仲專登唔聽

即係自己練熟哂首歌再開？
開住真係好吵
但我熟既歌又會跟住自己既拍子
然後開住都唔識跟
好容易快左慢左

拍子機個作用就係為咗戒甩呢樣嘢
好多人都係彈得熟就愈彈愈快
咁你自己彈 我可以當你rubato 但同人夾嘅話就絕對唔得
所以你可以當係同個拍子機夾緊歌 你當首歌本身就有拍子機個噠噠聲
好似夾band 好多歌都係鼓入先 我地就跟鼓佬個beat嚟彈 佢就係人肉拍子機
開拍子機 你就即係同個單棍單鼓嘅鼓佬夾歌

質>量

lm

簡單講就係識因材施教
了解學生為咩學琴 強項弱項喺咩 有咩barriers
同埋表達力強 令學生明佢講咩都好重要

好怕啲老師係咁迫人考級
我會覺得佢只係想考級後收多啲學費
完全唔理學生跟唔跟得上 學得開唔開心

同問x2，真係好想知

師兄學緊琴？