成人初學鋼琴，歡迎加入交流

其實計落用到5年，已經抵返，咁一部鋼琴最少都可以用10年以上，所以真係好抵，抵過出去租琴室

我反而覺得初學唔洗太介意一定買部啱嘅真琴，因為新手係唔識何謂手感，對彈琴無idea，最多都係聽sales / 聽人哋話邊部好，我個人經歷係去到琴行想買琴，但真係腦海一片空白，不知如何入手。中等價錢嘅數碼鋼琴可以係一個唔錯嘅起步，至少用平啲價錢就可以係夜晚放工後戴耳機練琴。

另外，有啲人可能摸幾年琴就發覺唔適合/無時間而放棄學琴。反而學多幾年確認到自己會繼續學，然後再換部啱嘅琴都唔遲。亦因為對彈琴及樂理有較多認識，開始知道自己要咩，識得去試唔同嘅琴，再買一款啱嘅真琴

師兄講得好啱👏🏻👏🏻👏🏻我認為初學，平平地已經ok，最好有免費就更好，fb啲樂器谷，成日都有free㗎，學一排真係冇興趣唔學，再free返出去，又幫到有興趣學嘅人，又唔駛蝕咁多

都係既，琴只係工具，最緊要自己係屋企肯練

無野比享受更重要
太想彈岩反而無咗彈琴嘅樂趣

想彈流行樂😂 其實應該即係彈chord

其實睇你目標係乜
如果你想彈啲classical masterpieces,咁一定要搵個好

我啱啱開始學嘅時候買咗部無piano touch 嘅電子琴 依加都想買過部新 一開始明明覺得有無分別 彈彈下覺得個回饋好正

各位師兄，師姐，老師早晨，今個星期練老師俾嘅練習冇乜進展，反而首canon in d俾我死砌爛背之後，有小小突破，即刻勁有心機練，都幾鐘意呢首歌，真係幾好聽，唔怪之得有老師話，好多成人指定要學呢首歌，聽日又上堂啦，今日要加油練琴💪🏻

彈自己鍾意嘅歌，好緊要。

有冇人用過yamaha arius系列既數碼琴
見佢好薄身 可以放入房
同clavinova系列比 觸感同音色係咪差好遠

同埋數碼琴其實易唔易壞
彈10年8年得唔得呢

應該冇問題卦，我對上個部 Casio，04 買，都用到 22 年先壞。

其實好易壞
電器，塊pcb會氧化
唔知啲廠依家有冇做好防氧啦
如果冇，香港咁潮濕，1年都玩完

想問下學琴 邊度揾老師比較好？同埋宜家普遍幾錢一堂？

一路都想彈坂本龍一首Merry Christmas Mr Lawerence

近排襯屋企換傢俬 買左部數碼琴
上youtube望住啲片係度跟住彈又幾過癮
主要都係吉卜力個啲歌 天空之城呀千與千尋

雖然一開始左手會好kick
但宜家練練下都彈到易既歌頭一分鐘都幾有成功感

Ching買咗邊部 好彈嗎

Yamaha p255

無彈過其他 無比較

見有得插headset先買

最少夜晚玩個陣唔會嘈到人

fb / ig 唔好只係睇簡介，睇片行先，一定唔會中伏

師兄你好，我喺琴行學，呢度都有好多好好嘅老師，不妨問吓佢哋夾唔夾到時間吖，師兄一齊加油💪🏻

如果要夜晚練琴，數碼琴真係冇得輸💪🏻師兄加油

九龍東係唔係觀塘個邊
住大西北

真呀 插住headset 唔怕嘈到屋企人
如果可以彈哂成首歌一定好正
所以先諗住揾老師學下啲基本野
唔諗住考級 淨係自己玩下

Yamaha p255 可以拎出街彈。

師兄我當初都係咁諗，係yt睇就睇得多，到真係可以自己彈到出嚟，個心情真係好難形容，一於去揾老師學啦，跟老師學，彈出嚟一定係會更加好聽，一齊加油，比心機💪🏻

睇你筆直 接受到2萬建議clp x45 or above 幾好