成人初學鋼琴，歡迎加入交流

冇，多數人都係話fp30，師兄可以去試咗手感先，唔急嘅話，可以等吓有冇2手，買新嘅話，想換琴就會蝕得多啲，最緊要係開始學咗先，真係有興趣先再諗其他🙏🏻師兄一齊加油💪🏻

係 差唔多價位入面 佢個手感我覺得係做得最似 係音色未必好夾古典

師兄想請問吓個3個老師係邊度揾㗎？等我避開😂

咁你都幾黑仔
啲老師喺邊到揾？

師兄好波，我冇諗過鋼琴老師都要備課😂我直覺係佢哋一彈就好似yt上面啲老師咁

有料咪唔洗備課囉，我遇3個老師都彈唔到... 之前有個5級fd教我一級歌，一彈就彈到，佢有無備課我就唔知啦

但係好難冇料都做到老師，師兄講吓老師係邊度揾🙏🏻

一二級歌仔都彈得卡 就真係離譜左小小

一個琴行，2個88db
其中一個上網搵既都教得ok, 只係彈得卡，我都跟左好一年。不過老師彈得差真係會無心機學。
如果佢彈得好，我會有target覺得自己要練到佢咁

師兄學咗幾耐？乜原來真係會有差嘅老師，我諗啲老師教初級，瞌埋眼都教得到，冇估到係咁

我10年前學，大約學左1年半

老師無教數拍子都係一個好大既問題, 老師只係教我1n2n3n4n咁數, 上網睇原來有其他方法緊, 果d乜野水果數拍子法。一個老師叫我跟拍子機彈, 但我返屋企開拍子機係會跟到錯晒, 佢有佢數我有我彈, 但老師上堂無同我用拍子機彈...
另一個老師叫我數住彈, 但我全部都1n2n3n4n咁數覺得好亂, 唔知有無更好既數法, 佢又無教我, 數住彈仲衰過唔數。
有個老師我跟左佢2堂, 佢指甲都唔剪, 好似好耐無彈過琴咁...
其實我一直以為差既鋼琴老師好普遍, 原來係我唔好彩

呢度都有好多好好嘅老師，不妨睇吓夾唔夾到，師兄堅持住，一齊加油💪🏻唔好放棄鋼琴

1n2n3n4n呢個我都唔識數，要真係數得準要好慢好慢，但係我好享受啱拍子個吓feel，個拍子機打落去果下好準，我覺得好正，可能我係有啲強迫症😂

佢後尾係對面馬路，買咗個商業單位做 studio。佢樓下條友唔淨止投訴，仲攞枝棍不停篤天花板（佢嘅地板），唔走都唔得。

普通upright都會傳
我喺工廈練都會聽到樓上樓下其他房彈

正常教左好耐都唔洗點sightread都彈到
如果好卡即係資歷冇耐/學嗰時只係背譜3首考試歌
btw1級應該好撚易

老師好耐冇彈啲歌其實係要備，
如果佢每個grade都有學生，咁成日彈嗰堆歌就唔洗備

又或者你叫老師教某啲歌6-7-8級我諗都要備下嘅
除非好勁咪唔洗備

我老師上堂寫指法，呢樣我唔鍾意，寫完再demo都半堂
不過佢彈得好

指法係有用, 但除非錯得好緊要影響流暢度, 否則都唔洗寫到明
不過呢d 每個人教法唔同

咁大件事😱不過暫時未俾人投訴，如果樓下投訴就慘啦

其實1堂時間好快過，上冇幾耐就落堂

師兄，想問吓學到咩階段開始需要寫指法？🙏🏻

通常我剩係覆琴都大半堂，有時都覆唔晒，主要都係自己彈得唔好😅

不過我又真係好少理，老師彈得卡唔卡，一來好小示範，二來我多數都上YouTube睇，最緊要佢要話俾我聽，要注意邊啲地方，起碼唔好練錯咗，嘥咗時間，好多時都係自己唔夠細心，睇錯咗拍子