成人初學鋼琴，歡迎加入交流

多謝晒你呀，而家睇譜依然都係好差，希望可以練好啲

認真覆你，你太心急，未識處理。

首先，睇譜一定唔可以一粒一粒咁睇，係一串串咁睇。你先搞好個chord progressions, 對好拍子機，用一個你舒服速度。
藍色部分就係我講的一串串chord, 只係變左broken, 你自己可以先將佢變成一個chord 先，之後對返紅色位置。

先練一練左手啲progressions, 右手就請好好跟fingering, 你想快，首先要識慢，再慢慢加快。

最後，你話你中意背，其實係冇問題，但唔好望住隻手彈，反而要練到個空間感，對你sight-reading 會好有幫助。睇譜就好似一種語言，你睇中文英文都唔會一隻隻睇，睇譜都係，但呢度需要好多年時間練。

成人學琴好在理解能力快，但都需要時間同樂理支持，學到咁上下，你會睇到咩係root, 有咩variations 等等。唔好急，學琴學得好都要十幾年時間，如果追求更好要學成世。你一急，個底又唔好，之後學上去會好辛苦同想放棄。慢慢嚟喇

人生苦短
錢唔係問題 大家fg 5皮嘢隨時賺返
晒咗你嗰啲時間先係冇得返轉頭

知道明白，多謝師兄咁有心教我，我會返去練，多謝晒

你睇譜係慢定唔識睇

老師話要考，不過未知幾時，老師話練就練囉，你唔講我都唔知個啲係練嚟考試，我淨係諗佢叫得我練，一定有佢嘅原因，所以就冇諗咁多

慢，唔能夠好直覺咁反射到出嚟，個腦要load

不如練下左手多啲，彈琴左手好唔協調，一定要分開手練，每隻手都練到佢熟到知道係乜嘢音能夠順暢彈出嚟先至左右手夾埋一齊慢慢練，唔好用拍子機住，跟住啱自己嘅拍子又慢至快咁練上去

高音五線F-A-C-E
低音五線A-C-E-G

真係好多謝你，咁詳細嘅回覆，我會返去好好練吓，我都真係希望可以慢慢學好佢，尤其是要打好個根基，我一定會努力，加油

無衝突架，你都係慢到快咁練
係咪有咩唔明

咁照跟住你個老師去囉，日子耐左 你咪自己彈下自己野咪得

因為到最後都快唔到😂

真係好多謝呢度咁多位師兄師姐，老師教導，俾好多好好嘅建議俾我，真係學到好多嘢，感激，感激

好少聽成人學古典
古典好聽啊

即係你未明
你彈唔到快係因為你連慢都未彈到

咁就要由更慢開始Build up

你有問題佢答唔到你，要你彈超過你程度太多嘅歌，可能想你知難而退揾其他人教
初級都要2000除非係有名氣個d

師兄，你真係分析得好啱，其實我都有直接同佢講過，如果佢唔教可以直接同我講，成人講嘢唔使轉彎末角啦

樓主可以試吓將拍子機調慢啲練熟再慢慢加上去

有個別位好難過就將個速度差距調得再細啲咁練
過到再加上去

冇聽過呢粒字 但睇譜最快嘅方法就係背，都要背嘅

我都係成人學琴 0基礎開起
老師最初問我為乜學琴 有咩目標
我話純粹興趣 學到就學 冇話一定要考幾級
叫老師當我小朋友咁教就好

我老師成人同細路都教
佢好明大人學琴既難處
例如返工忙冇時間練 我屋企又冇琴
所以我學得好慢 佢都冇咩怪我既
要我照練scale czenry arppegios 等等
手勢 手指點發力 拍子 大細聲等呢啲佢樣樣都執

老師年年都循例問我考唔考琴
我年年都話唔考
一來冇興趣考 二來冇琴唔方便練
咁老師就按我程度教琴 冇迫我一定要考試
學咗咁多年學費冇乜點加
每月一千到 好感激老師

師兄，想請問一下你，學咗幾耐？

8年啦 唔好笑我真係學得好慢 純粹為興趣
每星期臨上堂先去老師度練30分鐘
所以我既進度唔可以當reference
宜家彈緊6級歌

我係教小提琴，由細到大都係學小提琴
因為成日返工太悶，琴房有部鋼琴我就自己摸下摸下識彈了，成日彈流行歌，但睇譜就搞唔掂

所以練琴要有break

入咗樽頸，練極都過唔到，不妨一試抖10分鐘
會練得更稱心，死drill有時會越練越錯，越練越躁底

同埋另一個小建議，係搵到自己大概最佳集中時間，練習要嘅係quality practice唔係quantity practice

我自己本人就大概1.5小時，打後就開始耳聾眼矇小兒麻痹 開始聽唔到音色&控制唔到隻手

正常人做咩都會有fatigue，所以真係要plan好自己最集中嘅時間要點練同埋要練到乜

個target唔好set太多太大
可能每日練一頁，就算係每日練一個分句，一個細section都得，狀態好咪練多啲，狀態唔好都有啲野meet到

分配好時間，每日都練習下、郁下啲手指，練習唔會背叛你
累積落嚟就會越嚟越多，就會彈得越來越好
大家一齊加油，鋼琴真係好好玩的