成人初學鋼琴，歡迎加入交流

亦都會諗係咪老師覺得我三分鐘熱度，懶得用心教完又唔學

呢度會唔會有老師都有咁嘅心態？咁你哋認為點樣既一個學生，會令你特別有心機教佢？
嗱，唔好話個個都會用心教呢啲行嘢呀，親生仔都有高低呀

聽學生分享得多，好似好少老師會分享😂

其實睇你自己個學習模式，要餵到埋口先識？
定係enjoy自己搵完再同老師討論個可能性同正確性

但我個人覺得基本requirement 真係要講清
你識做到基本野先可以再on top搵，不然而家咁樣聽落我覺得唔太健康，因為睇字嚟講你係on top搵方法去meet基本嘅requirement

我就唔係初學嘅，都叫有啲底，所以我上堂個模式係會問多啲「點解」要咁做/咁練，又或者我練到某啲位聽到睇到一啲觀點係可能幾有幫助，先再同老師「討論」點做

其實音樂都冇對或錯，細個就話冇用腦靠餵，完全唔諗點解係咁做

大個啲，我自己就真係想要搵到一個你自己「服」點解要咁做嘅練法/Interpretation 咁我先有動力去做去練

小朋友係個執行人only，真正影響成敗其實係老豆老母，因為佢地先有能力同你track住小朋友唔上堂果6日練緊乜

老師講咗點練，比足instruction同拍埋片
然後小朋友執行，最後老豆老母QC，唔識音樂都冇所謂，你QC到6-7成，上堂老師就剩係執3-4成野已經係用爽嚟形容

冇人會鐘意堂堂鬼打牆教嚟教去都係類似問題

所以與其話係乜野小朋友，不如話係乜野老豆老母，先會令你會想教佢個小朋友

多謝師兄咁詳細回覆，好多謝你呀🙏🏻

不過有樣嘢真係想講吓，我曾經都問過幾次老師，我而家個手型啱唔啱，老師就話暫時OK 㗎喇，我聽到我覺得好奇怪點解係暫時OK呢？咁如果第時要改我又改唔改到呢？咁點解唔而家就改呢？但係之後我都冇再理啦

其實我自己都成日會發現到有啲唔係好對路嘅地方，不過既然老師冇特別講，咁我就當我自己感覺錯咗

我都覺得要自己去搵方法去做基本嘢係有啲問題嘅，咁老師示範嘅時候又真係唔係太難，但係自己返去練嘅時候就做唔到，咁咪唯有上網睇吓片囉，睇吓諗唔諗到辦法解決佢

成人學琴，要問清自己想做咩
同多d人交流下，音樂唔只得古典可以玩

師兄都對鋼琴有興趣就學啦，時間係唔等人㗎👏🏻

網上有人講過，canon in d，每日練2個鐘，大約個半月，應該可以成首彈晒出嚟

呢兩首歌我都好鐘意，又覺得好好聽，真係希望有一日可以自己彈到出嚟，加油，一齊努力

如果真係可以全職練琴就好，就唔駛吓吓都得一半🤦🏻其實每個星期都好唔滿意自己個表現

睇片自學算啦

其實我真係好想知道，其他成人初學鋼琴係點學法，我一路都以為同我個個老師一樣，但係呢度啲師兄，師姐都有提過，唔係應該咁

我自己理解初學手型（即係用曬手指頭去彈）嘅意義其實係為咗鍛練手指關節嘅力，你上網睇鋼琴家/youtuber彈琴，佢地應該都唔係完全用緊你而家學緊嘅呢個手型彈琴

咁係因為手指頭嘅touch係比較擊打向，彈出嚟嘅聲音好多時比較硬，唔係每首樂曲都需要用呢個聲音，其實手指除咗手指頭，手指肉都係可以用來彈琴的，手指肉因為有個「咕𠱸」咁嘅feel，力量傳遞冇咁直接，啲聲音會比較柔和啲

離咗題，但用手指唔同嘅部分去做唔同嘅觸鍵之前，首先你嘅手架要有力，即係關節要有足夠力量能夠支撐你嘅發力，咁你啲力先有效傳到落琴鍵

如果對手型冇概念/冇支撐，咁就唔係用緊最有效嘅力量傳遞方法去彈奏

推測你老師話暫時ok嘅原因就係咁，想你develop好個手架
同埋學咗半年，你又未去到要彈好多音色變化/好多section嘅作品，因此先話keep住呢個練習用嘅手型都仲係ok的

用呢個手型去睇練習曲先會更有效咁練到手指力量

（我都係試下解釋，實際情況請問返你老師）

邊到學？

師兄你講個個火車車卡練琴方法，我都係網上睇返嚟先識，我練canon in d個陣都係咁練，個陣1晚2個鐘練2個小節😭勉強練咗頭半首出嚟，而家捱緊下半首😂

多謝師兄咁詳細解釋，多謝你

追完po 我覺得你老師其實都正路 feel到佢好有心教嘅 係chur咗啲咁 可能你老師見到你做到/練到 就比下一樣野你練 又或者見到你有potential先push你 呢個要你自己同老師溝通下

啲fingering 真係要自己試咗先 如果kick手 老師都會同你講返用咩fingering 先啱 我都明白要改係麻煩 但係彈琴其實有彈性 你要自己試過先知原來咁樣work 咁樣唔work 係一個學習嘅過程

至於手指弱個啲嘅問題唔係一時三刻就可以解決到 hanon呢啲都幫到你手指靈活啲 要慢慢嚟

我覺得你老師係有心教嘅 但係上堂嘅時候可能無時間解釋曬全部野比你聽 所以都叫你有問題可以whatsapp問下佢 你都可以問多啲「點解要咁做？」「點先可以做到呢個聲？」「呢個練習/呢首野係練啲咩？」去了解下點解老師叫你咁做/咁練/練呢啲 （我相信你老師都係想你學得好嘅）

當然你覺得學到野 學得開心最緊要 你又係自娛下 如果覺得追度太急可以同老師溝通下 我哋又未聽過你彈/睇過你點上堂 唔知道你老師點教你 好難判斷你老師好唔好 同埋每個人都唔同 點樣教先適合你嘅 都係你自己最清楚
呢啲係我嘅睇法 希望幫到你

真，所以我講親最尾都係戴返頭盔

佢先係消費者，咁大個人應該自己判斷到點為知啱自己

學琴市儈啲講都係俾錢買service，覺得service唔好/唔啱口味隨時轉都得，呢個世界唔止得一個老師

又或者人夾人，唔係老師唔好，只係夾唔到都冇計
大不了咪試下其他先，試完覺得好/唔好都有個對照組，知道邊個好咪再返去搵佢

我自學一個月，識彈下結他，最近用yousican,跟住玩下，純自娛一下

我岩岩學左3個月
因為屋企有部琴
日日係屋企練幾粒鐘

一邊拎基礎琴書跟住學
得閒就搵d自己鐘意既歌彈幾句
練練下就一段，練練下就半首

mix埋一齊學無咁dry
不過就好似未學行先學走咁囉

好多謝你咁仔細回覆我，多謝你，其實我都覺得老師ok架，唔想因為少少嘢轉老師，不過因為我只係跟過呢個老師，可能好多嘢諗多咗，多謝師兄嘅分析，感謝你🙏🏻

師兄你好勁呀，日日練幾粒鐘，一齊加油，努力💪🏻

師兄自學鋼琴？勁，呢個app我都有dl落嚟試過，不過唔太啱我，最後冇用到，一齊加油，努力吖

唔使客氣 你學琴加油呀

慢慢黎 唔急既
宜家俾錢個個係你 每個人節奏唔同
一件事就係唔易做得到先至有成就感

純粹可以jam下野,無諗過考試