呢個時間橦大廈無乜人上落，所以楊悅盈佢哋四個就搭咗部無人嘅電梯直接上咗去65樓。
電梯門一打開已經係MTCC個Reception：佢哋右邊放咗一套淺藍色梳化同一張透明玻璃枱；正對住嘅櫃枱，後面幅牆係純白色，上面裝咗幾盞射燈射落嚟照住一個MTCC嘅Logo；而個櫃枱本身係淺藍色，簡單風格無乜多餘裝飾。
楊悅盈覺得呢度啲配色好似自己套衫：白色外套，淺藍色短裙——啱啱開始有啲尷尬嗰陣先發現，就連坐喺櫃枱度個女仔都係著住淺藍色制服。個女仔化咗淡妝、紮起咗頭髮，令到佢望落有啲成熟，但係楊悅盈感覺呢個女仔唔係大自己好多。
佢一見到有人行出電梯，就主動對住佢哋微笑打招呼；應該話佢專業，定還是機械化？
山哥行咗埋去，拎咗張Pass遞俾佢；佢好有禮貌咁企起身接住，仲講咗句唔該，然後坐番低對住部電腦打咗一陣字，應該係做登記？
「我係警察，呢位係中學老師…」山哥指一指身邊嘅周Sir：「佢哋學校最近發生咗幾單案，牽涉到一個喺度做過嘢嘅學生，所以想上嚟問啲資料。」
「明白，先生想問番你，嗰位學生叫咩名？」個女仔問番山哥；楊悅盈最初仲以為會出現啲好似拍戲咁嘅場面：佢哋會俾人話無搜查令，然後山哥就開始擺個警察款出嚟同人角力。
「羅彥輝，羅係L-O。」周Sir代山哥答。
個女仔聽到之後，拎起個電話細細聲講咗句嘢，然後又喺電腦打咗幾隻字，企番起身還番張Pass俾山哥；一個後生仔呢個時候喺左邊嘅玻璃門度行咗出嚟。
「幾位，過嚟呢邊坐下先。」個男仔笑住咁同佢哋四個——主要係對山哥同周Sir——講，然後就示意佢哋跟住入去。呢一層唔知係做咩Business，反正楊悅盈見到呢度好似普通Office咁，有圍板間開一格格，啲人各自坐喺入面對住部電腦，周圍不斷傳嚟打字同埋Click Mouse嘅聲、間唔中有一兩句低語聲。
佢哋行咗去間會議室之後，楊悅盈就同賴智勇坐咗喺兩個大人對面。
「你哋等一等，我同事開完會好快過嚟。」原來呢條友都係傳話嘅；講完呢句之後佢就出番去閂埋咗門。
會議室入面除咗一張長枱，就得一個吊喺天花嘅Projector同埋一個Screen；三面白牆加一邊磨砂玻璃唔知係咪有隔音，外面嘅聲傳唔到入嚟，坐喺度四個人無人出聲，成間房靜得好緊要。
「你哋班發生嘅呢件事，我哋完全無從入手。」首先開聲嘅係山哥：「死咗廿幾人，差唔多全部都係原因不明咁無咗個頭；喺屋企或者同朋友一齊嗰陣死嗰啲，上面一律叫我哋話懷疑意外嚟解釋。」
「話係咩意外先可以說服到人…？」楊悅盈自言自語咁問，但係山哥聽到。
「話係『等待驗屍報告』，叫啲家屬朋友唔可以用其他人講，因為係調查中嘅案。」山哥答咗楊悅盈個問題：「當然佢哋有無照做，我無從稽考。」
「至於唔係喺屋企死嗰啲學生，就算搵得番條屍，上面唔俾我哋去通知家屬。」佢頓一頓，然後又補一句。
「吓？」周Sir同賴智勇都好驚訝；山哥有啲無奈咁同佢哋兩個對望。
「佢哋屋企人無報警？」楊悅盈問——第一個死者胡綺玲死咗成三四日，屋企人無理由唔知。
「有，但係只係當失蹤人口咁落案。」山哥望住枱面，一路諗一路講：「所以今朝周生打電話俾我問我嚟唔嚟，我一口就應承咗。」
楊悅盈無再問啲乜嘢；見到無人再討論，賴智勇就拎咗部電話出嚟望一望時間，然後放咗喺枱面。
[校園/ 懸疑] 已讀不回死全家！
Ted_Bundy
1001 回覆
272 Like
16 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
雖然頭先條友話佢同事「好快」過嚟，但係楊悅盈偷望一眼賴智勇放喺枱面嘅電話，而家15:31，佢哋喺度坐咗已經個幾鐘。
正當佢覺得有啲唔耐煩想起身行下嗰陣，會議室門就打開咗，一個著住OL裝嘅女人行咗入嚟；個女人身材好修長，五官端正幾靚女，但係就咁睇佢外型加埋個妝，楊悅盈完全估唔到個女人幾多歲，你話佢20又得、話佢30又似、話佢40都有可能。
佢放低咗手上面啲文件之後，就面帶微笑咁行過去同周Sir山哥兩個人握手，然後自我介紹。
「Sorry要你哋等咁耐；我姓石，可以叫我Jessica。」佢講完之後就行咗去最近門口嗰個位坐低咗。
楊悅盈聽到把聲，覺得佢真實年紀應該唔細，可能仲大過周Sir。
「我同事話你哋上嚟搵個學生資料？唔係出咗啲咩事吖嘛？」Jessica仍然笑笑口咁打開咗個話匣。
「呃…係，我哋想問下關於一個叫羅彥輝嘅學生嘅事。」周Sir跟住開始介紹我哋幾個：「我姓周，係羅同學班主任；呢位係賴智勇同楊悅盈，羅同學生前嘅好朋友。」
唔知係咪心理作用，楊悅盈覺得呢個女人聽到自己個名嗰陣，眉頭輕輕揚咗一下。
「生前…？」Jessica瞇起眼望住周Sir問，唔知係真心定做戲：「你意思係輝仔死咗？」
——輝仔？楊悅盈對佢呢個用詞有啲敏感，即係呢個女人唔止識得，仲記得羅彥輝？
「係…佢大約一個月前自殺死咗。」山哥順便介紹埋自己：「我姓文，係警察嚟。」
「最近我哋班出咗啲事，我哋懷疑羅同學同呢件事有好大關係。」周Sir繼續講：「而羅同學佢半年前開始無番學，所以我哋想了解下佢呢段時間做過啲乜。」
Jessica雙手合攏放喺枱面，烏前咗個人，似乎開始對呢個話題有興趣。
「輝仔佢喺我哋度做過嘢，當時佢入咗一個直接Under我嘅Project；但係佢忽然間No Show，我哋無人聯絡到佢。」佢好似當山哥無到咁，淨係對住周Sir講：「唔係你嚟同我講我都唔知原來佢出咗事…咁唔知我仲有無嘢幫到你哋？」
「你話佢入咗個Project…」楊悅盈插嘴問：「係乜嘢Project嚟？」
Jessica微微笑望住楊悅盈——你覺得我會話你聽？佢個表情似乎係咪咁嘅意思？
「石小姐，羅同學自殺之後，佢有好多同班同學都相繼死亡。」山哥開始幫口：「如果你諗起啲咩嘅，麻煩你合作下。」
「我淨係可以話俾你聽，我哋公司有啲技術俾人盜用咗，好有可能就係輝仔做嘅。」Jessica對住山哥咧嘴一笑：「至於其他嘢你唔需要知，你記住我同你哋係同一陣線嘅就OK。」
「咩技術？用嚟殺人嘅技術？」山哥再逼問一句；點知Jessica就即刻收起咗個笑容。
「或者麻煩你番出去先，我仲有啲事要同呢三位傾。」佢對住山哥以命令咁嘅語氣講。
山哥似乎有啲嬲，但係當佢想開口嗰時好快又俾Jessica截住咗。
「警察就做番警察應該做嘅嘢：番去等Order做嘢。你知我哋同政府以至你哋警隊都有合作，有咩事我會直接搵你啲上頭講架喇。」
聽到呢句之後，山哥雖然仲係黑口黑面、好似好唔甘心咁，但係就乖乖地企起身行咗出去。
——仲有嘢要同我哋傾？楊悅盈覺得呢個女人越嚟越可疑，望一望對面嘅周Sir，發現佢都係眉頭緊鎖，似乎同自己諗法差唔多。
山哥出咗去之後，Jessica個笑容又出番嚟，但係等咗一陣先再出聲。
「周生你頭先講你哋班出咗件事…」佢主動問：「係發生喺Facebook、Whatsapp定係Telegram？」
楊悅盈聽到之後，眼都突埋咁望住Jessica；但係佢仍然只係笑笑口咁望住周Sir等佢答。
佢個笑容開始令楊悅盈覺得有啲乞人憎。
正當佢覺得有啲唔耐煩想起身行下嗰陣，會議室門就打開咗，一個著住OL裝嘅女人行咗入嚟；個女人身材好修長，五官端正幾靚女，但係就咁睇佢外型加埋個妝，楊悅盈完全估唔到個女人幾多歲，你話佢20又得、話佢30又似、話佢40都有可能。
佢放低咗手上面啲文件之後，就面帶微笑咁行過去同周Sir山哥兩個人握手，然後自我介紹。
「Sorry要你哋等咁耐；我姓石，可以叫我Jessica。」佢講完之後就行咗去最近門口嗰個位坐低咗。
楊悅盈聽到把聲，覺得佢真實年紀應該唔細，可能仲大過周Sir。
「我同事話你哋上嚟搵個學生資料？唔係出咗啲咩事吖嘛？」Jessica仍然笑笑口咁打開咗個話匣。
「呃…係，我哋想問下關於一個叫羅彥輝嘅學生嘅事。」周Sir跟住開始介紹我哋幾個：「我姓周，係羅同學班主任；呢位係賴智勇同楊悅盈，羅同學生前嘅好朋友。」
唔知係咪心理作用，楊悅盈覺得呢個女人聽到自己個名嗰陣，眉頭輕輕揚咗一下。
「生前…？」Jessica瞇起眼望住周Sir問，唔知係真心定做戲：「你意思係輝仔死咗？」
——輝仔？楊悅盈對佢呢個用詞有啲敏感，即係呢個女人唔止識得，仲記得羅彥輝？
「係…佢大約一個月前自殺死咗。」山哥順便介紹埋自己：「我姓文，係警察嚟。」
「最近我哋班出咗啲事，我哋懷疑羅同學同呢件事有好大關係。」周Sir繼續講：「而羅同學佢半年前開始無番學，所以我哋想了解下佢呢段時間做過啲乜。」
Jessica雙手合攏放喺枱面，烏前咗個人，似乎開始對呢個話題有興趣。
「輝仔佢喺我哋度做過嘢，當時佢入咗一個直接Under我嘅Project；但係佢忽然間No Show，我哋無人聯絡到佢。」佢好似當山哥無到咁，淨係對住周Sir講：「唔係你嚟同我講我都唔知原來佢出咗事…咁唔知我仲有無嘢幫到你哋？」
「你話佢入咗個Project…」楊悅盈插嘴問：「係乜嘢Project嚟？」
Jessica微微笑望住楊悅盈——你覺得我會話你聽？佢個表情似乎係咪咁嘅意思？
「石小姐，羅同學自殺之後，佢有好多同班同學都相繼死亡。」山哥開始幫口：「如果你諗起啲咩嘅，麻煩你合作下。」
「我淨係可以話俾你聽，我哋公司有啲技術俾人盜用咗，好有可能就係輝仔做嘅。」Jessica對住山哥咧嘴一笑：「至於其他嘢你唔需要知，你記住我同你哋係同一陣線嘅就OK。」
「咩技術？用嚟殺人嘅技術？」山哥再逼問一句；點知Jessica就即刻收起咗個笑容。
「或者麻煩你番出去先，我仲有啲事要同呢三位傾。」佢對住山哥以命令咁嘅語氣講。
山哥似乎有啲嬲，但係當佢想開口嗰時好快又俾Jessica截住咗。
「警察就做番警察應該做嘅嘢：番去等Order做嘢。你知我哋同政府以至你哋警隊都有合作，有咩事我會直接搵你啲上頭講架喇。」
聽到呢句之後，山哥雖然仲係黑口黑面、好似好唔甘心咁，但係就乖乖地企起身行咗出去。
——仲有嘢要同我哋傾？楊悅盈覺得呢個女人越嚟越可疑，望一望對面嘅周Sir，發現佢都係眉頭緊鎖，似乎同自己諗法差唔多。
山哥出咗去之後，Jessica個笑容又出番嚟，但係等咗一陣先再出聲。
「周生你頭先講你哋班出咗件事…」佢主動問：「係發生喺Facebook、Whatsapp定係Telegram？」
楊悅盈聽到之後，眼都突埋咁望住Jessica；但係佢仍然只係笑笑口咁望住周Sir等佢答。
佢個笑容開始令楊悅盈覺得有啲乞人憎。
留名
想問下有無故寫過藍鯨遊戲？唔知 
留名 係咪就黎完
留名 係咪就黎完
2/3 左右
希望爆到一個 Post
藍橘子好似寫過
留名 係咪就黎完
2/3 左右
希望爆到一個 Post
幫下你
我覺得先入戲肉
乜鳩都等周sir答喇
一陣唔小心講多左就要爆頭
一陣唔小心講多左就要爆頭
出文吧
科技解釋ok
其實30分鐘係由send第一個message計定係最後一個？
有時候覆人機唔係淨係覆一個message，可能send完10分鐘後又諗到新嘢覆？
有時候覆人機唔係淨係覆一個message，可能send完10分鐘後又諗到新嘢覆？
不枉我忍手五日唔睇何晞賢 你真好嘢
快啲出埋佢啦
何晞賢 你真好嘢
快啲出埋佢啦
即係好定唔好
何晞賢 你真好嘢
快啲出埋佢啦
即係好定唔好
文呢？
