[校園/ 懸疑] 已讀不回死全家！
Ted_Bundy
1001 回覆
272 Like
16 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
仲未有文
樓主係咪爆左頭
同人傾嘢傾到差唔多通頂
點都出一篇先瞓
點都出一篇先瞓
同人傾嘢傾到差唔多通頂
點都出一篇先瞓
同人傾嘢傾到差唔多通頂
點都出一篇先瞓
楊悅盈將屋企電話號碼用Facebook Send咗俾陳佩珊，叫佢通知周Sir打呢個電話搵自己。
佢喺羅彥輝屋企嗰陣印多咗一份啲資料，然後一直喺網上面搵緊羅彥輝Send過Email去搵暑期工嗰三間公司啲資料。
其中一間叫Y.H. Lee Consultant，佢Google咗幾次呢個名，發覺呢間公司無官方網站，淨係不斷咁出廣告請人；楊悅盈見到呢間公司咁樣好似有啲可疑，本身以為可以喺呢度搵到線索。
點知，佢求其Click入其中一個廣告度睇——Financial Planning Manager——先發現原來係啲保險公司請Agent嘅假廣告。
「仆街保險佬…」佢嬲嬲地閂咗個Browser；雖然印象中保險界係人係鬼都請，但係楊悅盈記憶中嘅羅彥輝絕對唔會夠膽入呢行；甚至乎可能去到樓下發現係保險公司，就連Interview都唔In就調頭走。
第二間係某大集團，請嘅係Data Entry Clerk；楊悅盈順手將個公司名打咗落Google度Search——
「盈盈。」呢個時候有人敲門，然後打開咗佢房門。
「有條友話係你阿Sir打嚟搵你喎。」楊啟臻——楊悅盈阿哥入咗嚟，拎住個家用手提電話遞俾佢，然後睄一睄佢部電腦右下角個鐘——半夜兩點。
「唔該。」楊悅盈接過個電話，用手揞住個話筒望住自己阿哥；佢意會到楊悅盈咩意思，所以舉起雙手好似投降咁行番出外面。
「唔好校到個Mon咁光，小心壞眼。」楊啟臻講完呢句之後就閂埋咗房門。
佢哋兩個相差兩歲，細個一直都同房瞓上下格床，但係自從楊悅盈升中學開始，阿哥就自願做咗廳長；楊悅盈其實一直都覺得有啲對佢唔住。
而家楊啟臻搬咗入大學宿舍，通常一個月先番嚟一兩次，兩兄妹平時都係靠Whatsapp溝通——有時聽到阿哥講嘅大學生活，會令到楊悅盈有啲憧憬；可惜佢知道自己一定無機會親身經歷。
「喂。」
「喂？你仲未瞓吖嘛？」電話另一邊嘅周Sir問。
——廢話。楊悅盈心入面鬧咗一句。
「未呀，陳佩珊瞓咗未呀？」佢專登反問周Sir一句。
「呀？佢…我唔知呀。」周Sir個反應有啲狼狽；楊悅盈懷疑陳佩珊而家就喺周Sir屋企，唔知點解覺得有啲噁心。
「係呀，你叫我睇羅彥輝啲通話記錄——」靜咗大約三秒之後，周Sir就入正題：「我Check過，全部都係啲Cold Call推銷電話，無乜特別。」
「嗯…我都預咗。」
「但係呢，我睇咗羅彥輝啲Whatsapp Record。」周Sir停咗一停，似乎佢而家就拎住羅彥輝個電話喺度碌：「七月頭嗰陣，佢同賴智勇傾計嗰陣有提過佢去番暑期工。」
楊悅盈覺得自己塊面紅咗：周Sir會唔會睇到羅彥輝同鄧鐵雄講自己嗰啲Record？
「咁…佢有無講到係邊間？」楊悅盈望住自己枱面、另一份羅彥輝Email List嘅Copy問。
然後周Sir就講咗某大集團個名出嚟，正正就係楊悅盈啱啱喺Google Search過嗰間。
「咁九成係呢度喇。」佢熄咗個Mon，成間房即刻變到漆黑一片，淨係得部電話一盞紅燈眨下眨下：「我哋聽日下晝過去。」
「好，淨係我哋兩個去有無問題？」周Sir再問一句：「人哋始終係大公司，未必會同我哋講啲乜嘢。」
「咁唔係可以點？唔通叫埋——」楊悅盈本身想講「何晞賢」，但係佢而家先醒起：何晞賢已經連續兩晚要管住佢哋啲電話，無覺好瞓：「唔通叫埋賴智勇去？」
「我諗住叫埋上次嗰兩個警察去，今日文Sir留咗佢電話俾我。」周Sir講完之後戴一戴頭盔：「不過我唔知佢哋得唔得…聽日先算啦。」
「聽日瞓醒我再打俾你，你叫陳佩珊用Facebook Send你手提Number俾我。」
「我——」
楊悅盈無再聽佢講乜，直接Cut咗佢線。
開番個Mon，Google嘅白色背景又照亮番少少自己間房。
佢拎番個電話出去，見到楊啟臻因為驚嘈醒爸爸媽媽，所以校到部電視好細聲喺度打緊機。
「仲唔瞓？你哋唔係Ocamp緊咩？」楊悅盈一邊將個電話放番上叉電座一邊問——佢記得舊年呢個時間，阿哥去咗宿舍嘅Ocamp，成十日幾乎無同屋企聯絡過咁滯。
「鼠出嚟一兩晚…無人理嘅…」楊啟臻聚精會神咁望住個電視，但係用啲摟打咁嘅語氣反問：「你又唔瞓？頭先嗰個係你條仔？」
「痴線…都話係阿Sir…」雖然佢真係有溝學生妹，楊悅盈心入面講咗句，然後行番去自己房。
「喂。」楊啟臻放低個手掣，認真問咗佢一句：「你無嘢吖嘛？老豆話你呢幾日一番到嚟就匿埋喺房，Whatsapp又唔覆佢哋。」
楊悅盈有一刻猶豫，好想將已讀不回死全家件事講晒俾阿哥聽，問佢應該點做——
「無嘢…心情唔好啫…」
——但係佢只係拋低咗一句，就閂番埋房門。
外面靜咗一陣，然後啲好微弱嘅打機聲又開始繼續響起。
佢喺羅彥輝屋企嗰陣印多咗一份啲資料，然後一直喺網上面搵緊羅彥輝Send過Email去搵暑期工嗰三間公司啲資料。
其中一間叫Y.H. Lee Consultant，佢Google咗幾次呢個名，發覺呢間公司無官方網站，淨係不斷咁出廣告請人；楊悅盈見到呢間公司咁樣好似有啲可疑，本身以為可以喺呢度搵到線索。
點知，佢求其Click入其中一個廣告度睇——Financial Planning Manager——先發現原來係啲保險公司請Agent嘅假廣告。
「仆街保險佬…」佢嬲嬲地閂咗個Browser；雖然印象中保險界係人係鬼都請，但係楊悅盈記憶中嘅羅彥輝絕對唔會夠膽入呢行；甚至乎可能去到樓下發現係保險公司，就連Interview都唔In就調頭走。
第二間係某大集團，請嘅係Data Entry Clerk；楊悅盈順手將個公司名打咗落Google度Search——
「盈盈。」呢個時候有人敲門，然後打開咗佢房門。
「有條友話係你阿Sir打嚟搵你喎。」楊啟臻——楊悅盈阿哥入咗嚟，拎住個家用手提電話遞俾佢，然後睄一睄佢部電腦右下角個鐘——半夜兩點。
「唔該。」楊悅盈接過個電話，用手揞住個話筒望住自己阿哥；佢意會到楊悅盈咩意思，所以舉起雙手好似投降咁行番出外面。
「唔好校到個Mon咁光，小心壞眼。」楊啟臻講完呢句之後就閂埋咗房門。
佢哋兩個相差兩歲，細個一直都同房瞓上下格床，但係自從楊悅盈升中學開始，阿哥就自願做咗廳長；楊悅盈其實一直都覺得有啲對佢唔住。
而家楊啟臻搬咗入大學宿舍，通常一個月先番嚟一兩次，兩兄妹平時都係靠Whatsapp溝通——有時聽到阿哥講嘅大學生活，會令到楊悅盈有啲憧憬；可惜佢知道自己一定無機會親身經歷。
「喂。」
「喂？你仲未瞓吖嘛？」電話另一邊嘅周Sir問。
——廢話。楊悅盈心入面鬧咗一句。
「未呀，陳佩珊瞓咗未呀？」佢專登反問周Sir一句。
「呀？佢…我唔知呀。」周Sir個反應有啲狼狽；楊悅盈懷疑陳佩珊而家就喺周Sir屋企，唔知點解覺得有啲噁心。
「係呀，你叫我睇羅彥輝啲通話記錄——」靜咗大約三秒之後，周Sir就入正題：「我Check過，全部都係啲Cold Call推銷電話，無乜特別。」
「嗯…我都預咗。」
「但係呢，我睇咗羅彥輝啲Whatsapp Record。」周Sir停咗一停，似乎佢而家就拎住羅彥輝個電話喺度碌：「七月頭嗰陣，佢同賴智勇傾計嗰陣有提過佢去番暑期工。」
楊悅盈覺得自己塊面紅咗：周Sir會唔會睇到羅彥輝同鄧鐵雄講自己嗰啲Record？
「咁…佢有無講到係邊間？」楊悅盈望住自己枱面、另一份羅彥輝Email List嘅Copy問。
然後周Sir就講咗某大集團個名出嚟，正正就係楊悅盈啱啱喺Google Search過嗰間。
「咁九成係呢度喇。」佢熄咗個Mon，成間房即刻變到漆黑一片，淨係得部電話一盞紅燈眨下眨下：「我哋聽日下晝過去。」
「好，淨係我哋兩個去有無問題？」周Sir再問一句：「人哋始終係大公司，未必會同我哋講啲乜嘢。」
「咁唔係可以點？唔通叫埋——」楊悅盈本身想講「何晞賢」，但係佢而家先醒起：何晞賢已經連續兩晚要管住佢哋啲電話，無覺好瞓：「唔通叫埋賴智勇去？」
「我諗住叫埋上次嗰兩個警察去，今日文Sir留咗佢電話俾我。」周Sir講完之後戴一戴頭盔：「不過我唔知佢哋得唔得…聽日先算啦。」
「聽日瞓醒我再打俾你，你叫陳佩珊用Facebook Send你手提Number俾我。」
「我——」
楊悅盈無再聽佢講乜，直接Cut咗佢線。
開番個Mon，Google嘅白色背景又照亮番少少自己間房。
佢拎番個電話出去，見到楊啟臻因為驚嘈醒爸爸媽媽，所以校到部電視好細聲喺度打緊機。
「仲唔瞓？你哋唔係Ocamp緊咩？」楊悅盈一邊將個電話放番上叉電座一邊問——佢記得舊年呢個時間，阿哥去咗宿舍嘅Ocamp，成十日幾乎無同屋企聯絡過咁滯。
「鼠出嚟一兩晚…無人理嘅…」楊啟臻聚精會神咁望住個電視，但係用啲摟打咁嘅語氣反問：「你又唔瞓？頭先嗰個係你條仔？」
「痴線…都話係阿Sir…」雖然佢真係有溝學生妹，楊悅盈心入面講咗句，然後行番去自己房。
「喂。」楊啟臻放低個手掣，認真問咗佢一句：「你無嘢吖嘛？老豆話你呢幾日一番到嚟就匿埋喺房，Whatsapp又唔覆佢哋。」
楊悅盈有一刻猶豫，好想將已讀不回死全家件事講晒俾阿哥聽，問佢應該點做——
「無嘢…心情唔好啫…」
——但係佢只係拋低咗一句，就閂番埋房門。
外面靜咗一陣，然後啲好微弱嘅打機聲又開始繼續響起。
lm
同人傾嘢傾到差唔多通頂
點都出一篇先瞓
同女傾咩？
一晚追曬
新讀者留名
同人傾嘢傾到差唔多通頂
點都出一篇先瞓
同女傾咩？
有男有女
同人傾嘢傾到差唔多通頂
點都出一篇先瞓
同女傾咩？
有男有女
出文啦
仆街live咗
快啲啦