[live 遊記] 巴爾幹半島點解係歐洲火藥庫？

唔知呀

意大利啲「歷史功課」咁耐都冇咩點做過
去之前要刨下雞精書

我2018年寫過 不過死晒圖

巴打有無 blog

Day 5 蘇格拉底

雅典學院
前兩日行程緊湊，今日輕鬆啲，十點幾先出發，首先去城西既雅典學院遺址。

雅典學院 Academy 由柏拉圖創立，當年佢喺老師蘇格拉底死後雲遊四方，終於喺十年後成立一間學校，專心研究學問，雅典學院亦都成為西方大學既原型。

而家遺址之上係一個公園，不過由於未完全發掘完，所以周圍無咩野睇。

好在附近有個小型博物館，好有心咁介紹柏拉圖同蘇格拉底既生平同學說，先算不枉此行。



學院遺跡


好有心既博物館，就係規模有啲細

公民大會
離開學院遺址，食個飯，下晝又返到衛城附近。

前日講到衛城喺古希臘時期主要係宗教用途，供奉雅典娜同其他神祗。

而雅典既政治事務就喺旁邊既普尼克斯山 Pynx 舉行，雅典公民每年會喺山上面開十次大會，決定城邦既大小事項。


最近每次食飯都會叫沙律，每次都好大份


公民大會遺址，正正對住衛城

喺普尼克斯山附近有個山洞，傳說係當年蘇格拉底服刑既地方。

我坐喺山洞旁邊，繼續讀完蘇格拉底既自辯。

原來自從得到德爾菲神諭，知道自己係雅典最有智慧既人後，蘇格拉底就覺得呢個係神比佢既使命，要周圍檢驗人，睇下佢地有無發現自己既無知。

蘇格拉底亦自比為沉睡駿馬旁邊既牛蠅，要叮到雅典人清醒為止。

佢好痛心，雅典人點解剩係識得追求金錢，追求名譽地位，但就唔會追求良善，追求做一個更好既人。


傳說既山洞

哲學之父
蘇格拉底被譽為西方哲學之父，就係因為佢將哲學的焦點，由大自然轉移番去人上面，尋問點先係美好生活，點先能夠活出無憾人生。

哲學成日按字根被解讀為“愛智”；但原來喺智慧背後，更重要係有一個仁心，希望每個人都可以活得更好。

臨服刑之前，蘇格拉底對判佢死刑既民眾講，佢唔怕死，除咗因為佢願意不惜一死去捍衛己見外，亦都因為死亡對佢嚟講並不可怕。

佢分析，死之後一係無知無覺，從此大覺瞓，一係就會落到陰間，可以同古希臘眾多英雄人物相聚，繼續佢對美好人生既追尋。

不過無論佢既結論合唔合理，蘇格拉底既死依然為西方哲學打下烙印，無數思想學派會繼續佢既追尋，思考何為良善社會，美好生活；蘇格拉底亦因此雖死猶生。


本來諗住喺山上面睇日落，不過今日烏雲密佈，仲落咗場雨


不過亦見到帕特農神殿上既彩虹，唔通又係蘇格拉底顯靈？


調完色既相，感覺更特別


夜晚去睇戲，戲院賣點係可以望埋衛城。今日套戲係希臘出品，講一個婆婆殺嬰既故事，主題有啲沉重


每當見到山上發光既衛城，都會諗起聖經裡面既金句：“你們是世上的光。城造在山上，並不能隱藏……”

Rila 修道院
個氣氛確實好平和，內外都好有清靜感覺，外面既壁畫唔知當年要花幾多人力物力畫好

記得好多年前Yanni 都喺度開過音樂會

應該係舊登年代, 有個ching去左科索沃, 本身呢個國家立國冇耐, 唔係好多國家承認, 好似仲話同隔離serbia係世仇, 當時ching咁啱係經serbia入科索沃, 佢話網上傳聞入左科索沃的話, serbia唔比你入境
不過科索沃打完仗後真係算落後, 旅行亦唔興旺, 當地人已經少見遊客, 亞洲人更少見, 個個都對佢好好奇。

之後我就再無見過其他ching分享去科索沃, 可能真係無乜野值得睇掛

睇人地d遊記真係冇野睇，真係到此一遊

露天劇場 露天戲院 好似一切回到以前

電影有冇字幕
又諗起巴打講過嘅英國戲院

冇 寫晒o係連登度

搞到我有啲想去添
雖然好似唔係好順路

應該有聯合國維和部隊睇
睇下一個國家點樣建立都幾得意

雅典有時感覺都幾 retro / 舊

講起維和部隊 介紹呢套香港譯為「突襲安全區」嘅電影
係講波斯尼亞內戰時期嘅暴力惡行 亦同維和部隊有關 (唔劇透)

當地人謔稱UN “united nothing”係有原因嘅

好介紹,等我去波士尼亞睇先

先劇透其中一個結果
自此之後___國唔再派駐人員當維和部隊 有次去____國嘅___博物館都有提及呢件事

另一單最近嘅新聞
https://www.dw.com/zh-hant/%E7%8D%A8%E5%AE%B6%E8%AA%BF%E6%9F%A5%E9%85%B7%E5%88%91%E5%AF%A6%E6%96%BD%E8%80%85%E6%98%AF%E5%A6%82%E4%BD%95%E6%90%96%E8%BA%AB%E4%B8%80%E8%AE%8A%E6%88%90%E7%82%BA%E8%81%AF%E5%90%88%E5%9C%8B%E7%B6%AD%E5%92%8C%E4%BA%BA%E5%93%A1%E7%9A%84/a-69171503


所以世界真係冇絕對嘅正義呀

正啊師兄
依家人在薩拉熱窩 呢個星期去左tirana kotor同Mostar
全部野都同西北歐好大出入 好過癮

Tirana 感覺如何？
先講緊呢度無咩亞爾巴尼亞遊記

留名 巴打好好享受

師兄嗰時去左幾耐？好似去左好多地方

我淨係留左呢度一日，好似樓下個師兄咁淨係去左個bunker museum睇佢啲歷史野，感覺Albania要去其他城市先好玩啲
我自己最鍾意Sarajevo，佢有幾個戰爭博物館，睇到爭啲就喊