[live 遊記] 巴爾幹半島點解係歐洲火藥庫？

之前就係咁做
今次當挑戰下自己 xd

睇巴打介紹 有啲想諗下由希臘
未買回程嘅機票

*由希臘返嚟

嚟啦嚟啦
最近天氣都好好，係有啲曬

唔係而家 係冬天嗰陣

冬季就唔知，好似有RF都會橫風橫雨+落雪

有*時

Day 4 德爾菲神諭

德爾菲
尋晚寫完遊記已經係凌晨兩點，今朝又要七點起身參加 day tour ，諗起都覺得有啲玩命。

今日既 day tour 主要去德爾菲 Delphi。

喺古希臘神話中，德爾菲係世界中心，亦係太陽神阿波羅公佈神諭既地方。

收到問題後，阿波羅既女先知會先吸入地底產生既（有毒）蒸汽，然後發出不知名聲音，再由女祭司解讀。

雖然過程好似好兒戲，但德爾菲曾經有段時間能夠主宰希臘各城邦既命運-- 城邦之間或戰或和，都係由女祭司一言而決。


神廟前既步道


神殿旁邊有唔少金庫，收藏咗各城邦供奉比阿波羅既祭品


阿波羅神殿


斷柱頹垣


阿波羅亦係音樂之神，神殿後有劇場舉辦音樂節


附近既雅典娜神殿


喺神殿出面竟然見到七色彩雲，唔通有咩預兆？

認識自己
德爾菲神殿前面列出左幾個格言，其中最出名既係“認識你自己 Know Thyself”。

蘇格拉底亦都曾經喺度得到神諭，宣稱佢係雅典最有智慧既人。

根據蘇格拉底既自述，佢本來唔相信，所以就周圍問人，睇下有無人比佢更有智慧。

但係佢發覺原來每個人都會唔識扮識，舢舨充炮艇，唯有佢一個願意真心承認自己既無知，從而成為雅典最有智慧既人。

不過亦都因為亂咁問問題，蘇格拉底得罪咗唔少權貴，種下咗佢日後比人屈死既遠因。


古跡旁邊既德爾菲博物館，可以見到以前既神殿模型


近代發掘到既青銅騎手塑像。原來古希臘既雕像都係以青銅為主，不過而家好少見到，所以呢尊都好罕有


另外發掘到既哲學家雕像，個樣都幾似蘇格拉底

山區小鎮
離開德爾菲，下晝我地去左附近既一個山區小鎮 Arachova。

希臘既山雖然唔算好高，但形狀陡峭，高聳入雲，令人明白點解當年古希臘人會相信眾神就住喺山上面。

Arachova 係個傳統小鎮，白牆紅瓦，幾有風味。

歷史上 Arachova 亦有戰略意義，希臘人曾經喺度打退鄂圖曼人，爭取獨立。

而家Arachova 係滑雪勝地，不過夏天就少啲人嚟，比人可以喺餐廳度慢慢食下野，飽覽眼前既山區景色。



希臘山景


由餐廳露台可以見到成個小鎮


遠處既鐘樓特別搶眼



由鐘樓望出去既小鎮景色

山城風景靚
巴打遲下可以睇睇巴爾幹地區嘅山城 建築上有少少相似

好啊，今次會去 Kotor，比較下

Gchi
我都幾鍾意巴爾幹半島，十幾年前去過，都係陸路玩四五個國家。
物價指數唔高，過關又可以儲唔同passport印，幾得意。
我自己最鍾意保加利亞Rila Monastery，嗰度好relax，好peaceful。
唔知巴打最期待會係邊到？
Btw, 如果巴打去埋阿爾巴利亞同北馬期頓就好，好似冇咩巴絲打有分享依兩個地方嘅遊記。

留名

留名

其實巴爾幹唔係想像中咁危險，起碼唔會打仗。
利申：準備環科索沃一圈。

我暫時最期待係克羅地亞海邊，聽講真係好靚
我本來都諗住沿阿爾巴尼亞去黑山啊，不過之後決定去埋保加利亞同羅馬尼亞，所以先改咗行程

師兄會用咩交通工具環遊？

巴士
Pristina -> Gjakova-> Peja -> Decani -> Prizren -> Pristina
網址：
https://travel.gjirafa.com/en

以前去Rijeka 就當自己去過意大利幾靚
(咁嗰度以前真係意大利嚟)

加油

我今次都會去 Trieste，當去奧地利

奧匈 to be exact

反而我想經現代奧地利落去Trieste

唔知佢地會覺得自己係咩人