[live 遊記] 巴爾幹半島點解係歐洲火藥庫？

Hello 大家好

話說我幾年前打算用兩年環遊世界，最後因為疫情剩係去左一半。

而家終於出發去埋餘下既旅程，不過因為工作關係，仍然都係要斬件上，嚟緊一年會先去幾次短途，最後去多次長途，先算圓滿結束。

今次既行程主要係去巴爾幹半島上面既國家，由希臘出發，一路北上去保加利亞、羅馬尼亞、同埋前南斯拉夫既塞爾維亞、波士尼亞、克羅地亞等等。

巴爾幹國家除咗啲名好相似，情況都好接近，成日打內戰，甚至比人叫“歐洲火藥庫”。

第一次世界大戰，亦都係因為喺巴爾幹半島上面既一場刺殺而開始。

咁而家巴爾幹國家仲係咪咁亂呢？真係去到先知。

所以今次都想有啲新嘗試，live 住寫遊記之餘，仲打算全程用口語寫，希望大家繼續多多指教

今次既行程：


PS
今次寫 live 遊記，其實都有啲掙扎，因為每日揀相寫文需時，我又唔想因為咁樣影響旅行既體驗，希望最後可以攞到平衡啦。

請大家多多支持，有咩建議提醒都歡迎提出，希望令個行程同遊記都可以變得更加豐富

lm 睇live update

Day 1 再次出發

時隔兩年，再次走出亞洲去長途旅行，心情仲未習慣。

又會問自己，咁樣去旅行，究竟為左啲咩？

如果話環遊世界，我明知即使我去多一年旅行，呢個世界咁大，我都係唔會玩得嗮……


通常 live 遊記係咪都會 post 下出發相


同埋飛機餐 btw qatar 既飛機餐水準好似有啲跌 watt

支持

喺飛機無咩點瞓，嚟到多哈已經係凌晨兩點。

下一班機係六點鐘，呢四個鐘都幾煎熬-- 瞓著又怕 miss 左下班機，唔瞓又覺得頭重腳輕……

睇嚟自己都唔年輕，好難再捱通宵了。


嚟到多哈機場又可以同呢隻熊仔打卡


Qatar 既顯示板設計都幾靚，會顯示埋目的地既相

啱啱搵到搭咩航空嘅答案返嚟都係Qatar?

以前搭Qatar會叫定「低脂餐」次次都係雞胸
食素之後就係亞洲素餐 辣辣地 有啲豆泥 其他都唔知咩嘢
唔知正常餐係點樣水準

Day 2 雅典衛城

嚟到雅典既第一日，本來諗住抖下，適應下旅行既節奏。

但見自己仲有啲精神，就第一時間衝去雅典衛城 Acropolis。

雅典既地形有啲似羅馬，周圍都係山；而衛城正正就喺最近市中心既山丘之上。


抵達雅典，見到清晨既雲霧仍然籠罩海上小島



走出市中心廣場，已經可以見到山上面既衛城

留名支持
淨係克羅地亞海邊幾個地方已經好吸引

原來巴打食素
我都叫左雞胸，另外有牛肉飯揀，不過我見隔離嗰樣都麻麻地
最重點係個甜品成個都係 cream，唔知發生咩事

1條友去d 東歐國家會唔會好危險

係呀我都好期待
不過都剩係會去 Dubrovnik 同 Split，希望中間坐車可以一路睇到

如果等得耐 5/6個鐘或以上 會買定lounge嘅飛
入去抖下沖涼同食啲嘢 買定好似8折定再平啲

四個鐘入lounge好似唔三唔四

我都唔知 好似雅典都好多人偷野

係呀四個鐘好尷尬
仲要係凌晨

低脂餐嘅雞胸係冇味㗎普通餐應該好啲
成個cream甜品 咪甜到漏

睇漏左，原來你希臘開始
我都想了解下希臘北部有咩地方值得去，愛琴海一帶就出名到唔使多講了

因為地勢險要，衛城本來有人聚居，方便抵抗敵人。

不過隨住雅典城邦日益壯大，衛城就剩係得番宗教用途，山上面都係神廟。

而神廟之中最出名既，就係帕特農神殿。


向衛城進發


山下面有酒神劇場，曾經上演過唔少希臘經典劇目


另一個劇場，修復得比較完整，仍然可以用到；好似過幾日兩大男高音 Domingo 同 Carreras 都會嚟演出

甜之餘無咩質感，感覺好敷衍，劣評

希臘會唔會去Olympia?

另外Thessaloniki同鄂圖曼帝國好大關係 (以前直頭係領土) 有個「土耳其之父」凱末爾博物館
唔知係咪好正

北部今次會去 Thessaloniki，其他地方就唔係好清楚
今次都唔會去希臘沿海小島，下次先去

唔會呀，不過會去 Delphi 同 Mycenae

Thessaloniki 我都覺得會有好多野睇，所以最後決定走希臘北部，放棄左阿爾巴尼亞同馬其頓

Bosnia 同 Montenegro世一

修復左好似「冇咁原汁原味」
但係呢度搞演唱會都幾好feel

有無咩推介
Bosnia 我會去 Sarajevo 同 Mostar
Montenegro 就 Kotor +/- Perast