[live 遊記] 巴爾幹半島點解係歐洲火藥庫？

好似九龍寨城

正想講呢個
由市中心廣場行十幾分鐘上山腰就到，細細地但幾有意思，除左愛情都有友情、親情，同埋收好夜，食飯前用一兩個鐘兜個圈值得的

好，去睇下先
之前好似見到有遊記都提及過

Day 33 海邊皇宮

嚟 Split，就係為咗睇下戴克里先 Diocletian 既皇宮。

戴克里先係羅馬帝國比較後期既皇帝，當時羅馬帝國管治失靈，內憂外患不斷，喺五十年間換咗廿幾個皇帝。

為咗加強效率，戴克里先將羅馬一分為二，每邊兩個皇帝，好似電腦加 ram 咁將帝國變成四核心。

四核心制度一開始的確有效，因為皇帝各有領地，喺軍事同行政效率上都高咗好多，羅馬帝國亦都安寧咗二十年。

終於戴克里先決定退休，一方面可以休息下，另一方面都比個機會政權換屆，以令呢個四核心系統繼續暢順運作。

戴克里先喺佢海邊既鄉下起咗座皇宮，從此放手所有政務，專心喺皇宮裡面種菜。


皇宮既大門，而家變咗做舊城區既城門



皇宮正殿，紫色既支柱同埋獅身人面像，都係特登由埃及運嚟



戴克里先當年真係一心諗住退休，連墳墓都起好，而家變咗做教堂

不過人類社會唔係電腦，四核心系統喺戴克里先退休幾年後已經開始失效。

無咗戴克里先既強勢領導，幾個皇帝之間掀起內戰。

當時戴克里先既助手哀求佢重出江湖，不過戴克里先死都唔肯，傳說佢同助手講，如果佢地見過佢種既生菜有幾靚，佢地就唔會再逼佢出山。

終於幾年後戴克里先喺佢既皇宮悄然離世，羅馬帝國亦喺混戰幾年後比君士坦丁重新統一，四核心呢個制度成為歷史。


皇宮既圓形會客室，有啲似羅馬萬神殿


望向海邊既長廊


皇宮地下走廊，當年堆滿垃圾，反而因為咁而無被破壞


皇宮本來直接向海，係之後比拿破崙佔領，先喺城外填海擴建大道


皇宮喺戴克里先死後丟空咗好耐，慢慢有啲人住入去，拆嗮啲磚瓦起屋，令我諗起九龍寨城

雖然四核心制度最終被證明無效，但戴克里先仍然改寫咗歷史。

佢將羅馬帝國分為東西兩邊呢件事一路傳承落去，帝國既重心亦繼續東移，日後成為拜占庭帝國，某程度上將羅馬既傳奇又延續多一千年。

而且當年帝國劃界，將巴爾幹一分為二，咁啱就喺波士尼亞同塞爾維亞既邊緣，亦都為之後既動蕩埋下遠因。

戴克里先既皇宮，到而家仍然屹立不倒，成為 Split 市中心既主要部分。

我企喺當年戴克里先望向海邊既長廊，望住窗外海鷗飛翔，心裡面諗，唔知呢位唯一選擇退休既羅馬皇帝，有無一刻後悔過？



由教堂鐘樓望 Split 全景


Split 西面既後山佔地好大，可以望到遠處海島


喺後山望番 Split

呢個聽過但未去過
另外Zagreb物價低一截 可以去餐廳享受一下


以前放大假 會飛去Zagreb/Rijeka/Zadar花少少錢日日鳩hea做大爺

講起又真係有啲九龍城寨feel

後山最高點聳立國旗 唔知巴打有冇上頂？

山下嘅路都幾好feel 但原來有條隧道穿過呢座山 當時晨跑未瞓醒盲跑咗入去冇車呠啲司機都好仁慈了

希望平番啲
呢幾日喺 Dubrovnik 同 split 都貴
而家先識珍惜之前物價

有呀，本來想行到尾，之後發現原來好大

克羅地亞Rovinj啲劏客士多賣支水夠膽賣兩歐
係 Zagreb成倍

樓主有冇去阿爾巴尼亞 北馬其頓？

睇嚟克羅地亞沿海都貴

有去阿爾巴尼亞，可以睇番前幾版

Day 34 出海去

尋日參觀完 Split，今日去出面既外島。

Dubrovik 同 Split 都對住亞得里亞海，對岸就係意大利。

好有趣地，雖然兩邊都係海岸，但係克羅地亞呢邊有好多島，號稱“千島之國”，而意大利嗰邊就一個島都無。

當年威尼斯共和國要拓展航線，攞咗好多島同港口做根據地，方便補給。

所以克羅地亞沿岸有好長時間屬於威尼斯既勢力範圍，同巴爾幹既文化有啲分別。


朝早去市場行下，最近車厘子同桃都當造


碼頭附近好熱鬧，大家準備上船


好得意既潛艇


蔚藍大海



首先嚟到個沙灘，比人熱身游下水

雖然好多島聽講都好靚，不過呢程都去咗唔少港口城市，所以最後報咗個 boat trip，出海遊下水。

亞得里亞海既海水好清，色澤蔚藍，到淺水就變成翠綠色，非常吸引。

今日仲有機會去有個沉船既地方浮潛，睇下嗰度既生態環境。

不過今日唔算睇到好多魚，就無之前去大堡礁咁，番到民宿合埋眼都仍然可以見到魚影游動了。




沿途有唔少帆船


回程，遠處就係 Split


可能呢幾日食咗幾次海鮮，今晚食呢度既傳統菜色燉牛羊肉


好唔老黎既居酒屋

講起boat trip 巴打呢個出海又有得落水

多年前係Dubrovnik搭船去Split 諗住好正啦
原來係一架好大嘅船 載客載車載貨 中途係兩個外島上落

除咗接近外島同上落有啲嘢睇下 其餘時間就係得個海咩都冇架船又冇咩設施 由朝搭到晚悶到抽筋

你嗰個係渡輪嘞
我發現巴打會試好多唔同既交通方法

係岸邊見有好多船舶 於是諗搭船好似唔錯呀 遊下船河
點之係渡輪

後來係Split 坐通宵火車去Zagreb

間帛真係笑死我
但split 同Zadar 都多日本野

啱啱到 zagreb
我發覺呢度唔興日間火車？

可能近海
個招牌仲要用個白色長方形圍住個帛字 lol

我係用Pannonia/Dalmatia嚟分

感覺前者好陰雨昏暗，後者就陽光晴朗

我暫時黎到 zagreb，天色都唔錯
不過其他地方就未去過了