[live 遊記] 巴爾幹半島點解係歐洲火藥庫？

有中文「咁好」
不過揸中國護照去塞狗國的確係免簽證
(波斯尼亞都係免簽 不過去到就冇中文)

呢種飛機未坐過 其實飛行高度係咪好低?

諗諗下原來未試過係歐洲飲過凍啡
咁真係要試下

你係邊國 冇飲過原因係佢哋基本冇
大熱天都係要飲熱啡

東西歐都有去
如果想飲凍啡唔會冇 去Starbucks之類嘅咪得
但唔會去呢類連鎖呀

我對 freddo espresso 感覺普通，好似一大 pat 忌廉咁
反而幾中意 greek coffee + 甜品 （我老了 ）

我而家有啲保加利亞/羅馬尼亞紙幣
都唔知點處理

我都喺機場遇到個中國人去探朋友打工
係呀螺旋槳飛機相對飛得低啲，可以一路睇到陸地

唔知攞番香港去重慶大廈有無得換

巴打下一站係波斯尼亞？試下個度換走晒啦，匯率都唔係咁重要
又或者你等到克羅地亞換歐羅，咁就算用唔晒，歐羅都好用好多

其實最好換歐羅，唔使換多次
不過係唔知換唔換到

可以等佢溶吓冰變水啲先飲
唔同階段有唔同口感

無試過添，下次試下

Day 18 塞爾維亞

今次嚟巴爾幹半島，其中一個原因就係睇下點解呢度係“歐洲火藥庫”。

而巴爾幹情勢之所以咁複雜，好大原因就係同跟住落嚟會去既塞爾維亞、波士尼亞、克羅地亞呢三個同文同種既國家有關。

今日就喺 Belgrade 貝爾格勒參加本地團，再參觀博物館，首先嘗試從塞爾維亞既角度了解呢段歷史。

不過講起歷史，篇幅都係會比較長，如果 TLDR 就睇下圖啦

話說一千年前，拜占庭帝國既勢力喺巴爾幹半島衰退，斯拉夫人就乘機成立自己既國家，是為古塞爾維亞王國。

古塞爾維亞全盛時期曾經佔領巴爾幹半島既西部，但最後比鄂圖曼帝國打敗，慢慢成為帝國既一部分。


博物館裡面描繪古塞爾維亞皇帝加冕既壁畫，好有威勢

時間再過幾百年，今次輪到鄂圖曼帝國勢力衰退，塞爾維亞人就再次成立自己既國家，更一度聯合其他斯拉夫人，成立南斯拉夫王國。

不過南斯拉夫王國以塞爾維亞人做中心，其他民族被排擠，就搞到克羅地亞人好不滿。

終於到咗第二次世界大戰，克羅地亞喺納粹支持下獨立，甚至實施種族清洗，殺咗幾十萬個塞爾維亞人，仇恨既種子就此種下。



塞爾維亞國會，國會前面既馬匹象徵權力，代表人民有權送議員入議會，亦有權拉佢地出嚟


左邊係以前既王宮


Tesla 博物館，人頭湧湧。Tesla 係喺奧地利帝國出世既塞爾維亞人，而家變咗塞爾維亞既民族英雄



St Sava 大教堂，係巴爾幹最大既教堂，裡面金碧輝煌

喺二戰之後，南斯拉夫仍然存在，不過今次就變咗由強人鐵托統治既社會主義國家。

鐵托本身係克羅地亞人，但心態更似一個南斯拉夫人，一心希望平衡各方勢力。

為咗削弱塞爾維亞人既影響力，鐵托將波士尼亞由塞爾維亞切割出黎，甚至將南斯拉夫分成六個民族。

當時南斯拉夫喺巴爾幹半島舉足輕重，同印度、埃及組成不結盟運動，連蘇聯都要禮讓三分。



南斯拉夫博物館，展覽南斯拉夫歷史，同埋當年各國送比鐵托既禮物


斯大林就曾經送咗呢個叫做“決鬥”既瓷器比鐵托，唔知有咩含義


曾幾何時，南斯拉夫所有機構都要掛起鐵托像


南斯拉夫博物館旁邊就係鐵托既墳墓

我當年去時國會附近有棟建議係當年科索沃戰爭被炸, 專登留落來, 好似仲有banner話北約點PK, 而家已經冇左?
好似都係附近仲有末代沙皇雕像

不過喺鐵托死後，當初格硬統合既南斯拉夫都係四分五裂。

當年經濟比較好既斯洛文尼亞同克羅地亞立即要求獨立，軍方就喺塞爾維亞人既主導下展開內戰，最終又係死咗十幾萬人，要到聯合國轟炸塞爾維亞，南斯拉夫內戰先算完結。

雖然戰爭完結，但係塞爾維亞仍然覺得好孤立，尤其之後因為科索沃問題比北約又炸過。

直到今日，塞爾維亞仍然入唔到歐盟，唯有親近北約以外既國家……


大街旁邊既標語


當年北約轟炸留低既建築，特登維持原狀，以作紀念

係咪樓上嗰棟？
末代沙皇雕像就唔係好見

用剩好多
同意其他巴打建議 去克羅地亞嘅找換店 換返歐元

鐵托原來葬係呢度

睇過啲書講鐵托嗰種共產主義混合咗民族主義 而且早年鐵托主張及支持希臘共產化 但斯大林同幾巨頭「秘密協議」唔搞希臘
所以兩個關係唔差但互相都有避忌
嗰個決鬥像似乎有啲意思

咩事咁多俄佬旗

塞爾維亞係俄羅斯契弟弟

我以為係Srpska旗 始終srpska 係Bosnian Serbs

用剩一啲啦
去到 Dubrovnik 睇下先

南斯拉夫係第一個唔聽蘇聯話既共產國家
所以我估斯大林當時係想打過去，只係鞭長莫及先放棄