[live 遊記] 巴爾幹半島點解係歐洲火藥庫？

之後都去巴爾幹

好清楚

有時會諗阿爾巴尼亞人會唔會覺得中國人好傻仔

每個獨裁者都講下？好似幾得意
之前都見到一本鐵托宴會既食譜

原來有個 term 叫金環
值得去嗎？

旅遊區通常都收信用卡

今程食咗好多
度度都話係家鄉菜，但其實差唔多

諗住去邊？

Day 27 科索沃

嚟到阿爾巴尼亞，本來諗住行下山。

不過睇本地團目錄，發現竟然有得去科索沃，就報咗個 day tour 到此一遊。

科索沃係世界上最年輕既國家之一，亦曾經成為國際焦點。

本來喺南斯拉夫時代，科索沃係塞爾維亞既一個自治區。

不過喺內戰中，科索沃爭取獨立，同塞爾維亞發生武裝衝突，科索沃戰爭亦成為巴爾幹半島（直至今日）最後一場戰爭。

結果喺 1999年北約介入，轟炸塞爾維亞，雙方先肯停火，而科索沃亦因此獨立。


阿爾巴尼亞到科索沃邊境既湖，風景幾靚


科索沃既國家圖書館，係比較有代表性既建築


德蘭修女教堂；德蘭修女係阿爾巴尼亞人，所以而家都變咗阿爾巴尼亞既民族英雄

咁點解科索沃咁有爭議性呢？原來喺中古時代，科索沃曾經係古塞爾維亞王國既政治中心。

直至五百年前，鄂圖曼帝國喺科索沃打敗塞爾維亞人，科索沃周圍先變成鄂圖曼既一部分。

不過喺塞爾維亞人心目中，科索沃就變咗聖地，象徵佢地對異教徒既犧牲。

雖然係聖地，不過喺之後幾百年，大部分住喺科索沃既塞爾維亞人都搬咗去北面定居，結果阿爾巴尼亞人就乘機搬過嚟住。

到咗近代，科索沃地區又變咗阿爾巴尼亞人建立民族既重要地方。

一個地方如果係兩個民族以上既聖地，通常都會出事，科索沃亦唔例外。

結果雙方爭嚟爭去，而家兩邊都宣稱對科索沃有主權，而治權就喺阿爾巴尼亞人手裡面，一心等緊同阿爾巴尼亞齊齊入歐盟。


由教堂鐘樓俯瞰 Prishtina 市區；喺國家圖書館後面可以見到東正教堂，係喺科索沃戰爭前由塞爾維亞人所建，到而家係禁地


當地烈士銅像；周圍都有科索沃旗同阿爾巴尼亞旗


出名既 Newborn 標誌

雖然科索沃歷史好豐富，不過嚟到現場感覺就唔算好吸引。

由於獨立咗都有二十年，東歐既建築又老化得特別快，所以首都普里什蒂納 Prishtina 既感覺有啲似番咗九十年代，周圍都係啲有番咁上下年紀既水泥建築。

諗諗下其實科索沃既故事都幾代表住九十年代既精神-- 當時冷戰結束，美國獨大，帶住一班盟友“維持世界秩序”……

不過無幾耐 911 事件發生，美國捲入中東既旋渦，世界警察既姿態亦都好少見到了。


市中心有當年美國國務卿奧爾布賴特既銅像；當年就係奧爾布賴特力勸克林頓出兵，所以科索沃人都好感激佢




科索沃既古城普里茲倫 Prizren，係阿爾巴尼亞人既革命聖地

由地拉那去科索沃要幾耐?

金環係古代羅斯諸公國所建立嘅古老城鎮組成嘅一個地帶，因為分佈好似一個環咁，所以叫俄羅斯金環

金環城市我去咗三個

Moscow
Sergiyev Posad
Vladimir

非常值得去，認識東正教點影響斯拉夫人嘅建築風格

係呀入面都有食譜介紹
作者亦有另一本《克里姆林宮的餐桌》講蘇俄領導人及國家有關歷史


目錄

如果要俄國深度遊 真係最少要半年
太大同太多嘢睇

希望有生之年可以「淺度遊」

可以，十一年前試圖挑戰西伯利亞鐵路，結果喺蒙古已經衰咗要返香港就醫；朋友就自己一個繼續由烏蘭巴托搭落去，最後去到莫斯科

From Komsomolsk-on-Amur to Murmansk

Slovenia幾好彩
10日就打完

你睇返地圖就會明點解
Slovenia同Serbia係冇領土接壤

都係
同埋Slovenia入面好似冇乜塞人

幾個巴爾幹國家
邊個比較多吉卜賽人