[live 遊記] 巴爾幹半島點解係歐洲火藥庫？

當時竟然行上去以為好易
原來啲路幾迷 太多小路

塞爾維亞真係幾幸運 可以一直保持優勢 大戰就次次都企啱邊
明明夾喺鄂圖曼同奧匈中間
一方面同鄂圖曼交惡(同沙俄非常友好)
另一方面又同奧匈交惡(想促使南斯拉夫民族由奧匈獨立)
一個小國同隔離兩邊嘅大國都有仇 竟然可以全身以退

有排啦，來日方長

史太林死咗之後，輪到阿爾巴尼亞同蘇聯決裂，中國為咗對抗蘇聯就拉攏阿爾巴尼亞；到中國入咗聯合國，老毛死埋之後，中阿又決裂

呢啲社會主義國家唔日日聯合其他人搵人嚟鬥嘅話，根本維持唔到政權

我嗰陣去咗條橋同博物館對出個路口，感受當年嗰一日會係點嘅場景

可以上 Piazzale Michelangelo，超級推薦
https://maps.app.goo.gl/dDaZZeS6Mr3fobJMA
可以一覽佛羅倫斯全境

係呀呢幾日都見到幾多土耳其遊客
會去清真寺禮拜

你係行到上去纜車站？
都幾係野

咁啱兩個帝國都衰退中，又有俄羅斯支持
不過塞爾維亞喺一戰都死咗好多人

渥太華幾舒服啊
睇下會唔會撞正煙花節

阿爾巴尼亞都係個好奇葩既國家
所以今次都會去睇下

個博物館有個 VR，重演當年刺殺既情況
我本來覺得幾流，原來 feedback 都唔錯

我幾日前都係度，我正正就係住呢間酒店，你去既地方有d我都有去。



依家係薩拉熱窩。

俾個like 波黑 值得再去

好住嗎？我都無入去添
嚟到薩拉熱窩都發現有幾多香港人

Day 22 莫斯塔爾 Mostar

今日離開薩拉熱窩，join 咗個 day tour 去隔離既莫斯塔爾 Mostar 睇下。

Mostar 係赫塞哥維納 Hercegovina 地區既主要城市。

波士尼亞作為一個國家其實分為兩部分，分別係以塞爾維亞人為主既塞族共和國，同埋以波士尼亞人同克羅地亞人為主既波士尼亞與赫塞哥維納聯邦。

雖然聽個名好似係兩個地方，但其實波士尼亞同赫塞哥維納只係地理概念，代表隔住座山既兩個地區，本身唔係政治實體。


網上搵到個幾好既地圖，列出波士尼亞同周圍既國家；其中淺綠色係賽族共和國，深綠色係波士尼亞與赫塞哥維納聯邦

最諷刺係，賽波克三個民族當初都係住喺巴爾幹既斯拉夫人，講同樣既語言，有類似既生活方式，只係相信唔同宗教。

不過當十九世紀民族主義興起，佢地就比人分咗做三個民族-- 同中歐比較接近，信天主教既叫克羅地亞人，保持拜占庭東正教信仰既叫塞爾維亞人，受鄂圖曼影響，信伊斯蘭教既就叫做波士尼亞人。

呢三個族群本來可能只係彼此有啲睇唔順眼，但自從被冠名做三個民族之後，為咗追求生存空間，佢地就開始自相殘殺，互相迫害……



今次參加 day tour，其實主要想去 Mostar；不過佢地都有附加埋其他地方，當睇下赫塞哥維納既唔同面貌



赫塞哥維納既山勢都幾特別


喺深山既一座修道院


當地瀑布，可以游下水，浸下腳


鄂圖曼時期古堡

Mostar 最出名既係市中心既老橋，本身有差唔多五百年歷史，係鄂圖曼時期既重要建築。

不過喺波士尼亞內戰既時候，波士尼亞人同克羅地亞人喺 Mostar 爭持不下，克族人竟然決定炸咗座橋。

終於老橋喺戰後重建，成為世界文化遺產，代表兩族和解。

不過我既感覺係，呢班斯拉夫人平時好人好姐，對人都幾 nice；但係一去到自覺生死存亡既時候就會變到好顛，咩都做得出。


終於嚟到 Mostar



橋上面有人會跳河；以前係年輕人比試膽量，而家就變咗收錢表演。但睇下青年身上面既傷痕……

食咗個好豐盛既波士尼亞 kebab，當地人叫 Ćevapi


另一個角度既老橋


Mostar 都幾靚，可惜今次時間唔多，下次可以慢慢行下

係呀
唔難行但斜同麻煩
住山嘅居民日日咁都幾係嘢 啲小巴唔係上到好高 有啲落咗車都仲要行 又唔係個個有車

Mostar當時亦被圍城 成為波族同克族戰場
除咗重建條橋 (有塊紀念碑講述幾個國家出資修建)
亦有個小墳場 有塊牌講當年歷史 克族有幾個將領已受法律制裁咁樣

波斯尼亞值得再去深度遊呢

我7年前去sarajevo, 已經係旺季, 但見唔到任何黃皮膚嘅人 估唔到而家咁多香港人去

我都係, 一直好想再去多次bosnia

另一邊山頭有一樣觀景位, 好易行上去, 望到嘅景差唔多,
但就要經墳場行, 墓碑有新有舊, 新嗰D死亡年份都係92-95, 好多都係20-30歲, 內戰死左好多後生。
我去旅行好like去墓地