[live 遊記] 巴爾幹半島點解係歐洲火藥庫？

我個guide（本身係bosnian) 同你講嘅差唔多，佢話bosnian 就算而家行過srpska 地區，都仲係會覺得會被人開槍射死，
好似話Serbs 本身就係slavs 分支，而且俄佬支持Serbs 都係自古以來
不過班Serbs 可能又借話，我都唔敢行過回教區

土其耳都入到 但土其耳地緣政治，點都要拉攏佢，
Bosnia 真係諗唔到拉佢入歐盟原因，本身回教+serbia一定反對，如果真係想入，到時隨時又引serbs aka俄佬打佢

咁你要試下去Bosnia

土耳其唔係歐盟 前朝想入不果 現任埃爾多安係反入歐派 意在做穆斯林大佬 (佢本身係虔誠穆斯林 保守派)

土耳其只係入咗北約 真係地緣原因

塞狗國唔係歐盟國 波斯尼亞有冇得入唔輪到佢出聲

Lm and support!

當時只有原路行返轉頭

同我一樣
所以去歐遊我自己一個去仲開心
橫掂條女只係跟住全程玩手機
又時有黑面
咁不如我一個人去自由自在

根本講乜鬼民族統一已經過撚晒時
羅密歐與茱麗葉個故事就證明搞到最尾傷害左人民
等黑山入到歐盟我估波黑個局勢會明朗好多啦

就算波黑啲Bosniaks/Croats想入都冇用
因為要塞族共和國同意
塞族共和國背後咪塞狗

俄佬都唔係eu or nato, 烏克蘭話想入，結果就打佢，
Bosnia 而家排緊隊入eu, 唔知幾時入

樓主生日快樂
上次美國遊記好睇所以今次都Lm～～

一直都好想去呢個對現代歷史好重要嘅半島，你篇遊記完全勾起我嘅旅行慾～～
一戰大家都知唔使講，反而其實十九世紀初希臘從鄂圖曼獨立都對現代歐洲好重要。
希臘可以話係第一個現代民族主義國家，係先有「民族發明」再革命再有國家，唔同當時其他歐洲國家係本身因為中古世紀家族勢力劃分再形成。呢個先例挑戰、甚至瓦解咗梅特涅帶領嘅維也納和會復古體系，legitimise咗小國民族獨立呢個概念，某程度上可以話冇希臘獨立就冇之後嘅十九世紀嘅大大小小民族主義風潮（e.g. 1848革命）、冇之後嘅一戰。當然同時希臘獨立都係標誌住鄂圖曼帝國衰落嘅「東方問題」、其他帝國為擴張勢力插手呢啲一戰嘅遠因。可以話最轟烈嘅一戰前嘅風起雲湧就係由希臘以至成個巴爾幹帶起、發生。
所以除咗啲靚靚島仔之外，都想去吓啲關希臘革命事嘅遺蹟/紀念地方。
當然波黑、斯洛文尼亞（尤其想順手去埋Trieste)、克羅地亞、科索沃、阿爾巴尼亞呢啲都好想去～～唯獨真係好L唔鍾意中俄好朋友所以唔想去

諗諗吓其實都唔止係現代。
其實千幾二千年嚟呢度都係唔同文明/帝國/勢力嘅前線、交差點，真係好難唔係火藥庫。

係架，而家都係靠歐美格硬壓住
個 high representative 即係類似以前既總督

應該賽族係俄羅斯，波黑/克羅地亞就係歐美
結果都係大國角力

我估波士尼亞會入先過塞爾維亞
塞爾維亞真係 zak 洗啲，比佢入咗隨時變特洛伊木馬

我哋始終冇經歷過，唔會其情到佢地啲民族問題

join 下 walking tour 都好架
越了解當地歷史，個地方/體驗就越立體

多謝支持啊
民族主義呢樣野真係可圈可點
本來就係靠佢由帝國獨立
但係“大”民族主義成日都會 claim 到隔離國家既地方，然後就會變得好危險
希臘本來都想攞埋土耳其東部，係之後打輸仗野心先放棄大希臘主義
可惜無咗大希臘，仲有大俄羅斯、大塞爾維亞 etc

都幾ironic, 明明係回教，但算聽話，起碼南斯拉夫解體後，捱打咁多年都冇變種成為恐怖分子，
反而信東正教嗰個流住斯拉夫血統，要日防夜防

波士尼亞人展示咗回教徒都有好多面向
不過好多時候，一個族群弱勢係一個面孔，強勢又係另一個面目，真係好難講

Day 23 種族滅絕

今日留喺薩拉熱窩參觀博物館，繼續了解波士尼亞內戰既一段歷史。

話說二戰後鐵托統一南斯拉夫，為咗平衡各方勢力，將穆斯林列為波士尼亞族，亦將一啲塞爾維亞人聚居既地方劃咗入波士尼亞裡面。

當時已經有好多賽族人不滿，只係鐵托以鐵腕統治，所以一時無能為力。

終於鐵托喺八十年代過身，南斯拉夫亦喺冷戰結束後分裂，住喺波士尼亞既賽族人就乘機掀起內戰，嘗試攞多啲地方。


鐵托，唯一既 Yugo Boss

本來爭取獨立都算情有可原，畢竟當時個個南斯拉夫民族都係咁。

不過賽族人好快就墮落到搞種族清洗，嘗試將勢力範圍裡面既穆斯林徹底剷除。

一時間好似納粹重現，大批波士尼亞人被送入集中營，大部分男性被屠殺，亦有唔少女性被強姦既記錄。

唔單只係咁，屠殺過後，波士尼亞人既遺體仲會被賽族人掘番出黎送去前線，製造遺體係戰死者既假象。


喺賽族勢力範圍搵到既 mass graves


另一個有關屠殺既展覽都好值得去

除咗屠殺，波士尼亞內戰最重要既事件就係薩拉熱窩被圍。

當時賽族人派出大批坦克、狙擊手封鎖薩拉熱窩，見人就射，薩拉熱窩近乎斷水斷糧，全靠國際空運援助補給。

當時薩拉熱窩居民雖然陷入絕境，但佢地仍然好堅韌咁生活。

每個人出街雖然要搵掩護，冒住被狙擊既危險跑過馬路，但係佢地仍然每日衣著得體咁返工返學，甚至舉辦電影放映，選美比賽，去表示佢地既生活唔會因為被包圍而停止。


當年街上面都係呢個“提防狙擊手”既牌


當地人舉辦選美活動，舉起 don't let them kill us 既 banner

終於薩拉熱窩被包圍三年，加上種族屠殺既種種劣跡，歐美終於做野，開始轟炸塞爾維亞，薩拉熱窩既危機先算解除。

喺歐美斡旋下，雙方簽訂停火協議，波士尼亞根據前線分為賽族共和國同波赫聯邦兩個地區，雙方組成聯合政府，上面仲有一個由歐洲派出既“高級代表”監督。


薩拉熱窩大部分建築都修復完好，唯有一啲仍然保留當時既彈痕


炮彈打落地下會留下特有既痕跡，而家當地人將佢地填色，稱為 Sarajevo Rose