今次去巴爾幹旅行，唔算係自己最滿意既一次旅程。
首先我發現原來自己都要花啲時間去擺脫工作中既拘謹心態，一路要去到旅程後段，先能夠真正放開心胸感受。
其次今次旅程都幾走馬看花，成日心郁郁想去多啲地方，反而每個地方都唔去得深入。
最遺憾既，係今次無咩同本地人溝通，好多資訊都係嚟自導遊、博物館、網上、書本，少咗一啲第一身既資訊。（對比番隔離既科索沃遊記，好似體驗豐富好多
）本來之後一年諗住去多幾次類似既旅行，作為環遊世界既一部分。
但係而家就發覺唔係好兼顧到，所以可能未來一年會多啲留喺香港，寧願日後早啲辭職再出發，去埋旅程既後半段。
點都好啦，今次好慶幸個遊記無爛尾，近乎做到每日更新。
雖然每晚差唔多寫到凌晨一兩點，但都算係一個小小成就。
不過每日更新遊記真係可一不可再，等我諗下下次可以用咩方法同大家分享先。
未來一星期會先抖抖，然後會繼續連載環遊世界既遊記。
好多謝大家一路支持，留低好多高質討論，我地之後再見。
)
