[live 遊記] 巴爾幹半島點解係歐洲火藥庫？

喺Zagreb 同Split / Radar 之間，可以一早坐大巴，去行下湖幾個鐘，再坐車去最終目的地

想過夜的話，最簡單就係景點隔籬既酒店，想平的話附近既鎮會有一堆民宿，亦有一間hostel，有來回景點接送服務

不過古代啲馬 好多都拉到長晒可能就係巴打所講表達速度感

好，可能縮短下行程，去埋十六湖先

Day 8 離開雅典

今日離開雅典，不過心情就唔算好留戀。

除咗因為雅典好多建築其實都係好近代先起，感覺有啲殘舊之外，亦因為雅典既治安其實唔算十分好。

雅典周圍都有商鋪比人爆玻璃，行行下街又會有啲貌似不良少年既人經過，所以心情比較緊繃。


有被爆玻璃既商鋪發揮創意，變成圖案

不過今次能夠見證咁多古跡同文物，感覺都係好開心。

最開心係更加認識蘇格拉底呢個人-- 本來喺古希臘廣場讀佢臨死既自辯，只係諗住扮下文青，但係讀讀下又幾入腦。

蘇格拉底就好似企喺廣場前面向我分享佢既人生理念，分享咩叫智慧，點樣面對死亡，點樣既人生先算無憾……


希臘科學院前既蘇格拉底雕像

離開雅典，今日搭火車嚟到北部城市帖撒羅尼迦。擺低行李之後無咩行程，剩係去海邊行下，吹下海風，感覺都好舒服。


今日火車上面無咩景睇


帖撒羅尼迦既教堂都幾宏偉


咁啱見到有婚禮


海邊夕陽


帖撒羅尼迦節奏比較悠閒，海邊有人賣藝


亦可以搭海盜船出海，好 random

我上次係坐大巴到十六湖，跟手就係入口附近walk in 酒店，因為十六湖張飛係可以包兩日入園區，所以就決定慢慢行玩足兩日，最好行既時間係下晝，因上晝啲旅行團走曬下晝少人好多可以靜心欣賞啲風景，我第一日就行大路行曬主要景點，第二日行淨低既景點同小路，會有唔同感覺，祝樓主玩得開心

Btw樓主玩完記得繼續update另一個post,我對印度好有興趣你介紹得好好好knowledgeable, 希望印度可以快啲解封香港簽證快啲去到

天熱去好過天冷去瀑布水量夠先澎湃
如果遇到天氣好就更靚了
如其他巴打所建議 兩日一夜係嗰度瞓 慢行更佳

上次去係8年前嘅3月 唔夠水 天色一片灰暗 不過冇咩人


(其實夏天都去過一次 太耐係菲林相)

雅典近代經歷二戰同內戰 可能有唔少破壞同重建？
爆玻璃唔知係想偷竊 定係純粹破壞呢

6月頭去完希臘留名
好鐘意雅典衛城
仲去埋Santorini mykonos

呢個好似係「舊名」同埋有啲「宗教性」
期待

我嗰陣喺Zagreb搭大巴去

住公園官方三間酒店其中一間

我覺得十六湖好普通 果陣已經係住o左一晚
如果有時間多寧願去跳島（hvar Vis)
or Zadar (日落超靚）

會繼續 update 呀，多謝支持
不過印度已去完，下一站已經係尼泊爾 lu

我覺得似破壞多，因為周圍都係 graffiti 同爆玻璃
似年輕人宣洩情緒

我今次無去島啊，下次先去
邊個島最靚？

係呀，帖撒羅尼迦係古音
而家應該係塞薩洛尼基
之後改番先

似九寨溝？
等我去到 split 再決定先

Day 9 塞薩洛尼基

今日行程有啲匆忙，首先去咗三個博物館，之後參加 walking tour，了解塞薩洛尼基既歷史。

塞薩洛尼基係希臘第二大城市，亦係北部馬其頓地區重鎮。

同雅典唔同，塞薩洛尼基建城後二千年嚟一直有人住，而且地位舉足輕重，所以城市面貌比較豐富。

喺市中心散步，行行下會見到古羅馬廣場，行前幾步會有間千年拜占庭教堂，再行遠少少又可以見到土耳其澡堂。


白塔，以前係守衛塔/監獄，而家變咗城市博物館，每一層展覽塞薩洛尼基既唔同面向



由白塔俯瞰塞薩洛尼基；好天既時候隔著海可以見到奧林帕斯山


海邊既亞歷山大大帝雕像；塞薩洛尼基由佢既部將建成


考古博物館，展覽塞薩洛尼基喺希臘同古羅馬時期既文物


拜占庭博物館；由於位置四通八達，塞薩洛尼基喺東羅馬/拜占庭帝國既地位僅次君士坦丁堡


呢張相幾表達到塞薩洛尼基唔同既歷史面向；最前面係古羅馬既皇宮，後面係由神殿改建既東正教教堂，之後又比鄂圖曼人加宣禮塔變做清真寺

唔單止係咁，我初步印象係塞薩洛尼基城市機能都比較豐富，市面上有唔少生活用品店，行行下又會有花店、書店、精品店，感覺比較適宜居住。

而且塞薩洛尼基人比較友善，唔似雅典人成日木口木面，所以都令我更有好感呢。


鬧市中既古羅馬廣場


採用傳統 Basilica 模式既長方形教堂


比較後期既教堂，模仿君士坦丁堡聖蘇菲亞教堂樣式，正正方方


土耳其澡堂


喺市中心每條街都有相關介紹，幾有意思


塞薩洛尼基既野食都好出名，例如眼前有啲似 pizza 既 penirli（可惜 out fo ）

對塞薩洛尼基幾有興趣
之前睇書有幅圖 似乎北部都幾多歷史

冇去過九寨溝
不過睇九寨溝相靚過十六湖好多

北部多呀，當時希臘、保加利亞、塞爾維亞都爭住要馬其頓/色雷斯地區
之後有個首相喺一戰時同親德既國王割席，喺塞薩洛尼基另立政府 lol

當地有冇邊個博物館關於呢啲段歷史?
之前約略立過google map 都唔知邊啲會講下

凱末爾「博物館」反而搵到

好鍾意用馬其頓同埃及嚟同人解釋文明嘅「換殼」概念

有個馬其頓抗爭博物館
https://maps.app.goo.gl/DU3b931duzZgE9ZR9