[live 遊記] 巴爾幹半島點解係歐洲火藥庫？

二戰嗰陣，北歐、東歐、東南歐，乃至印度都有組織幫納粹做嘢，編制入埋武裝黨衛軍

而且重有好多親軸心國嘅國家戰後都冇畀人制裁，歐洲就克羅地亞（不過領土就交返畀南斯拉夫，失勢逃亡嘅Ustasha成員就畀盟國遣返返南斯拉夫，最後畀南斯拉夫啲人逼佢哋勞改，甚至處決，死咗好多），亞洲就泰國

巴打知唔知網名「太宰治」呢個人
佢好崇尚呢個組織 而克羅地亞都有呢類人 太宰治聲稱認識佢哋 以前係度都有出過帖 而家唔知去咗邊 (定畀人拉咗)

係現今克羅地亞 都唔可以好公開話自己崇尚Ustaše
涉及納粹 猶太屠殺暴行 喺西方係一大禁忌

利申唔認同呢類勾結納粹嘅極右組織 雖然明白背後嘅原因 例如另一組織烏克蘭OUN
https://en.m.wikipedia.org/wiki/Stepan_Bandera

因為蘇聯解體，民族獨立自決，但普京唔肯，所以成日打

離世嘅關係，突然諗起陶傑喺馬尼拉人質事件之後寫嗰篇文

咁就唔清楚，我朋友都係學習歷史先會提起呢個組織，我哋兩個本身唔會去崇尚呢類嘢，亦都甚少喺國際議題上好似出面班連登仔咁上曬頭take曬side

所謂中立嘅西班牙 (其實暗地幫手 算係還內戰人情 定兩個元首臭味相投?) 就係好例子 直頭咩事都冇
戰時唔少親納粹商家佬去咗西班牙 有啲直頭搬財產搬公司過去
戰後就窩藏高層 最出名就係Otto Skorzeny

好，mark down 先

唔係呀，好多博物館都整修中
尤其係公家嗰啲

我相信嗰時好多地方都會左中右落注，因為真係唔知邊個會贏
當然，落注同埋真心支持，甚至搞埋集中營就係兩件事

有無 link ？

Otto Skorzeny 呢個人都好傳奇
最後竟然善終

國際議題 佢哋成班就好似「茶樓阿伯論政」後生版
世界邊有真正嘅正義 大家各懷鬼胎 亦有好多灰色地帶
即係面前有好多篤屎 抹走啲太臭嘅就算

冇完美嘅政權同政府 總之唔好太過份
厭惡嘅係政權政府 唔係嗰度啲普通平民

太宰二？
佢而家好似真係住喺克羅地亞

謝，呢篇文陶傑寫得幾好

通常政治上追求完美都會出事

厭惡嘅係政權政府 唔係嗰度啲普通平民

某國例外 佢哋政府本身同佢哋啲仆街野係有民意支持

所以唔會去支俄兩國

退一萬步唔講政治，支俄兩國而家同玩內循環有乜分別，所有國際通用嘅交易同通訊手段都唔多用到

Day 38 盧比安納

離開 Zagreb，嚟到今次行程最後一站，斯洛文尼亞既首都盧比安納 Ljubljana。

盧比安納地方唔算大，有啲似瑞士既小城，中間有河流過，河兩邊係十九世紀建築。

就算下晝參加咗個 walking tour，都好似無咩故事聽。

不過之前喺其他巴爾幹國家聽咗咁多驚心動魄既故事，對本地人而言，一個地方無故事，或者都係一件好事？


Zagreb 火車站旁邊有架古董火車。本來以為只係擺設，點知原來係想記錄當年呢架火車將猶太人送去集中營既歷史


嚟到盧比安納，建築同 Zagreb 有啲似，都係新藝術風格，呢度叫維也納分離派 Vienna Secession 建築



盧比安納最出名既龍橋。相傳盧比安納係由希臘神話英雄伊阿宋喺屠龍之後創立，所以城市以龍為記

盧比安納河


呢度既傳統菜色，開始同中歐比較近


Invader 既 graffiti，好得意


市政大廈廣場


之前喺希臘見到新月如鉤，咁快已經過咗一個月


戰爭受難者紀念碑


夜晚睇咗陣歐國杯。今次嚟歐洲，幾乎成程都係同唔同國家既人睇緊賽事

就講一個斯洛文尼亞故事 (血腥的)

1945年5月「勝利日」之後 其實南斯拉夫戰線都仲未結束 鐵托部隊追趕不斷向意大利/奧地利方向撤退嘅Ustaše部隊 (因為佢哋認為向駐紮嘅英軍投降 待遇一定好過向鐵托投降 起碼唔駛死)

撤退期間Ustaše散播謠言 (民眾本身亦有恐慌) 話鐵托部隊會殺害所有通敵分子 即克羅地亞人
結果幾十萬軍民就向斯洛文尼亞北部往奧地利進發

去到奧地利邊境一個叫Bleiburg嘅地方 英軍只接收咗萬幾人入戰俘營 (冇預計有咁多人 容納不了)
於是指示後面嘅人往東走 到斯洛文尼亞邊境Maribor嘅過渡營 結果變咗死亡行軍

幾十萬人 未去到Maribor 就係斯洛文尼亞北部 一係飢渴交迫冇力行死係路上 一係被遊擊隊搶晒啲嘢 又或不知理由被遊擊隊射一槍 有啲被帶到樹林「練靶」
斯洛文尼亞北部結果變成屠宰場

呢度睇波似乎冇咁狂熱? 睇得咁斯文似的

話咁快巴打旅程就到尾聲
除咗首都仲會去邊度?

哇多謝巴打補充
唔講都唔知有件咁既事
我今日行咗幾間博物館，都無人提到呢件事

可能捕捉唔到，不過呢度啲人都幾斯文有禮
（因為係“斯”洛“文”尼亞 lol）

聽日會去 Lake Bled 同埋地下洞穴

Day 39 生存與生活

之前查資料，有人話喺盧比安納越留得耐，就越鐘意呢個地方，我而家開始明點解。

尋日話盧比安納無咩故事，只係講咗一半。

盧比安納無既，係處於宏大背景下既故事-- 斯洛文尼亞長期處於帝國邊陲，所以無塞爾維亞既苦大仇深，亦無波士尼亞既戰火連天。

喺盧比安納發生過最大既政治事件，就係二百年前奧地利曾經同其他帝國喺度開過幾個月會議。

但係無宏大敘事，反而令斯洛文尼亞人有機會好好體驗生活。

今日雖然有啲熱，但盧比安納係我出發以嚟覺得最好行既城市-- 呢度唔單止有世界上第一個行人專用區，而且周圍都有樹蔭，有特色小店，甚至有啲奇奇怪怪既雕塑。

呢啲景象都同我講，呢度既人活得有滋有味，有閒暇去發展生活情趣。


朝早行下市集，斯洛文尼亞雖然係巴爾幹人均 GDP 最高既國家，但係物價都唔算好貴



主教座堂，屬於 High Baroque 風格


市中心旁邊既後花園



河景都係百看不厭



周圍既雕塑就有啲奇奇怪怪


甚至有啲惡趣味-- 市內扣愛情鎖既橋叫“屠夫橋”，上面仲有個比人剝皮既雕塑