[live 遊記] 巴爾幹半島點解係歐洲火藥庫？

經過兒童遊樂場 星期六日都好少細路仔玩
薩拉熱窩近郊有個大公園 又係大人為主

留名

我都唔知佢係真心咁諗定喺度玩膠

係咪港共總書記個po?

係呀

Day 24 黑山一日遊

一朝早離開薩拉熱窩，出發去黑山既首都波德戈里察 Podgorica。

當初本來計劃去 Kotor 睇峽灣，不過而家會先去阿爾巴尼亞，如果唔想坐過夜巴士就要先喺 Podgorica 過一晚。

巴爾幹就有呢度唔好，交通唔算好方便，好多時候都要以首都作為接駁點。


由薩拉熱窩南下，開始又變得山巒起伏


出境時見到賽族共和國個牌，感覺唔係幾舒服


不愧係黑山，沿途都可見到湖光山色

由於黑山用歐羅，我一直以為佢係歐盟國家，嚟到之後先發現佢地未有經歐盟同意，只係自己攞嚟用。

原來當初塞爾維亞既貨幣第納爾因為比人制裁而瘋狂貶值，黑山人就直接轉用德國馬克，之後又跟德國用歐羅。

基本上呢程全部巴爾幹國家既貨幣都係同歐羅掛鉤，不過就無黑山做得咁直接。


黑山同科索沃都係 using euro without EU approval

Podgorica 係黑山第一大城，但其實只有十五萬人口，市中心既獨立廣場規模同一個鎮仔差唔多。

不過嚟到都有啲開心，因為之前幾個禮拜一直都喺旅遊區出沒，周圍都係地標、紀念品、找換店.

今日終於無咗做遊客既感覺，只係喺超市行下，睇下本地人喺河邊玩水，喺公園放下狗，咁就一日。


旅遊資訊站出面既地圖，睇嚟真係無咩地方去，連 pools 同 sport center 都要列出嚟


獨立廣場


市政府


喺市中心行出去幾步已經有個大公園


二戰時被意大利人佔領既紀念碑


河邊景色


Podgorica 都有土耳其風格既舊城，不過城市喺二戰時被轟炸，所以大部分建築都係重建


橋底既土耳其澡堂，而家變咗 cafe 同書店


今日下晝都參加咗個 walking tour，得兩個人參加。不過人少少都幾好，可以多啲同導遊傾下計，完咗一齊飲咖啡，感覺幾舒服


市外景色


今朝無咩點食野，夜晚補番，呢個係本地名菜炸芝士雞肉卷

前南斯拉夫地區嘅鐵路係內戰時破壞晒 之後缺乏資金復修 所以搞到咁唯有下下靠大巴
係波斯尼亞搭火車 除咗小部份用新車外 其餘車廂係殘舊 車站設施缺乏 班次稀疏 速度慢 誤點

克羅地亞同斯洛文尼亞相對好 但同其他西歐東歐國家比較都係差

冇首都風範嘅首都

偏遠啫係農村？定行山
我遲啲都想去雲南西藏

原來係咁
喺賽爾維亞好似有火車直去黑山，風景幾靚
不過都係嚟到先知

暫時去過最細既地方 haha

黑山個首都以前叫titograd

貴州去過六盤水 安順
四川去過攀枝花 西昌
雲南就昆明大理麗江 (呢條路線就好熱門)

行山為主

原來係咁

我幾想去大理，聽講好 chill
不過好似最近又變得好商業化

我暫時嚟到都唔覺得好落後
Ching 嗰時去咗咩地方？

啲相好有 feel
我都諗緊去唔去海邊，不過之後去克羅地亞，唔知會唔會幾似

Day 25 真相與和解

今日參觀咗 Podgorica 唯一一個博物館，之後搭巴士出發去阿爾巴尼亞首都地拉那 Tirana。

雖然沿途有啲塞車，不過我都幾享受喺巴士上面睇下書、瞓下覺、起身又睇下風景、聽下音樂。

雖然好似幾寫意，但其實今日睇既書《Besieged: Life Under Fire on a Sarajevo Street》好沉重，講緊薩拉熱窩被圍城期間幾家人既故事。

我係睇網上介紹搵到呢本書，之後先發現作者係寫《我們最幸福》既 Barbara Demick。

Demick 係名記者，最擅長用簡潔筆觸刻畫出唔同人既面貌，《Besieged》就係佢年輕派駐東歐時初試啼聲之作。


Podgorica 博物館主要展覽當時王族既生活


黑山最後一個國王，著住民族服裝。不過佢既子女已經好西化，得閒會打下網球保齡球