[live 遊記] 巴爾幹半島點解係歐洲火藥庫？

但係你次次都香港飛過去?

如果有機會再遊克羅地亞

會去多啲Dalmatia嗰邊

Rijeka, Split, Zadar同Šibenik

Day 35 無力感

離開 Split，今日去克羅地亞既首都薩格勒布 Zagreb。

本來 Split 之後係諗住沿住海岸線北上去意大利既港口 Trieste，不過今次嚟到巴爾幹，既然都去咗 Belgrade 同 Sarajevo，就想去埋 Zagreb，了解克羅地亞人點睇當年既內戰。

今日喺巴士，終於完成之前提過，有關薩拉熱窩圍城既《Besieged》。

睇完都覺得幾無力，因為根據作者所記錄，薩拉熱窩，以至當年既波士尼亞人根本完全無能力同繼承咗南斯拉夫軍備既塞爾維亞軍隊對抗。

所以佢地除咗努力求存之外，由頭到尾都係等緊美國介入。

但係美國有自己既算盤，即使北約喺 95 年開始轟炸塞爾維亞逼佢地停火，都有傳係克林頓為咗一年後既總統大選預備，所以先唔早啲開始軍事行動。


離開 Split



告別亞得里亞海


沿途開始多山

而喺無外國幫手既日子，薩拉熱窩既居民只好自求多福-- 因為喺城外面既賽族狙擊手根本唔當佢地係人，即使係細路、傷者同老人家都可以照射不誤。

而即使當年好出名，比薩拉熱窩偷運物資既 Tunnel of Hope，其實都係賽族人刻意容許。

佢地當年一早就知有呢條隧道，亦都絕對有能力封鎖出入口。

但賽族人知道，只要隧道存在，薩拉熱窩人就有個希望可以偷走出去，然後薩拉熱窩留低既人就會越嚟越少，越嚟越絕望……

終於，喺歐美既介入下，賽族同波士尼亞軍隊停火，簽訂協議，約定三族共存。

我地今日睇番，會覺得能夠簽訂和平協議已經好好，但原來喺波士尼亞人眼中，當年既協議承認咗賽族種族清洗既後果，將賽族屠殺完波士尼亞人之後霸到既地送比佢地。

而曾經三族融洽生活既薩拉熱窩，種族之間既分界亦都越嚟越明顯，一時再無融合既可能。



Zagreb 市面，好多歐陸風格建築


成日聽人講話 Zagreb 無野睇。唔知係咪為咗反擊，呢度既路牌特別多



市中心廣場。見到輕鐵，令我諗起曼城

《Besieged》既作者喺停火十年後番返薩拉熱窩，有啲驚喜城市同建築都無咩點變。

但係當地人同佢講，咁係經濟發展遲緩既後果。

我今次去到薩拉熱窩，反而覺得好多地方都翻新過，市面一片興旺。

但我會知道，咁係因為有好多伊斯蘭國家既資金喺裡面運作。

巴爾幹國家同以往一樣，仍然係國小民窮，好易受到其他大國既操控-- 塞爾維亞有俄羅斯撐腰，而土耳其就積極喺波士尼亞同阿爾巴尼亞擴展影響力。

巴爾幹既衝突，暫時亦都唔會完結。


又係超多路牌


上城黃昏


可能係星期六，夜晚都幾多人

有日車呀
搭日車睇風景好 (克羅地亞境內車速唔算好快) 夜車就慳時間 各取所需

係呀
就算日數唔多都照去

大國操控小國擴展地盤
小國依靠大國做靠山獲取資金同「安全」
中型國家左右逢源
似乎就係近代生存模式

南北韓 台海 巴爾幹 睇下邊個最先會爆

飛機餐emirates屌打

絲打口味咁獨到

lm

我以為你喺嗰邊 exchange/做野添
巴打咁中意克羅地亞

咦原來係絲打？？

今日亦都參加咗一個本地團，由克羅地亞既角度了解當年既獨立戰爭，呢度叫 Homeland War。

克羅地亞同塞爾維亞既恩怨情仇，要由上世紀初開始講起。

話說克羅地亞本土一直係匈牙利，以至奧匈帝國屬地，但喺一戰後奧匈帝國解體，克羅地亞就被併入以塞爾維亞為主既南斯拉夫王國。

但係比較西化既克羅地亞人睇唔起賽族人，而且亦都不滿政策偏向賽族，所以一直有獨立既聲音。

終於到咗二戰，有克羅地亞人喺納粹既支持下獨立，成為納粹既傀儡國家。

喺納粹既影響下佢地亦都成立集中營，屠殺塞爾維亞人同猶太人。

二戰後鐵托統一南斯拉夫，但係相對發達既克羅地亞仍然會不滿自己要援助其他比較窮既地區。

終於當南斯拉夫解體，各地民族主義高漲，克羅地亞亦都要求獨立。


上城區既鐘樓仲有午炮


Zagreb 大教堂，但因為頻頻地震既關係所以幾十年嚟都未完成


喺戲院見到王家衛海報。講起香港導演，好似真係得王家衛有依個國際地位


納粹克羅地亞喺戰時建造既隧道/防空洞

內戰一開始既時候克羅地亞既情況同波士尼亞有啲似，都係比南斯拉夫/塞爾維亞軍隊壓制，而且境內既賽族人亦成立自治區。

不過由於塞爾維亞想集中兵力對付波士尼亞，而且克羅地亞有其他西歐國家支持，所以好快就逐出塞爾維亞軍隊，甚至極速掃除境內既賽族自治區。

亦都因為咁，所以克羅地亞既局勢相對穩定，亦都無好似波士尼亞咁多種族衝突。

呢個星期喺克羅地亞，雖然都會聽到本地人投訴物價飛漲，政府腐敗，但最少呢度既國民唔會自相殘殺，國土亦都無好似波士尼亞咁分裂。

喺加入歐盟之後，加上旅遊業帶動，克羅地亞既經濟亦都發展得唔錯，就快追上希臘。

不過物價就的確唔平，雖然喺 Zagreb 算係好少少……


風格華麗既國家劇院


咁啱劇院舉行緊戶外表演，好似唱緊經典金曲，觀眾都好投入

歐洲好多地方我都鍾意
不過要平靚正咁hea爆 就揀咗克羅地亞中部北部

官僚同腐敗程度 應比非歐盟嘅東南歐冇咁嚴重掛入歐前要「改革提升」以達要求
(當然每個地方嘅人都會屌其政府因為佢哋最清楚政府有邊啲地方做得差)

物價又貴咗?可能再往東走先可以做大爺了

就係呢條仆街俾民族分子殺害引致第一次世界大戰

嗰陣喺Zagreb一間餐廳，個事頭婆係一個年紀頗大嘅本地人呀婆，唔多識英文

正當苦惱表達價錢數目嗰陣，唔覺意聽到佢講德文，同行朋友就用德文講數字，成功解決價錢問題

老一輩啲克羅地亞人多多少少都識講德文

我聽人講 Poland/Slovakia 都好正
睇下之後有無機會去先

其實抱怨物價飛漲，政府施政無效率應該度度都係咁
貪污腐敗就可能東方/前共產國家多啲
絲打去過 Slavonia 嗎？

呢個係導火線呀
嚟巴爾幹旅行，就係想睇下究竟民族/地理/歷史點樣造成呢個局面

可能同奧匈教育有關？
或者同納粹有關

老嘅好多都識
早年德文流利嗰陣 係火車同當地老啲嘅人德文傾計冇問題 後生就用返英文


回想 自己而家就唔流利了要全英文了