1. 喺沙田大會堂的士站排隊
見到有兩個男仔原本上咗架的士俾人趕返落嚟話司機唔出九龍
咁我上車去沙田區內一條屋邨
條友話唔識路 話去都得但係要教佢去
2. 錦上路的士站上車去嘉道理農場
架車都未行出個交通交匯處 就話自己肚痛叫我搭後面嗰架
3. 喺清水灣片場call車出將軍澳 同行有人隻腳打石膏
的士佬自己兜錯路搵唔到我哋位置 一開車就發脾氣
咁我哋話有一個中途站 條友就話我哋冇講清楚唔俾咁載
淨係肯去到最近地鐵站 仲要不停俾說話我哋聽
我忍唔住駁佢「你講夠未啫? 而家咪順你意去地鐵站囉 5分鐘車程賺廿幾蚊你執到啦」 跟住先肯收聲
仲未計有幾次用app call的士但係唔識路問返我點去
如非必要都唔會揀搭的士 除非真係好趕
又貴又要睇的士佬面色 我真係搭唔起