【無定向甜甜地】一百個斷尾故(2)

「咦咦嗰個學生妹係邊個嚟㗎？嚟搵莫經理放工嘅？」

『哦嗰個～莫經理個囡嚟㗎～之前都唔見佢會上嚟...唔知點解呢排日日都會嚟接佢爸爸放工...』

「佢哋感情幾好咁添喎～翹晒手咁～唔講以為係嗰啲父女～」

我哋都傾得幾放㗎～所以我都有借機...

『都未見過你男朋友嚟接你放工嘅？』探探口風...

「佢...佢教小學嘅...成日都要教埋課外活動...又留喺學校開會改簿嗰啲...唔係咁得閒㗎咋...」琪琪唔係咁好意思咁...

『哦...係吖...原來而家做教師咁忙㗎？我仲以為好得閒添...』原來有男朋友...仲要係教畜...

咁我又係唔係應該收收皮先呢？

喺我仲諗緊收唔收好之際，有一日放工...

「我走先喇～」琪琪指指大堂大門～

『哦...咁聽日見啦～Bye～』

「聽日見～Bye～」

我同阿恆就目送住琪琪出大堂...就見到好似有個男仔行埋去佢度！

琪琪翹住呢個男仔...頭嘅女仔隻手臂？

睇清楚啲...真係...

『女仔嚟㗎喎！』

阿恆一頭問號：「嗯？」

『嗰個嗰個！』我手指指！『琪琪翹住嗰個！係唔係女仔嚟㗎？』

阿恆睇清楚啲：「係吖。」

真係女仔！琪琪佢...唔通...

第二日返工，都有探琪琪口風。

原來琪琪真係同個TB拍拖！！！

當我知道咗呢個咁重要嘅消息之後，我反而打消咗收皮嘅念頭！

雖然好多人都話，女仔同女仔係比較了解對方！第三者好難介入！

之但係...又唔一定...

「佢吖？佢都真係對我幾好嘅～」

琪琪講咗俾我聽佢係同性戀之後，都好樂意同我Share佢哋嘅生活點滴。

「佢都真係好知我想要乜㗎～好多時唔使出聲，佢都為我做咗嘅～」

果然係冇錯呢...

「上個星期日佢先帶咗我去咋嘛～開心～好開心吖～勁正囉你知唔知吖...」

琪琪一講到同佢個“男朋友”就好開心～笑得好甜～

不過除咗開心...

「不過呢...佢啲Friend好似唔係幾鍾意我...」

都會同我分享唔開心嘅事...

「佢每次帶我同佢啲Friend食飯...都好似黑我面咁...」

我就話就算點了解都好...都總會有唔開心嘅時候...

「講啲話題又插唔到嘴...插到又唔想理我咁...」

『係因為...覺得你搶咗佢？』

「我都唔知...」

『其實係都唔出奇...覺得你搶咗佢哋個Friend...有啲呷醋...』

「都唔係有啲啦...搞到大家都面阻阻咁...」

琪琪開心同唔開心都會同我Share...

工作上我哋又經常一齊...

我哋都好似...好Close？

但就係唔知佢對我嘅心意係點姐...

或者咁講...假如琪琪同佢個“男朋友”有乜磨擦...我又有冇機會乘虛而入...喺TB手上搶琪琪返嚟呢？

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Story 21－美好家庭]

「媽咪我返嚟喇～」阿囡啱啱放學返到屋企...

『返嚟喇？』我都換好衫...行出廳一睇...

已經將[Story 20－緣份要來] Upload上Penana

搵公司啦

咪即係你身體本能話你聽呢條友副body好正

呢一篇個主角係咪莫經理

搵公司都有機會要分開幾日搬 我個Friend係

咁日久生情點計先

一定又諗衰嘢啦

日久生情就唔係嗰啲所謂「感覺」啦
而係真係認識咗一個人

一見鍾情後再日久生情呢

咁起碼一開始嗰嘢就係衰鹹濕貪錢
然後只係好彩真係搵到個適合嘅

第一眼都吸引唔到你 好難深入了解㗎喎

毒撚的悲歌

我都深明呢個道理 因為我都係一條吸引唔到人嘅毒撚

各位早晨
星期六可以休息

講野又悶又冇話題 都唔知有咩吸引到人