【無定向甜甜地】一百個斷尾故(2)

1001 回覆

9 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

格躺 2024-03-12 18:39:45

其實冇分別總之就係心浮氣躁瞓唔到

但係又唔知自己煩乜

飛揚 2024-03-12 18:59:09

飛揚 2024-03-12 18:59:35

唔知煩乜即係冇嘢好煩

飛揚 2024-03-12 19:00:28

上回講到Dick一個人喺Studio裡面影Product相...
而家又請唔到人，又同阿滔反咗面...
好彩過咗結婚旺季～再加上有Elle上嚟幫手～
同Elle都一齊咗三個月，不過仲未有得搞...只係停留喺攬攬錫錫...
乜原來而家啲學生妹咁守身如玉㗎咩？
搞到Dick好冇癮！最慘仲要痴身！
難得接咗個Job要影Model～個老細又要求高～帶唔到Elle去幫手～
Dick就請咗幾個助手去做呢個Job～
Model叫Daisy，好靚女又有身材！但之前就唔覺眼～唔係Full Time嘅？
一傾先知原來係做教師～幫個Friend嚟做Model嘅～
Dick幫Daisy影咗好多靚相～Daisy好滿意～仲想搵Dick幫佢影返輯～
Dick就梗係好啦～又有得J Daisy～
幫Daisy影咗勁多靚相～當然就唔少得走光相～
Daisy條短裙咁短，唔偷影返啲露底嘅又點對得住自己～
仲要係著白色絲質Lace底褲...想引死人咩...
咁Dick就好小心嘅～影完啲走光，又影返啲冇走光嘅嚟做掩護！
都影咗唔少...
『抖抖先～睇吓啲相～』
「嗯嗯～」Daisy就完全冇防備咁烏前個身～望住部MacBook Pro～露晒波罅！
仲俾Dick𥄫到白色絲質Lace Bra...
好正吖...
「喂吖～」Daisy怕怕地羞咁，「影到人走光嘅！」
『哦哦哦～放心放心～會Delete嘅～會Delete嘅～』講就咁講...
「真係會咩？」Daisy古古惑惑咁～
『真...真係會...』點解Dick會覺得Daisy咁古惑咁嘅？
「唔會自己Keep...定係相都唔夠...想親眼...」
相都唔夠？想親眼？
Daisy對手仔摸住自己條米黃色短裙邊...輕輕拉起...揭起？！
下個故事又會係點呢？

準備出文

飛揚 2024-03-12 19:00:44

[Story 27－美麗誤會]

小息喺走廊行過...

「你鍾意嗰個吖～」

行落樓梯...

「好靚仔吖真係！」

行到落低年級嘅走廊...

「喂喂喂...係向榮師兄吖！」

唔少師妹都望晒過嚟...

我都只係帶住微笑，向住自己想去嘅目的地方向行。

飛揚 2024-03-12 19:01:37

行到入嚟圖書館...

「喂喂喂校草嚟咗吖！」

不論係當值嘅圖書館管理員...

「嘩向榮校草吖！！！」

定係睇緊書嘅...只要係女同學，都會望過嚟。

我就帶住微笑，保持低調。

始終都係圖書館，要保持寧靜。

飛揚 2024-03-12 19:02:33

講真嗰句，其實咁多年都習慣，我亦都冇乜感覺。

我並唔覺得自己靚仔就大晒...反正外貌只係一時...內涵先係一世。

而就係呢個原因，我一直都冇對任何一個女同學產生興趣。

因為我唔覺得外協可以有幾長久...

我只想認真一次...一次到尾。

喺籌備學生會候選內閣，都有好多女同學湧住埋嚟話想加入。

之但係，要搞好個學生會，就一定要有人才！

喺我心目中，其實有一個重要人選...

飛揚 2024-03-12 19:03:41

我有留意到有位插班生，嚟咗我哋學校兩年都Keep住全級第一。

再調查佢啲成績，全部都係90%以上...呢個全級第一唔係浪得虛名...

我心明成績好唔係大晒...所以除咗成績好之外，當然就要睇佢有冇領導才能！

我專登走去搵佢參加咗乜嘢課外活動...得知原來佢有參加學校嘅舞團...就走去睇睇...

見佢嘅舞姿有力量...最重要嘅係佢所散發出嚟嘅氣場，可以帶動到全隊成員...我就知道...佢就係我要搵嘅人...

所以...我就決定...冇佢幫手嘅話...我絕對唔會搞學生會候選內閣落去！

『茵茵？』我行到去茵茵面前，『有冇興趣一齊搞學生會？』

「搞學生會？」茵茵平淡咁問...

果然同傳聞一樣...好冷靜嘅一個女仔...

飛揚 2024-03-12 19:04:30

『嗯～』我帶住親切嘅微笑點點頭，『我想邀請你做我嘅副手～而且係第一個成員！』

「但點解要搵我？」茵茵仲係好似冇乜興趣咁。

『因為你夠聰明！』我好認真咁望實茵茵！『呢兩年你都Keep住全級第一！』

茵茵好似有啲興趣咁！

『仲有嘅係...你嘅領導才能！』

茵茵用心咁望實我...

『喺學校嘅舞團當中，你一直都為成員帶嚟方向！正正就係因為你有領導才能！』

「好！我答應你！」茵茵伸出右手！「合作愉快！」

我握住茵茵隻手：『合作愉快！』

有茵茵做我副手...天下無敵！

飛揚 2024-03-12 19:05:31

招兵買馬期間，唔算太大阻礙...始終我同茵茵喺學校都好有號召力！

男同學當然就係為咗可以同茵茵相處...女同學就係為咗我...

之但係要搵有才能嘅人亦都唔容易！

雖然話有我同茵茵擔大旗...之但係如果手下都係烏合之眾...都係搞唔掂！

而最大問題嘅係...

「嗰個咁嘅茵茵...都唔知點解可以做到副主席...」

有意見分歧...

飛揚 2024-03-12 19:06:40

「係囉...除咗靚都唔知佢有咩好...」

而且唔係因為方針同方向嘅問題...

「校花吖嘛～黐埋校草度...都唔知想點...」

有女成員都因為茵茵嘅美貌而有聲音...

我當然唔可以俾呢啲聲音傳到去茵茵耳邊！

所以我就喺件事未發大之前，就同幾個女成員私底下講：『我知我點講都改變唔到你啲嘅想法...所以我只會同你哋講...如果唔可以同心協力...就請你哋退出。』

有啲聽到我咁講，都收斂晒咁繼續留低。

當然亦有啲深深不忿咁退出！

不過冇問題！最重要都係解決個問題！

飛揚 2024-03-12 19:07:53

大家終於都可以同心協力咁搞好個學生會候選內閣！就連最後一樣一直都未諗到嘅候選內閣名都諗好埋！

「茵茵...向榮？」茵茵望住以七色雲彩乘住嘅候選內閣名。

「嗯嗯～」一眾成員點點頭！「茵茵向榮～用正副主席名做我哋嘅候選內閣名就啱晒喇！」

『嗯～』我都點點頭！『好名！好名！茵茵你覺得呢？』

「吓吓...哦！好！當然好啦！」

『嚟！』我拎住個七色雲彩牌行到去茵茵身邊！『一齊影返張大合照先！』

我就同茵茵一人托住一邊，同一堆成員影返張大合照！

我哋嘅努力...一定會有美滿成果！

當然...戰鬥仲未完！

飛揚 2024-03-12 19:08:50

又係一晚，搞學生會啲嘢搞到好夜...得返我同茵茵兩個最後離開學校...

喺夜幕之下，同茵茵肩並肩咁行多兩步...

『辛苦你喇...』我帶住親切嘅微笑望望茵茵，『要你同我一齊搞到咁夜...』

「唔辛苦～」欣欣擰擰頭，「你都辛苦喇...」

我都帶住微笑擰擰頭～

辛苦...最重要係有回報...

「呃...我有樣嘢想同你講！」茵茵有啲緊張！

『嗯？遇到難題？』

「唔係唔係！」茵茵擰擰頭，「我...我鍾意咗你！我想同你一齊！」

我當堂嚇咗一嚇！然後摸摸頭：『我諗呢啲嘢...都係過咗選舉先...』

「哦...都係...都係...」

飛揚 2024-03-12 19:10:01

講真一句...我估唔到茵茵會鍾意我...因為茵茵都出晒名難追...

更估唔到會同我表白！

我吖...其實我對茵茵...都有意思...

不過都係嗰句！我想認真一次！一次到尾！

所以都係想可以再睇清楚啲...喺搞學生會期間...

我哋都好完美咁搞好茵茵向榮！

當然...亦順理成章...

「我正式宣布，今年獲選嘅學生會係...茵茵向榮！」

努力係得到回報！

而喺呢段努力嘅期間，最大嘅回報係我認定自己好想同茵茵一齊！仲一定可以一齊走得更遠更遠！

飛揚 2024-03-12 19:10:34

『茵...』正當我想向茵茵表明心意之時...

「恭喜晒～」有個男仔出現...

茵茵就衝過去攬實呢個男仔...

呢個男仔...係Patrick？

原來喺冇幾耐之前...茵茵就同咗Patrick一齊...

原來...愛情可以嚟得咁近...同時亦可以嚟得咁遠...

就只係差一點點...我哋嘅距離就變得天各一方...

飛揚 2024-03-12 19:10:53

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～