【無定向甜甜地】一百個斷尾故(2)

1001 回覆

9 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

格躺 2024-03-28 17:32:41

格躺 2024-03-28 17:33:28

飛揚 2024-03-28 18:36:59

飛揚 2024-03-28 18:37:35

格躺 2024-03-28 18:48:32

飛揚 2024-03-28 18:57:46

飛揚 2024-03-28 19:00:19

上回講到阿穎放工有老公接～
都同Danny結咗婚三個月，總算幸福啦～
性生活都OK㗎～不過阿穎又好似夠咁喎～
阿穎、Danny、阿偉同Bonnie都有約埋一齊出嚟食飯～
阿穎見到阿偉同Bonnie打情罵俏，自己又唔開心咁喎！
有一晚阿偉單獨約阿穎出嚟食飯，原來佢哋仲有Keep住搞嘅！
甚至同阿偉搞完又返去同老公搞！
呢種情況係偷偷興奮！但又有啲內疚...又可以維持幾耐？又應唔應該繼續維持落去？
一直維持...一直都有諗...
直至到...
「恭喜晒～」
同阿偉同Bonnie傾結婚嘢...
「今次到煩麻兩位喇～」阿偉拜托阿穎同Danny～
「上次煩麻到你哋兩個～今次到我哋幫返你哋啦～」
喺阿偉同Bonnie結婚當日...
『啊啊...阿偉～啊啊...』
喺冇人嘅地方...
「阿穎...嗄嗄...好舒服吖...」
佢哋又搞緊...
『好舒服吖...繼續...繼續啊啊啊...』
偷偷又忘我咁...
「好正嗄...好正...嗄嗄嗄...」
好好享受...
『最後喇...今次係最後一次啊啊啊！』
最後嘅偷情...
下個故事又會係點呢？

準備出文

飛揚 2024-03-28 19:00:37

[Story 39－心理陰影]

一個人行到返嚟學校，啲同學都用上奇怪嘅目光望住我...

而且仲竊竊私語咁...

我唔想理佢哋咁多...只係抵住頭咁行...

但喺我腦海就好似聽到佢哋不停咁講“係佢吖...係佢吖...就係佢喇...”...“估唔到佢仲會返嚟...”...“俾我都唔知仲點返嚟喇！”...“唔係話好似請咗成個月假咩？”...“喂唔好講喇...佢望過嚟...”...“咁真係好爆吖嘛！”...

就算俾我走返入班房...坐返埋自己位...都好似被奇怪嘅目光包圍住咁...

好辛苦...好難受！根本就冇辦法聽書！更冇辦法面對同學！

小息又好...Lunch又好...我都自己一個...匿埋又好！避開又好！

我就只可以自己一個...

飛揚 2024-03-28 19:01:38

但天意弄人...越係唔想見人...就越係會見到...甚至係你最唔想見到嘅人！

喺學校嘅角落，竟然俾我見到Wendy同鄭Sir傾得好似好親密咁！

你拍吓我！我又拍吓你！有講有笑！

然後鄭Sir拍拍Wendy膊頭離開。

呢個Wendy...呢個八婆！

『你呢個專搞男人嘅八婆！』我怒氣沖沖咁走埋去Wendy面前！『又想搞其他男人呀？』

「Wincy？」Wendy打量住我，「搞男人又有乜問題吖？」

『搞男人有咩問題？你搞我爸爸吖！』我一巴就車落Wendy塊面！

「我同你爸爸搞過...話晒都叫係你半個阿媽吖！」Wendy又一巴車落我塊面！

飛揚 2024-03-28 19:02:37

『你痴線㗎！』我捉住Wendy把頭髮！

「痴線又點呀？！」Wendy又扯我件校服！

我哋兩個又打又摑又扯又踢咁！攬埋一舊互毆！

好快就驚動到唔少同學圍觀！又好快就驚動到老師！

最後我哋兩個都被帶到入去訓導室。

訓導主任望住我哋兩個，明顯就唔知應該點做好。只係講咗幾句：「我知你哋兩個嘅事...明白你哋嘅感受...但打交始終都唔啱...都係要罰...」

罰？罰咩都好啦！反正我就唔在乎！

但問題係就算要點罰Wendy，都平息唔到我對佢嘅怒火！

Wendy呢種淫娃蕩婦...點解唔浸佢豬籠呀？！

飛揚 2024-03-28 19:03:24

返到屋企...只係得返我同媽咪兩個...爸爸早就搬走咗...

唔係媽咪趕佢走...而係佢帶住內疚咁離開...

講真我都唔想對住佢！甚至我驚咗佢！

佢竟然同一個同佢個囡一樣大嘅女仔搞埋一齊！我覺得好恐怖呀！佢會唔會都想搞我㗎？！

所以媽咪要同佢離婚，我都贊同！

變態嘅男人...真係好恐怖...

而我都唔想再喺嗰間學校讀書！媽咪都幫我轉去另一間學校...係一間男女校。

飛揚 2024-03-28 19:04:46

「呢位係新同學譚詠詩～」班主任將我介紹俾同學認識，「大家都要好好幫新同學適應～」

喺班上，男同學佔大多數...

我總係唔敢同佢哋對上眼...

「你好吖～」坐喺我隔籬嘅男同學帶住微笑，「我叫陳永賢～可以叫我Winfried㗎～」

『哦哦...Winfried...叫我Wincy得喇...』就算係坐正喺我隔籬...我都唔敢望佢一眼...

總係覺得好奇怪...啲男同學好奇怪...

其實都唔止係男同學...就連啲阿Sir都好奇怪...

總係覺得啲阿Sir會搞學生...想搞我！

飛揚 2024-03-28 19:05:39

「Wincy？」班主任喺小息嘅時候行埋嚟，「返咗一個禮拜學，慣唔慣吖？」

『嗯嗯...』我反射之下都退後兩步！

「嗯...」班主任點點頭，「有啲咩唔明都可以問吓同學喎～」

『嗯嗯...知道...』我點點頭後，就急急腳轉身走！

好恐怖...啲阿Sir都好恐怖！唔知望緊你邊度！唔知佢哋對你嘅身體幻想緊啲乜！

已經過咗一個禮拜...但我都係融入唔到...

啲男同學就無須多講...連女同學我都唔想同佢哋來往！

我唔想再有好姊妹！好姊妹會同爸爸搞埋一齊！

飛揚 2024-03-28 19:06:45

之但係...Winfried總係好似好關心我...

「Wincy？有冇功課唔識？我可以教你喎～」

總係主動撩我講嘢...

「Wincy～一唔一齊食Lunch吖？」

見我一個人，就會走埋嚟...

「Wincy～放咗學得唔得閒吖？一唔一齊食甜品？有間甜品好好食㗎～係喎...都唔知你鍾唔鍾意食甜品添～」

對我好似好熱情咁...我就好驚！好怕！

都唔知佢想點！做乜總係要問咁多！知我咁多嘢！

我唔想多講...對住Winfried又好...對住其他同學又好...

我只想靜靜自己一個...我唔想同其他人有任何交流！

飛揚 2024-03-28 19:07:35

『媽咪我返嚟喇...』放學都係返屋企好...

「返嚟喇？」媽咪強顏歡笑，「返學返成點吖？」

『OK吖～幾好吖～』我都唔想令媽咪擔心...增添佢嘅煩惱..

「嗯～」媽咪點點頭，「嚟緊我都想搵返份工...你OK嘛？」

『OK～OK～只要媽咪唔辛苦就OK...』

「傻女～媽咪點會辛苦呢～」

嚟緊嘅日子都只有我同媽咪...

我唔可以令媽咪擔心咁多...

努力讀書...做好功課...專心喺學業上...然而交際方面仲係零進展...不論係同同學...定係阿Sir...

飛揚 2024-03-28 19:08:58

「今個禮拜六得唔得閒吖？」Winfried仲係好積極咁，「我哋成班想約出嚟BBQ...」

『唔得閒...』我執好嘢就急急腳咁趕住離開班房！

縱使逢禮拜六日我都係喺屋企又好...又或者好似而家咁，漫無目的咁喺人群之中行...行...我都係一個人...

究竟點解...點解呢個世界上嘅人咁可怕？

原來我一直生存喺一個咁可怕嘅世界上...

突然...

「Wincy？」背後傳嚟Winfried把聲。

我回頭一望，見到Winfried行近兩步。

飛揚 2024-03-28 19:09:49

「咁啱嘅？」Winfried再行近兩步，「一個人？一唔一...」

『點解吖...』我冇等到Winfried再講落去...

「吓？」Winfried一頭問號...

『點解...點解吖？！』我一轉身就跑！

「Wincy...喂！」

我乜都唔理！一直跑！喺人群之間橫衝直撞！

點解吖？點解要黐住我？點解點跑都跑唔甩？身邊都係咁多人...跟住我...圍住我？！

我拼命咁跑！想逃離人群！突破包圍！

然後真係俾我突破到！衝出人群！我就聽到...

“嗶！嗶！”兩聲！

我一望之下...就見到有好光嘅車頭燈...一架紅色車正衝緊埋嚟！

飛揚 2024-03-28 19:10:16

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～