【無定向甜甜地】一百個斷尾故(2)

阿芝打量住我啲模型：「都幾多喎...」

『係吖係吖...』我都望住堆寶貝，『老婆話我唔Dom就佢Dom...所以就急住搵人接手...唔係就慘喇...』

「明嘅～」阿芝點點頭，「咁一齊搬去我度先？我一個搬唔晒～」

『哦...當然當然！一齊搬！』

我就同阿芝夾手夾腳一齊搬。

我哋兩個拎住成堆模型行...

我都偷偷望阿芝...

又細粒...又靚女...一啲都唔似會玩模型喎...

係～YouTube都有好多靚女Double May砌模型～

但咁多靚女Double May砌模型又真係鍾意模型咩？

都係為咗多View咋嘛！

我睇阿芝又唔似係嗰啲女仔喎...真係鍾意模型？

我跟住阿芝，上到佢屋企門口...

「放喺度得喇～」阿芝帶住微笑點點頭，「等我自己搬入去OK㗎喇～」

『哦哦...』都係嘅...冇理由我一個啱啱先識嘅大男人入去個小妹妹屋企...

「嗯～吖係吖～」阿芝指指我堆寶貝，「我安頓好晒佢哋之後，影啲相俾你～」

『哦好吖好吖～有勞有勞～』

「嗯～放心啦～」

『放心放心～』

交咗堆寶貝俾阿芝之後，我都返屋企。

老婆見我搞掂晒啲模型，都冇乜點出聲喇～

然後喺瞓之前，阿芝真係Send咗我啲寶貝俾我睇！

放得好齊整！好有心機！仲有心機過我自己！

咁我都放心～

「老公我返嚟喇～」老婆好開心咁拎住一大袋名牌行入房，「我買咗新手袋吖～限量㗎～」

『哦...』我就睇緊手機...睇緊阿芝Send俾我啲相...

「又睇模型...」老婆偷望我手機一眼，「都Dom晒啦...仲睇...都唔知有乜咁好睇...」

我就冇老婆咁好氣...

老婆都冇我咁好氣～欣賞啲包包～又好好咁放喺我本來用嚟放模型嘅地方～

我啲模型吖...

過咗一排，我都係好掛住啲模型...

“阿芝：你想嘅話 可以上嚟探吓啲模型㗎喎”

“真係得？”

“阿芝：得㗎 我屋企人好夜先返”

有得探吓啲寶貝就梗係上啦！

約咗一日阿芝放學就上佢屋企！

入到阿芝間房...

『你啲工具都好齊喎！』所有模型工具都有！

仲要係靚嘢！究極剪鉗都有！

「OK咁啦～」仲著住校服嘅阿芝就坐喺床邊～

『咁都係OK咋？啲油都好齊喎！』仲要放到好整齊！排好晒！

就咁睇都覺得專業過我喇！

「OK咁啦OK咁啦～」阿芝踢吓對腳仔，「你啲模型喺晒度喇～冇郁過你㗎～」

『好掛住你哋吖～』我望住自己啲模型～

「你鍾意嘅咪得閒上嚟囉～」阿芝點點頭，「有時間砌埋都得㗎～啲工具任用～」

『真係可以？』咁感動？

「可以～」阿芝笑得好燦爛咁點點頭，「大家都係模型愛好者吖嘛～」

『你都係...好鍾意高達？』見阿芝啲作品大多數都係高達...

「係㗎～我勁鍾意高達～」阿芝彈起身～行到嚟我身邊，「啱啱上個禮拜先喺高達比賽做幫手～」

『高達比賽吖？』

「係吖～全港㗎～每年都搞一次～」

『哦？係㗎？』

「係吖～今年呢有班阿叔打比賽！」

『阿叔？同我差唔多？』

「一定老過你！」

『我廿七喇喎...』

「佢哋應該過三十！」

『過三十都打比賽咁神奇？』

「未算～最神奇係其中一個叔叔場場比賽都會打開銀包放喺面前！裡面仲好似有張相...」

聽住阿芝佢講高達...好似好吸引...

高達吸引就一向...但我而家所指嘅吸引...係阿芝...

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Story 19－再見初戀]

坐喺床上，等男朋友阿林沖完涼出返嚟...

『今日收到舊同學張帖喎...』我拎住張帖睇睇。

已經將[Story 18－模型之友] Upload上Penana

諗起星野文奈😅

話時話，一個鐘意/唔介意男友(老公)玩模型的女人真係好難得

真吖 都唔好話要都係鍾意玩模型 有共同興趣

唔通係涼桌子
btw飛揚又想衰十一？

呢個超正

我都係第一時間諗起Cool Table
但又唔夠Cool

我老媽子
日日幫我老豆啲模型同玩具抹塵

返黎了 好無聊 等新工

好撚嬲

cool table對飛揚唔cool咖

唔關我事㗎

有睇開喎

再見二千年失戀Cool啲

咁你老媽子係好老婆

幾時返工姐