【無定向甜甜地】一百個斷尾故(2)

1001 回覆

9 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2024-03-13 19:00:23

上回講到向榮喺學校行到邊，都成為焦點～
校草吖嘛～
不過向榮自己本身就唔著重呢啲！
因為外貌只係一時...內涵先係一世！
所以都揀唔到女朋友～要拍就一次到尾～
喺搞學生會之時，想茵茵呢個有料之人做副手！
茵茵都因為向榮留意到自己嘅才能而答應～
同時都搵到好多人返嚟～不過要有才能都唔易～
最大問題係好快就有聲音！好多女仔都唔抵得茵茵嘅美貌！
向榮私底下就解決咗件事！冇俾茵茵知道～
學生會都搞得好順呢～連個名都諗好～叫茵茵向榮～
有一晚做夜咗，走嗰陣茵茵竟然同向榮表白！
向榮驚訝茵茵本身好難追！
其實向榮都對茵茵有意思～
不過都係嗰句！向榮想認真一次！一次到尾！
所以都係想可以再睇清楚啲...喺搞學生會期間...
佢哋都好完美咁搞好茵茵向榮！
當然...亦順理成章...
「我正式宣布，今年獲選嘅學生會係...茵茵向榮！」
努力係得到回報！
而喺呢段努力嘅期間，最大嘅回報係向榮認定自己好想同茵茵一齊！仲一定可以一齊走得更遠更遠！
『茵...』正當向榮想向茵茵表明心意之時...
「恭喜晒～」有個男仔出現...
茵茵就衝過去攬實呢個男仔...
呢個男仔...係Patrick？
原來喺冇幾耐之前...茵茵就同咗Patrick一齊...
原來...愛情可以嚟得咁近...同時亦可以嚟得咁遠...
就只係差一點點...佢哋嘅距離就變得天各一方...
下個故事又會係點呢？

準備出文

飛揚 2024-03-13 19:00:44

[Story 28－女皇降臨]

同幾個八婆食完晚飯，飲住紅酒...

「喂Athena～你真係做嘢喇？」

幾個八婆都對我嘅近況好有興趣...

『係吖～我Daddy叫我幫佢睇住間公司仔喎～咪睇囉～』

講真我就唔係好想㗎姐...

「嘩！世界變了樣？我哋嘅Athena姐幾時變得咁聽話？」

『冇話聽唔聽嘅～咁返到嚟香港都玩咗咁耐啦～』

其實係個麻煩後母...

飛揚 2024-03-13 19:01:54

唔想晚晚返到去都俾個麻煩後母煩住晒！仲要唔知佢會想搞啲乜！

唔使問，Daddy叫我幫佢睇住間公司仔都係後母嘅主意啦！

唉出到呢啲垃圾招...無謂迫狗跳牆啦～

「喂唔係吖嘛？咁快就玩夠喇？」

『搞清楚～唔係玩夠～係轉個場再玩過～』

「吓？」

『唔明吖？去間公司仔睇吓有咩玩吖～』

「公司仔又可以玩得啲咩吖？」

『哈～每個地方都係遊樂場嚟㗎啦～睇你發唔發掘到姐～』

飛揚 2024-03-13 19:02:48

「嘩～咁睇嚟間公司仔有難喇～」

「係咯係咯～我哋Athena姐咁有興致走去玩玩喎～」

「喂大家估吓玩得幾耐就執笠？」

『喂點會玩到執笠吖？』

「你唔玩到啲員工殘晒唔敢返工個個爭住辭職吖？」

『員工？狗嚟㗎姐～撚死晒啲狗又邊好玩㗎？撚到佢哋聽聽話話先係㗎嘛～』

「Athena姐果然係Athena姐～」

『飲啦講咁多～』

公司仔...諗住搵間公司仔鎖住我...等我乖乖地唔好搞事？

好～你俾個遊樂場我...我實會玩得開開心心～

飛揚 2024-03-13 19:03:35

一早裝好身～以最完美！最靚嘅狀態揸架法拉利返公司！

“吼！吼...”一泊好架車，就有個男員工行過嚟：「李小姐早晨。」

『嗯。』我眼尾都唔望佢一眼，就向前行。

著住對三吋高踭鞋～連身短裙～行入公司～

「李小姐早晨～」

一個又一個員工就起身向我鞠躬！

我當然就唔會點理佢哋～只係點一點頭～繼續行～

喺我眼中...佢哋只不過係狗...一班狗...

飛揚 2024-03-13 19:05:07

雖然我係突然空降...但識得叫我做李小姐...即係好緊張公司嘅人士變動啦～

算醒目？但醒目都要睇方向～

我對高踭鞋唔係咁易擦㗎咋～

入到房，我都睇晒我哋公司啲資料先。

公司仔真係公司仔...唔使一個鐘就了解晒～

喺廣告界中，只係處於下游...

全間公司得兩Team...一Team算係唔錯...另一Team就...得過且過...

垃圾真係垃圾...不過Daddy要我睇住呢間垃圾公司都唔係要我搞好佢㗎啦～（Daddy都係想用呢間公司做幫佢做啲方便嘢姐～）

咁我就睇吓...有咩好玩喇～

飛揚 2024-03-13 19:06:10

我睇晒全公司嘅員工資料...再留心觀察兩Team人...阿沖嗰Team人好團結...仲係有阿沖帶住做嗰隻...

唔怪之得個表現都唔錯...可以話都係靠佢哋呢Team撐起成間公司...

另外嗰Team...叫阿晨帶住嘅...

我望出去...個戴經理就全日都喺自己房...阿晨就指指點點...呼呼喝喝咁...

但當我行到去佢哋身邊...

「李小姐你好！」阿晨就成隻狗咁，「李小姐你好！有冇咩我可以幫到手㗎？」

狗...果然係狗...

不過睇嚟...我喺呢個細小嘅主題樂園裡面...搵到啱我玩嘅主題～

飛揚 2024-03-13 19:07:38

第一日我就咩都唔做咁，準時就放工走人。

第二日我都係著到靚一靚咁返到公司，第一時間就係睇返員工尋日嘅離開記錄。

阿沖嗰Team都係遲我一個鐘左右就拍卡離開...

果然呢～唔使我操心～我亦都無謂搞住維持公司生命嘅命脈～

至於阿晨嘅...同埋嗰個姓戴嘅經理喺我走咗之後...十五分鐘唔夠就離開公司。

阿晨嘅手下個個都OT到凌晨十二點...

然後今日我就準備好晒所有計劃！再Hea到八點先走～

第二日返嚟公司一睇...果然呢！姓戴嘅同阿晨又係等我走咗之後，十五分鐘唔夠就拍卡離開公司！

又係留返啲手下OT到凌晨...

問過HR，戴經理係阿晨嘅姐夫...

呢兩隻狗...

飛揚 2024-03-13 19:08:44

今日我就叫晒兩Team人一齊開個會！

『大家嚟緊會好忙～因為...我要公司超越C-Moon！』

阿沖嗰Team冇乜太大反應...阿晨就有啲驚訝...

而姓戴嘅就抹抹汗：「超越C-Moon...C-Moon係我哋廣告界嘅龍頭...」

『點吖？冇信心？』我帶住微笑打量住姓戴嘅，『可以遞信唔做～』

「唔係唔係！」姓戴嘅望住阿晨，「梗係有信心啦我哋！」

阿晨又望住佢Team人：「有信心！我哋好有信心！」

『有信心就得啦～我睇你哋表演～』

飛揚 2024-03-13 19:09:39

開完個會，我都喺自己房望出去...又睇住嗰個阿晨對佢班手下呼呼喝喝...指指點點...

到咗差唔多放工，我都早少少離開公司。

「你吖！識唔識㗎？」阿晨仲係鬧緊人，但一見到我就變晒面，笑晒口，成隻狗咁，「李小姐走喇？」

『嗯。』

「慢行吖李小姐～你吖！我講到去邊吖？唉咁多嘢都搞唔掂...都唔記得鬧到去...」

我去商場，行咗幾轉。

然後見差唔多就食埋個飯。

喺高級餐廳食完個飯，飲住紅酒Chill一陣...見時間都差唔多...已經九點幾...就返上公司。

飛揚 2024-03-13 19:10:40

一返到上去，差唔多熄晒燈...就只有一排燈著住。

我行到埋去嗰排燈...下面嘅一個位：『今晚得你一個嘅？Justin...』

「係吖李小姐。」Justin點點頭，「O咗幾晚T...見佢哋都辛苦，就叫佢哋走先。」

『咁你呢？』我打量住Justin，『唔辛苦咩？』

「我？」Justin望一望我，「仲有啲嘢要趕...趕埋佢先...」

『放低手上啲嘢先...入我房。』

「吓？哦...」

全公司淨係得返我同Justin...而且仲要入我間房...

飛揚 2024-03-13 19:11:23

『閂門...』我等Justin閂埋房門，『呢度淨係得我哋兩個...有冇啲咩想同我講？』

「冇。」Justin望實我。

『真係冇？』我都望實Justin。

「真係冇。」Justin完全冇動搖。

『你冇嘅話...就到我講...』我坐上檯，翹住對黑絲美腿，『幫我舐...』

Justin處變不驚咁望住我對黑絲美腿。

『只要你肯幫我舐...我可以幫你...』我勾住隻三吋高踭鞋...

Justin行前兩步...望住我對黑絲美腿...跪喺我隻三吋高踭鞋前...

飛揚 2024-03-13 19:11:41

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～