【無定向甜甜地】一百個斷尾故(2)

上回講到Dora喺Gail屋睇佢直播～
Gail已經有八十萬訂閱！
好勁吖～
Dora就話其實都係佢個經理人嘅功勞～
一講到經理人，Dora就嘴角含春～
發展成點姐？
Dora話冇嘢！只係一齊做嘢姐！
講就咁講～
Gail就問返Dora有冇心上人啦～
Dora都未有心跳嘅感覺...或者都係啲男仔唔夠成熟...但又唔會想搞師生戀啦！
到有一日Gail因公司要學跳舞，Dora就去接佢～
咁啱就遇到Gail嘅舞蹈導師東仔～
Dora見東仔幾靚仔～Gail又幫佢搵咗個機會一齊學跳舞喎～
跟住東仔跳...唔單止靚仔...有型...仲好Charm添...
跳起上嚟好有力...總係會吸引住人嘅視線...注意力...全部都集中晒喺佢身上...
「抹吓汗先啦～」東仔遞條大毛巾俾Dora～
『唔該～』Dora有啲怕羞咁接過條大毛巾...印兩印...
仲要體貼成咁...點搞吖？
呢啲就係成熟大哥哥嘅吸引力？
咁有吸引力嘅大哥哥...點都應該有拖拍掛？
『係...呢～你女朋友會唔會都同你一樣鍾意跳舞㗎？』都係探吓口風先～
「佢吖？」東仔諗一諗，「佢對啲貓貓有興趣啲～」
『係...吖...』即係有拖拍啦...
「不過我哋啱啱散咗Luu～」東仔帶住微笑擰擰頭～
啱啱散咗？咁係咪即係話...Dora有機會吖？
有咩機會吖？都唔知人哋點諗！
Dora咁細個...就算佢對人哋有Feel吖...人哋都未必對佢有興趣啦...
咁點好呢？應該點做好呢？
下個故事又會係點呢？



準備出文