上回講到牛丸扮靚仔~
因為今晚去燒嘢食~
係Kate為咗介紹個女同事穎茵俾牛丸識而搞嘅BBQ吖~
三對夫婦都嚟咗,Kate就叫牛丸自己努力啲喇~
實努力啦~咁唔話得介紹女仔俾牛丸識~
Kate帶咗穎茵嚟,大家介紹返就開始燒嘢食~
都算叫好傾~牛丸都好識做~照顧穎茵啦~
又燒又食又傾~散場時牛丸仲車埋穎茵返屋企~
睇嚟加晒分啦~
咁就約多啲喇~不過就唔咁多人喇~淨係Kate兩公婆加埋牛丸同穎茵四個出嚟~
行街睇戲食飯~進展良好~就打算單獨約啦~
起初都仲係唔得嘅...但試多幾次同Kate兩公婆一齊出之後,終於成功!
單獨約穎茵都仲係著得好性感~可能而家嘅後生女係咁啦~
當然牛丸都好有準備嘅!同穎茵出咗咁多次街,都放定件外套喺袋!必要時會俾穎茵著!
細心嘅嘢牛丸係會做嘅!
而佢哋單獨相處都有好多計傾~
「尋日個客真係有啲驚...」
就算冇Kate喺度...
「連醫生都話嚇咗嚇!好彩救得返咋!」
都可以暢所欲言~
『你都好鍾意小動物喎~』
既然係咁...
「所以先做動物診所咋嘛~」
牛丸諗應該都可以...
『係吖?我都好鍾意小動物㗎~』
邀請穎茵...
「係?咁你有冇養吖?」
『有吖~我屋企隻貓識打關斗,不如上嚟坐吓~』
下個故事又會係點呢?
準備出文
今晚出完
鍾意嘅朋友記得Like同Share俾身邊嘅朋友一齊追~
有咩記得喺下面留言講~我會一一回覆~