上回講到阿𧙗一直對中二就轉學嘅茵茵念念不忘...(只係過咗兩年姐...十年又會係點?)
惠娜話咁掛住人就去搵人啦~
點搵吖?天大地大?
IG囉~IG咩人都搵到㗎嘛!
阿𧙗都試試啦~
或者茵茵太出名喇,真係俾阿𧙗搵到喎~
估唔到仲有計傾添!
發現茵茵啱啱甩拖,諗住係上天俾佢嘅機會啦!
問起茵茵如果當年冇轉校會點?
茵茵話可能學少好多嘢...
原來茵茵個Ex話兩個都係太愛對方嘅人...係唔可以繼續一齊...
『藉口啦...』一聽就知...
「唔係囉...」
『點解你會覺得唔係?』
「你根本就唔明...」
『我唔明?我好明白愛一個人係要全心全意...甚至係比起愛自己更愛對方!』阿𧙗望實茵茵,『就好似我對你嘅愛...我愛咗你兩年喇...兩年嚟就算我哋冇任何聯絡...我都係對你念念不忘!』
「你覺得而家係最好嘅時機?」茵茵都望實阿𧙗。
『係...你而家冇拖拍...而我仲係一樣咁愛...』阿𧙗仲未將說話講完...
「所以話你根本就唔明...」茵茵擰擰頭,「連呢點你都唔明...我哋冇可能夾得嚟...」
阿𧙗唔明...或者真係佢唔明...
阿𧙗仲以為上天會俾機會佢做男主角...
點知原來係連愛情大悲劇嘅男配角都冇資格...
仲約到茵茵星期六返學校睇睇添!
下個故事又會係點呢?
準備出文