當然就唔止一個家族想結識我哋Athena...
「李生李生~唔見令千金嘅?」
一邊行,一邊傾,都有唔少人問起Athena...
其實都好正常...因為呢啲都係建立商業關係嘅手段...
對到親家當然穩陣~就算淨係拍拖都可以有好多合作機會!
生意上嘅嘢,就唔到我出聲㗎喇...不過講到Athena...
老公細細聲講:「得閒就好好管教一下Athena...」
『係嘅係嘅...我會㗎喇...』講到Athena就關我事喇...
老公都開到聲,好明顯就已經好唔順氣...
我就更加唔可以唔理啦...