【無定向甜甜地】一百個斷尾故(2)

上回講到雅姿等到佢個男朋友阿林沖完涼出嚟，就同佢講中同派咗帖喎～
阿林好似唔多Get到，其他雅姿係想講佢都想結婚～
真唔知定假扮傻到好啦～
到去飲嗰晚，阿林要陪老細唔得閒～但都識做俾人情嘅～
雅姿就自己去～其實唔係好熟嗰啲～所以都係去襯吓姐～
咁啱就遇返初戀阿民！
傾吓近況，又講吓舊事～
阿民而家就冇拖拍～以前就大家都仲細啦～好快就分開咗～
其實都係雅姿衰～貪新忙舊～
雅姿同阿民分開之後，都係冇個長啦～大家都未定性～
直到遇到阿林...
除咗話時間上...阿林又真係幾啱做結婚對象嘅～
阿林未到三十就已經事業有成～係公司第二把交椅～老細都好睇佢～俾晒成盤生意佢睇～
供緊層市區千萬豪宅～揸公司架Benz～出街都唔使依賴交通工具（用隨意門啦～）～
其實雅姿唔係貪慕虛榮！只係...想安定落嚟...
雅姿覺得都差唔多喇...想定落嚟...但阿林就唔似...
雅姿係好Feel到佢仲係想玩...好似之前啲Ex咁...都係有嗰種Feel...
除咗見客陪老細，都會出去飲嘢，但唔係識女嗰啲！
會見啱就買，想送就送嘢俾雅姿，只要仲有夠錢供樓！
會同雅姿去旅行～雅姿想去嘅地方又好～阿林想去嘅地方又好～
總之都係今朝有酒今朝醉～明日愁來明日愁咁啦～
但係雅姿真係攰喇...有啲厭倦喇...
坐喺自己嗰圍檯，望住坐喺遠處嗰圍嘅阿民...
十年冇見～都仲係咁...穩重...比中學嗰陣更穩重...
究竟當年離開阿民...係唔係錯呢？
下個故事又會係點呢？



準備出文