【卡西進軍豪門！？】《誤上了黑幫老大的情婦，我只好躲在中環的職場胡混》- 第七季：紫式篇

又係玫瑰
Moon至少有紫衣級數掛

好，決定翻睇薔薇果part多一次

「我本身唔係一個迷信嘅人，所以本來都唔係咁諗，但係自從老爺出咗事之後，有啲開始群佢嘅家庭成員漸漸畀佢搞到染上惡習，佢仲耐唔耐喺自己屋企搞一個 by invitation only 名為『Cooking Party』嘅聚會，我肯定呢個 Party 裡面一定有好多唔見得光嘅嘢發生，所以你話老爺佢搞成咁關唔關佢事？我覺得絕對關囉！」王禹伊越說越激動，胸口的一雙「E 奶」在急促的起伏著，看得我也要吞一吞口水，之後又聽見她道：「之前朱家各人就算唔係好親密，但係都叫做正正常常，生活循規蹈矩，係七姨太嚟咗就搞到『紫式苑』烏煙瘴氣，再任得佢亂嚟，朱家實畀佢搞到名譽掃地，三姨太為咗頂住成個『東皇朝』已經周身唔得閒仲點理得到屋企啲嘢咁多，如果喺咁嘅環境我都仲唔出手嘅話，我又點算得係朱家大少奶呢？」

王禹伊當然不會知道三姨太除了是「東皇朝」的代主席之外，還有另一「白衣后皇」的秘密身分，單單是要在「拔道」尋寶和處理掘出來的黃金已是夠她忙，而朱建東是「君子黨」中地位崇高的「騎士會員」，對「玫瑰會」來說，把他弄成如此痴痴呆呆的模樣亦一點好處都沒有，所以王禹伊對七姨太的懷疑，我亦覺得不無道理呢。

原來冶豔如花的七姨太，那朵花竟然是「死神之花」！

「對住呢個女人得我一個人真係無晒辦法，但係如果貿貿然搵出面嘅人幫手，我又唔可以保証到件事唔會揚出去，因為我哋朱家喺香港實在太出名喇，任何有機會令到家聲受損嘅我都擔當唔起，諗嚟諗去，只有我借幫妹妹搵地方養胎，等田偵探你哋順理成章咁搬埋入嚟，咁至可以又幫到我手、我又放心。」王禹伊以懇求的語氣，向著男男道：「田偵探，我早有聞你為人正直又不畏強權，我希望你哋可以調查七姨太呢個『Cooking Party』，拍低晒入面啲罪証，等我可以將一啲敗壞朱家聲譽嘅人趕出家門，以恢復返『紫式苑』呢處咁靚嘅地方本來嘅平安同寧靜！」

原來我們忽然間可以進駐超級豪宅的真正原因，是因為要參與一個為朱家清理門戶的計劃，天下間真的沒有免費午餐！

（待續）

卡西今次到底要食邊個？

想食邊個先？

三姨太

孫管家同看更s

識食喎

男男

第二百六十一話　不簡單的簡單任務

對於王禹伊的委託，雖然男男還沒有正面答覆，但從我作為「田力偵探社」大師兄多時的經驗，男男是不會袖手旁觀的，所以直到王禹伊離開「梅屋」後，我便問男男：「我哋真係會幫王禹伊呀？」

男男果然就點了頭一下，直認不諱地道：「嗯，我的確有咁嘅打算。」

「但係我哋嚟到『紫式苑』嘅目的係要將三姨太收埋嘅黃金搵出嚟喎，既然而家已經確定咗藏金嘅所在地點係喺『承香』嘅地牢由一個『酒樽陣』守護住，我哋點解唔繼續重點朝住呢個方向調查，反而要節外生枝去理埋人哋啲家事呢？」我不解的問。

「我當然同意『酒樽陣』背後一定係收埋咗一啲好重大嘅秘密，而我哋要破呢個『酒樽陣』亦都係事在必行嘅事，之不過喺未發現到其他突破性嘅資料之前，盲目地繼續執住呢一點除咗只係轉牛角尖，仲好可能會忽略咗成幅 Big Picture 添。」男男俯首思考了一會，再道：「就好似『盲人摸象』咁，就算我哋係盲嘅都好，我哋都唔可以淨係摸死隻象嘅某一個位，明唔明白呀？」

我想了一想，又追問：「咁你即係話，就算我哋而家走去幫王禹伊，其實都會係幫緊成件事？」

有關三姨太嘅背景，可重溫第一季第三十話「白髮太后」

👇🏼傳送門

【重甜/都市狂想/獵奇】《誤上了黑幫老大的情婦，我只好躲在中環的職場胡混》（4）枱底下的廝殺
https://lih.kg/iHKBHpX
#165 回覆 - 分享自 LIHKG 討論區

更正：呢集應該係二百五十話至啱

「我只係知道，成個朱家收埋嘅秘密，好可能係超乎我哋每個人嘅想像。」男男伸出兩手，輕輕按在我和 Siri 的肩膊，再笑道：「所以唔多你哋兩個盲人幫手四周圍咁摸下，我又點可以喺嗰個位度繼續轉牛角尖呢？」

原來王禹伊的委託，男男自己沒有打算出手，而是選擇放手讓我和 Siri 去主理，便脫口反問：「吓．．．．王禹伊單嘢．．．．你由得我哋兩個搞？」

「我之前去美國起古校長嘅底時，你同 Siri 都有合作啦，仲好成功咁完成咗姚一卒嘅委託添，相比之下，呢單只係查下隔離鄰舍搞嘅 House Party 嚟，再『係咁咦』咁將裡面嘅形況影啲出嚟，點睇都係一件好簡單嘅任務嚟啫，以你哋兩個人嘅實力，綽綽有餘啦！」男男胸有成竹地道，顯示出她對我們充滿了信心。

未等我作出反應，Siri 已搶著叫道：「好！你就放心交畀我哋啦！」

既然 Siri 已經一口答應了，我只好將說到嘴唇邊的憂慮吞回肚子裡。

有時我也真的很羡慕 Siri，比起我的「思前想後」，她的「有前無後」才會令做人的煩惱少一點。

之後，我和 Siri 便分頭進行明查暗訪，再把收集到有關「Cooking Party」的資料一起作歸納。

我再用多幾包的「Davidoff」做餌，便在昌哥和明仔的身上打聽得到「Cooking Party」會不定期在七姨太的巨宅「登華」中舉行，被她邀請的賓客都是攜眷，或是帶備一款美食以供給在場的各位享用，是一個性質類似「大食會」、純粹以食交友的健康社交活動。

有關朱家背景，可重溫第一季第三十五話「療傷記」

👇🏼傳送門

【重甜/都市狂想/獵奇】《誤上了黑幫老大的情婦，我只好躲在中環的職場胡混》（4）枱底下的廝殺
https://lih.kg/iHKBKiX
#243 回覆 - 分享自 LIHKG 討論區

lm

當然，我知道這個是「Cooking Party」的幌子，騙得到別人卻不能騙到我，我很快便看得出兩個疑點了。

第一個疑點，所謂「不定期」的定義，原來是指每逢三姨太不在香港的週末，由此可見七姨太也會給三姨太面子，偏偏就如王禹伊所說，三姨太已經有整個「東皇朝」要她打理，而實際上她「正職」又是「玫瑰會」的「白衣皇后」，試問她怎會有閒情去理會朱家的家事呢？

識食一定係食朱建東

八姨太

第二個疑點，看朱建東現時的狀況，他的太太們根本和守寡沒有分別，而根據「Cooking Party」的玩法，如果明知參加者當中不乏寡婦，也要堅決執行攜眷的規定，這不是荒天下之大謬嗎？因此，會出席「Cooking Party」的朱家太太們，理應只能夠為外來一雙一對的來賓，準備好美食罷了。

單單是這兩個疑點就好像已在宣告著，七姨太的「Cooking Party」，肯定不是如表面那般簡單。

「睇嚟要揭開『Cooking Party』嘅真面目，少不免要親身入去體驗一下至得喎，之但係嗰個始終都係私人派對嚟，照計去得都係七姨太嘅朋友嚟，七姨太仲會預先將出席派對人士嘅名單交畀『食蕉』核實身分，唔係 on 佢個 Invitation List，恐怕連『登華』門口大閘嗰關都過唔到喎。」我再以 Brainstorming 的口吻，道：「一係就靜靜雞咁爆入去？」

「爆入去？嘿嘿，我以為你份人唔鍾意『監粗嚟』架添？」Siri 笑著反問一句，便將一張咭紙放在枱面。

我立刻拿上手檢視一番，只見小小咭紙光面的印刷用色繽紛絢爛，洋溢著一片輕鬆和歡樂的氣氛，左上方還畫了一堆白雲似的圖案，想必是一頂卡通版的廚師帽，而下方則印有仿手寫的絹秀文字，內容如下：

＊＊＊＊＊＊＊＊＊＊＊＊＊＊＊＊＊＊＊＊
Cooking 是快樂的泉源
Cooking 是友誼的憑証
Let’s get Cooking！

誠邀你和你最愛的另一半
本週六晚上𦲷臨「紫式苑」的「登華」
跟我們一起享受 Cooking 的樂趣

- RSVP info printed on the back -

*Reminder: Please dress for the mess*
＊＊＊＊＊＊＊＊＊＊＊＊＊＊＊＊＊＊＊＊