【卡西進軍豪門！？】《誤上了黑幫老大的情婦，我只好躲在中環的職場胡混》- 第七季：紫式篇

Rionna 伸一伸舌頭，笑道：「呵呵，估唔到家姐佢咁鬼古惑識得借我過橋搵你哋嚟幫返佢手，好彩我都唔執輸，都利用緊佢呢度嚟避狗仔隊同安胎啫！」

我向男男擺出一副不滿的表情，道：「哼，原來你一早就索到有古怪，咁你就應該早啲單聲，唔駛等我哋兩個『盲中中』咁嘛？」

「咪同你講過查呢單案就好似『盲人摸象』，話到明『盲人』就梗係『盲中中』架啦。」男男笑了一笑，又問：「咁你哋兩個『盲人』幫王禹伊查到啲乜？」

Siri 即時指著我，道：「我無咩發現架咋，卡西就唔同呢，頭先喺佢副偷拍眼鏡播出嚟啲片一條精彩過一條，你問佢啦！」

屌爆Teresa

屌咗岑律師先啦

我知道事態嚴重，所有細節都有機會是關鍵線索，所以就算有千個、萬個不願意，我亦只好將我由「Cooking Party」中碰上 Teresa，將 June 救起送回「弘徽」並在小石屋中奇遇沐綾，直到趕去「常寧」見朱建東最後一面和引發的清理門戶事件之經歷，一五一十說了出來。

儘管我已把跟沐綾鬼混的部分盡量地輕描淡寫，但仍難逃男男和 Siri 的揶揄。

「呵呵，叫你『盲人摸象』，你呢個『盲人』摸咗去邊度呀？」男男狡猾地笑著問。

「『盲中中』？我就『盲中中』，你『中出』就有份！仲搞到畀人利用埋添呀！！」Siri 板著臉兒叱道。

旁邊的 Rionna 卻道：「咁卡西佢都係因為食咗 Teresa 嘅春藥至會咁啫，況且我好清楚家姐份人，佢要得到嘅，佢點會有得唔到架？既然佢嘅目標係卡西，卡西就點都走唔甩架啦。」難得 Rionna 那麼明白事理，想真一點，她或許真的是娶得過呢！

儲咗一排，咁快live咗

儲嚟睇都要多啲上下嚟吹下水呀

你由邊度開始睇到live？

好難揀
等你開估

呢季開始
想睇Siri

「咪係，不如我哋傾返正題先啦。」我急急扯開話題，道：「查實點解王禹伊佢要搞咁多嘢出嚟呢？朱建東貴為香港四大富豪，咁鬼死有錢，淨係分佢自己本身嗰分都已經十世唔駛憂啦！」

男男沒好氣地「唉」了一聲，再道：「呢個咪就係我搵岑律師嘅原因囉。」

岑學羚放下手中的茶杯，再徐徐地道：「遺產律師經常都幫好多名門望族處理遺產上嘅事宜，正所謂『各處鄉村各處例』，唔同嘅家族當然有唔同嘅傳統同規矩，呢啲傳統同規矩會直接影響到遺產分配畀承繼者嘅方式同比例，當中，仍然嚴格執行由承誌源所訂立嘅《紫式規條》嘅朱建東家族係我哋翻查案例時會讀到嘅，至今都仲好有研究同參考價值。

《紫式規條》中有三個觀念最重要，第一個係家族聲譽、第二個係長幼輩分、第三個就係齊齊整整，所有規條都係以呢三個觀念為制定嘅基礎。」

Siri 插嘴叫道：「係呀，係呀，佢哋真係好緊張家族嘅聲譽架，就以頭先為例，一發現啲姨太太偷食，就即卡逐出《紫式苑》，留多陣都唔得架！」

岑學羚「嗯」了一聲，再繼續道：「逐出咗《紫式苑》嘅家族成員就唔可以承繼遺產，而剩低嘅人就可以按『先配偶、後子女』嘅原則嚟瓜分埋原本屬於被逐者嗰份，比例就以輩分嚟決定。」

會唔會最後尾變咗得返June可以承繼遺產

我記得沐綾說過她明明一點也不愛朱建東，卻故意保留二姨太的身分，就是為了要分薄其他姨太太能分得的比例，大概就是這個意思，便問：「咁即係輩分高啲嘅就分多啲，輩分低啲嘅就分少啲？」

岑學羚點一點頭，又道：「而要了解成件事係點樣操作，就要先講一講由承誌源發展到朱建東成個家族嘅財富結構，現時所謂嘅『東王朝』係由『東建』同『東資』組成，『東資』持有『星電視』和『風電訊』等喺香港家喻戶曉嘅大企業，而『東資』嘅母公司就係業務以地產為主、喺世界各地亦都擁有好多優質地產項目嘅『東建』，呢兩家大藍籌嘅市值夾埋已經成一萬億港幣，兩家超級企業嘅大股東係一家叫『三原』嘅私人公司，持有『東王朝』合共約一半嘅股權，呢間公司就係由承誌源所創辦嘅珠寶金行。」

「咁．．．．咁一間珠寶金行市值咪值成五千億！？」我顫聲道。

遺產分配的奧妙之處

「應該係話最少五千億！」岑學羚笑了一笑，再道：「『三原』從未上市，不受任何交易所規管，故此所持有嘅資產亦無需對外披露，所以除咗『東王朝』市值五千億嘅股票之外，外界從來都無法估計『三原』仲擁有啲咩其他財富，而因為佢係一家私人公司，佢嘅管理架構亦有別於一般上市企業，決策同管理都係由『紫式苑』嘅家族成員所組成嘅一個委員會負責，是為『紫式苑』同『三原』嘅最高權力機構。」

「『家族管理委員會』！」我脫口叫道。

妹妹我不想努力了

無紫式規條全文嘅

「無錯，而喺當時『家管會』仲係承誌源做主席嘅時候，就已經定出咗『三原』所有資產嘅 51% 會用嚟成立一個家族信託基金，剩返嗰 49% 就會按輩分因素分畀有資格承繼遺產嘅家族成員，所謂輩分因素，就係攞輩分喺中間嘅家族成員為平均數值嘅分界線，輩分比佢大分得嘅比例就越嚟越多，反之輩分比佢小就分得比佢越嚟越少，直到承誌源去世嘅時候，佢唯一嘅親人就只係得兩個女，所以分配嘅方式同最後兩位女兒所得嘅百分比就好似咁喇。」岑學羚說罷，便在帶來的公事包中拿出紙筆，並畫了一個表格來表達，如下：

我提高嗓子，道：「考慮埋輩分因素之後，長女承沐紗分到 49% 當中嘅 26.95%，而二女承沐綾就只得 22.05% 咋喎，銀碼細就話無所謂啫，大嗱嗱成五千億，1% 都講緊五十億喎！」

「值得一提嘅係當『家管會』主席去世時，『家管會』嘅職能會即時由『治喪委員會』取代，並由時任嘅家族律師擔任主席，直至新一屆『家管會』嘅新會員順利產生為止。」岑學羚頓了一頓，再道：「其實所謂『家管會』嘅新會員，咪就係有份承繼遺產嘅家族成員囉，之後會員就會以所擁有『三原』嘅股權比例投票，選出新任主席，所以承誌源過身後，『家管會』就由擁有 26.95% 股權嘅承沐紗擔任新主席。」

Siri 想了一想，問：「咁承沐紗之後畀朱建東激到吊頸死咗喎，你頭先講過話『先配偶、後子女』，咁朱建東咪攞晒承沐紗喺佢死鬼老豆畀佢嗰 26.95%？」

「的確係咁，而亦都因為朱建東係遺產最大受益人，所以佢就投票畀自己，成為『家管會』嘅主席。」岑學羚以優雅的手勢拿起茶杯，呷了一啖茶，才道：「朱建東做咗主席之後，除咗逐步擴大佢後宮嘅規模，仲以主席嘅身分，深化《紫式規條》嘅內容同應用範圍，喺遺產分配計算方法中，加入埋家族聚會出席率嘅考慮因素。」

我恍然叫道：「我知啦！唔怪之得就算朱建東昏迷咗，個個都唔敢唔去『三期一會』啦！」

「『三期一會』？」這次輪到岑學羚反問。

「『三期一會』係朱建東定出嚟架，係每隔三個星期就搞一次全家人都要出席嘅家庭飯局，朱家上上下下都好鬼緊張，總之逢親有出席嘅就一定要影埋張大合照添，原來因為無出鏡就會分少啲身家，想一家人齊齊整整？咪又係要講錢！」我「嘿」的譏笑了一聲，又道：「係得沐綾一個可以咁寸話唔去就唔去架啫，因為佢已經係擁有承誌源 22.05% 嘅遺產嘅超級富婆嚟。」

呢集會解釋分配遺產嘅要點

「以我所知，《紫式規條》修訂後，朱建東將輩分因素嘅評分定為 60%，而家族聚會出席率就佔 40%，假設所謂嘅家族聚會就係你講嗰個『三期一會』，如果有資格承繼遺產嘅家族成員當中只得二姨太全部缺席，咁即係佢嘅出席率係零啦，而其他人就可以平分嗰 40%，以朱建東喺承沐紗身上得到嗰全部嘅 27% 為要分嘅所有遺產嚟計，各人得出嘅百分比就好似咁喇。」岑學羚說罷，又在紙上面畫了另一個表格來表達，如下：

岑律師計數又計得幾快 想同佢一路計數一路做愛

可以玩埋數毛毛喎

「咦，計埋『三期一會』出席率嘅因素，二姨太加埋咪分得仲少過 Teresa？」Rionna 啐道。

「但係你唔好忘記二姨太之前有承誌源畀佢嗰 22.05%，足以令佢成為大股，加上因為朱建東個細女 June 未夠廿一歲，佢本應所得嘅部分會交由『家管會』嘅新主席代為保管，就即係二姨太，所以落入二姨太手上嘅遺產實際上就係 26.48%，比起三姨太嘅 3.46%，足足多成差唔多 23%！」岑學羚壓低了聲線，再神色凝重地道：「三姨太係堂堂『玫瑰會』嘅『白衣皇后』嚟，你話佢搞咗咁多嘢至埋到朱建東嘅身邊，爬到上『東建』代主席呢個位，咁嘅結果佢收唔收貨？」

我吞一吞口水，驚道：「你．．．．你嘅意思即係話，呢壇嘢嘅幕後黑手，又係三姨太！？」

（待續）