【卡西進軍豪門！？】《誤上了黑幫老大的情婦，我只好躲在中環的職場胡混》- 第七季：紫式篇

「最衰你家姐咁啱呢幾日飛咗，如果唔係都可以同佢索下料嘛。」我苦笑地道。

「無辦法啦，家姐臨時要同姐夫去新加坡出席嗰啲咩亞洲經濟論壇，家姐唯有叫我哋自己搬咗入嚟先，等佢過幾日返香港再一齊同三姨太食餐飯，到時再將朱家啲人介紹畀我哋識，點估得到我哋一搬入嚟就遇到個咁鬼繞口巉手嘅小紅魔喎。」Rionna 歎了一口氣，再道：「到時睇下等家姐返嚟之後，仲有無機會先問下佢多啲有關朱家嘅事啦。」

我想了一想，然後拍案叫道：「諗諗下，其實要索料，都唔駛等你家姐返嘅，我哋可以自己主動出擊架嘛！」

「吓？我哋喺度乜人都唔識架喎，點主動出擊呀？唔通好似 CID 查案咁逐間屋㩒鐘洗樓咁問呀？」Rionna 反問。

「梗係唔係啦，我話嘅主動出擊，係同呢度啲看更套料呀，乜你唔知道無論係公屋定係豪宅，看更永遠都係知道成個屋苑入面最多秘密嘅人嚟咩？」我一臉胸有成竹，再道：「我敢肯定，向啲看更埋手，喺佢哋口中一定點都會有啲收獲嘅！」

多謝留名呀

隨住出場嘅人物越嚟越多，當中人與人嘅關係又越嚟越複雜，要再update人物關係圖實在太大工程，咁我想反問大家想唔想我繼續update張圖先？

Lm 終於有

Rionna 卻即時擺出一副厭惡的表情，更不住搖著頭，道：「我話晒都係『G 奶女神』嚟，要我夜媽媽主動痴埋去啲看更度？容乜易佢哋以為我姣緊佢架？No way！你自己慢慢去套料，我留喺度舒舒服服咁安胎等你返嚟好過！」

Rionna 說的也有道理，於是我隨便披上外套和踏著拖鞋，就獨自一人走到外面裝成漫無目的地散著步，未幾，離遠便看到兩個一點也不年輕的管理員正在巡邏著。

回想起今早替我打開閘門的也是一位老人，這顯然不是巧合，我相信朱家應該挺有社會良心，是一個以身作則地推動長者重投就業市場的僱主。

我從褲袋拿了一包煙出來，再朝著他們揮手，叫道：「喂喂！」

他們被我呼喚，很自然就走過來，恭敬地問：「先生，有咩幫到你呀？」

「你哋有無火呀？」我問。

兩個管理員皆想不到我竟然有這樣的要求，臉上當堂露出猶豫之色，一時不懂怎樣回應。

我友好地拍一拍他們的肩膊，以故作熟絡的語氣，道：「我喺度暫住之嘛，本身又唔係姓朱嘅，我唔會做金手指架喎，你哋又成身都係煙味，唔好同我扮嘢話你哋個身無火機喎！」

2024 level 1?

想

那較年輕的管理員看來也差不多「登六」，他尷尬地笑了兩聲，便從制服的衫袋拿了火機出來，並替我叼在嘴唇的香煙點起火。

我深深吸了一口，吹出一大團煙雲，然後在煙盒中再抽出兩根煙，遞給他們道：「你哋都整番飛先啦。」

他們互望一望對方，誰也不敢先將香煙接上手，我又道：「夜媽媽，鬼影都唔見有隻，邊會有人𥄫到你哋啦，況且呢包係『Davidoff』嚟，好嘢嚟架，我專登喺法國帶返嚟，香港唔係度度都有得賣架。」

「人的確係無嘅，不過鬼影就好難講喇。」另一個較年老的管理員怪異地笑了一笑，再壓低聲線，道：「你包煙咁靚梗係要試下，我哋過嗰邊先啦。」

接著，他們便帶我到一個 CCTV 覆蓋不到的角落，我想這裡是管理員們慣常「吞 pop」的地方，正所謂「雞髀打人牙骹軟」，何況是出動名牌香煙「Davidoff」，我們三人吞煙吐霧一會之後，就開始肆無忌憚地說起是非來，原來那個較年輕叫明仔的管理員，他已是這裡整個保安部最年輕的一個，忽道：「見係同你都幾啱嘴形至講啦，今朝四小姐搞你架車單嘢，未到食晏成個保安部連埋我哋返夜更嘅都已經知道晒啦！」

跟我猜的一樣，紅髮少女果然就是朱建東的女兒！

想去沙灘系列

「今朝喺四小姐隔離仲有兩條女，一個大波熟女扮後生，一個幼齒𡃁妹裝老成，佢哋又係乜水呢？」我再問。

「哦，大波嗰個咪就係四姨太丹丹囉，內地佳麗嚟架，典型落嚟香港為咗釣金龜嗰啲，又真係畀佢釣到個超級富豪朱建東嫁咗入嚟朱家喎。」明仔眉飛色舞地道。

丹丹果然人如其名，她今早挺胸時兩團乳球「彈下彈下」的情景又立即湧現在我腦海中，原來她從內地來的，難怪廣東話說得不純正。

明仔又繼續道：「至於幼齒嗰個咪五姨太 Scarlet 囉，佢係四小姐嘅師姐嚟，大家返同一間國際學校，以前成日都上嚟玩，上上吓就畀老爺上埋做咗五姨太喇。」

「唔怪之得佢哋睇起嚟咁 Friend 啦，咁佢哋三個肯定成日都一齊玩架啦？」我以試探的語氣問。

昌哥點點頭，道：「係呀，嗰三條女群埋一齊，唔係出咗去蒲，就係最鍾意喺五姨太間屋度打躉架啦。」

「就係我隔離嗰間？乜原來係五姨太架！」我脫口道。

「啲有錢人終日無所事事，佢哋成鬼日『喱』喺屋入面 take 嘢已經差唔多係呢度公開嘅秘密嚟啦！」昌哥笑了一笑，再道：「總之你就唔好彩架喇，搬正喺班『老同』隔離，間屋都有名你叫做『桐屋』啦！」

「老同」是對吸毒者的俗稱，原來她們說話瘋癲神情呆滯並不是喝醉酒，而是因為正受著毒品的影響！

「我記得我住嗰間叫『梅屋』，我仲以為啲屋會用『梅、蘭、菊、竹』咁排添，乜又會有間叫做『桐屋』咁九唔搭八嘅？」我奇道。

「後生仔，你講得出九唔搭八就代表你對日本平安時代嘅認知應該唔多喎。」昌哥以說教的口吻道。

「呢度啲屋叫咩名，竟然又關日本平安時代嘅事？」我以驚奇的語氣反問。

「咩唔關呀？成個『紫式苑』都係由承誌源出資興建又精心規劃出嚟架！」昌哥揚眉吐了一句，再徐徐地道：「聽講承誌源佢年輕嘅時候曾經喺日本留過學，受到日本文化同歷史好深遠嘅影響，尤其係日本著名長篇小說《源氏物語》，你淨係睇佢間珠寶金行都叫做『三原』就係將個『源』字拆開就知道啦，所以『紫式苑』亦都係照住書入面所描寫平安時代嘅日式宮廷作為參考而建造架，代表大屋嘅『七殿』有『承香』、『弘徽』、『麗景』、『常寧』、『登華』、『宣耀』、『貞觀』，代表細屋嘅『五舍』有『藤屋』、『梅屋』、『雷鳴』、『梨屋』、『桐屋』，你住嘅『梅屋』同埋五姨太住嘅『桐屋』都係屬於呢一種囉。」

多謝你呀

竟然用上《源氏物語》中平安京的宮廷來為這屋苑每間獨立屋來命名，令到一個管理員都可以把這些充滿詩意的稱號琅琅上口如數家珍般說出來，這個承誌源真是一個既浪漫又厲害的人物，不禁問：「呢個承誌源咁勁究竟係乜水嚟架？」

「你唔係吓嘛，連承誌源都唔知邊個？佢咪朱建東個外父囉！朱建東都係靠承誌源至發達架咋！」昌哥伸手到我的煙盒又拿了一根煙，點起火後再道：「朱建東後生嗰陣『三原』嘅生意已經做到好大，佢由大陸游水落到嚟就入咗『三原』度做，當時已經係香港四大富豪之一嘅承誌源膝下無子就得兩個女，一直有幫手打理盤生意嘅大女承沐紗就畀朱建東溝咗之後仲結埋婚添，跟住承誌源兩腳一伸，朱建東當然順理成章成為『三原』嘅老闆啦。」

「哦，等我仲以為呢個咁抵死嘅地方係朱建東起架添，原來係佢外父至真。」我啐道。

「咁你咁講又啱唔晒喎。」昌哥搖一搖道，再道：「喺承沐紗同朱建東結婚嗰時，『紫式苑』只係得『承香』一間屋架咋，後來承誌源將呢度附近鄰接嘅地皮都收購返嚟，至進一步擴闊『紫式苑』嘅版圖，直到承誌源過身之後，朱建東就攞住承誌源留低嘅規劃藍圖繼續興建，最後至可以打造成今時今日佢嘅後宮架咋。」

任何男人聽到「後宮」二字都肯定會精神為之一振，我當然也不會例外，隨即脫口叫道：「吓，你話呢度係後宮！？」

寡婦系列

任何男人聽到「後宮」二字都肯定會精神為之一振，我當然也不會例外，隨即脫口叫道：「吓，你話呢度係後宮！？」

「係呀，昌哥成日都話我哋係守後宮架，如果換著係喺古代，我哋份工要閹咗至做得架！」明仔插嘴，再自嘲地笑道：「不過一直以嚟，朱家請得入嚟打工嘅都一定有番咁上下年紀，仲要每個人個樣都係『甩皮甩骨』咁，嗰啲闊太根本眼尾都唔望我哋一眼，尤其嗰個二少奶鞏佳蕙，佢之前做姐仔咪又係雞？家陣入咗豪門飛上枝頭就變鳯凰，平日對我哋啲下人呼呼喝喝簡直就唔係人咁看待，仲成日笑我哋個樣成班蟋蟀咁，所以其實我哋真係同閹咗都無乜分別架喇，哈哈哈！」

聽罷，我望一望明仔、又望一望昌哥，他們的長相一個鼻偃齒露、一個尖嘴猴腮，真的猶如兩隻一老一幼的蟋蟀般，醜陋的程度果然只能用不堪入目去形容罷了。

「唉，唔好講啲衰嘢啦。」昌哥苦笑地吐了一句，再回到正題，道：「叫呢度做後宮真係一啲都無誇張，朱建朱份人超級鹹濕，當年承誌源死後，朱建東就變得更加離譜，性慾超級旺盛嘅佢一個承沐紗根本唔可能滿足佢，於事連妹妹承沐綾都畀佢搞埋做埋佢二太太，點知兩姊妹同侍一夫朱建東都唔夠皮，仲不斷咁搞三搞四，之後，同佢搭上咗嘅女人就一個又一個咁進駐入『紫式苑』，有傳大婆唔係患產後抑鬱，而係畀朱建東嘅風流激到萬念俱灰，喺『承香』入面吊頸自殺而死架！」

今次會唔會多甜

係啦，話晒都搬入咗（人哋）後宮

搬入人哋後宮係睇人哋重甜？

越亂越好

我瞪大雙眼「吓」了一聲，再急急追問：「咁邪！？咁你頭先提過嘅『鬼影』，就係咁嘅意思？」

「『承香』係『紫式苑』入面嘅第一間屋，可以話係承家嘅祖屋，住喺裡面姓『承』嘅主人又『香』鬼晒喎。」明仔收起笑容，再以一副「講鬼故」的口吻，道：「你知唔知呀，大太太過身之後，朱建東就好快咁搬走咗，自此間屋就重門深鎖一直丟空到而家，啲人傳話係因為承誌源同大太太嘅寃魂仲喺間屋入面，所以朱建東要鎖住佢哋唔畀佢哋出嚟，就連呢度之前搞大維修，都無掂到『承香』就知單嘢有幾癲啦，所以直到而家，我哋都無一個敢行近『承香』半步架！」

咁要入去喇