接著,我將輪椅朝向 Moon、丹丹和 Scarlet 駛去,她們三人見狀神色便立即顯得尷尬起來,更不自在地垂低頭不願跟我有眼神接觸,她們似乎是心知肚明,怕我會責問她們有關紅杏出牆的事吧?
我卻從容地笑了一下,道:「阿四、阿五、阿七,以前無論發生過啲咩都好,就好似粉筆字咁抺咗佢,你哋三個以前係、而家係、將來亦都係我朱建東嘅好老婆!」我說罷便收起笑容,然後向王禹伊拋了一個凌厲的眼神,一字一語地道:「邊個想動鬼主意搞散我頭家,我係一定唔會放過佢架!」
「你頭家咪即係我頭家啫,而家又邊有人話要搞散佢喎?如果真係有,我都會第一個企出嚟,同佢死過啦!」三姨太便走過來打個圓場,再彎低身攬實我,柔聲道:「就嚟要開席啦,不如我哋埋位先啦?」