【卡西進軍豪門！？】《誤上了黑幫老大的情婦，我只好躲在中環的職場胡混》- 第七季：紫式篇

我想立刻作出反抗，但已見 Siri 在電光火石間給我打了一個眼色，似是叫我不要輕舉妄動，以免打草驚蛇，我隨即想到這是換妻派對，在這裡，人家拿自己的老婆過來跟我交換是最正常不過的事情，只是我還沒有心理準備真的會發生罷了。

前後恐怕不到一分鐘的時間，我便失去了 Siri，而懷內卻多了一個陌生的醉娃，心底裡不期然滲出一陣莫名的失落。

我只好跟自己說，Siri 在「Club 51 Shade」打滾了多年亦可以保持處子之身，這次她定能夠保護到自己，加上俊男的太太好歹也在我手上，照理他也不敢對我的「太太」太過分吧？

吓！？得肉醬意粉食咁寡？

此時，在我懷中的醉娃忽然抖了兩下，便嚷了一句：「我．．．．我要嘔喇！」下半秒，已就地「吡哩叭喇」的嘔過不停，幸好我反應夠快，及時將她的頭擰向外逃過一劫，可憐那些昏迷倒臥在地上的賓客，紛紛給一場熱燙燙的「嘔吐雨」當頭淋到一個正著仍懵然不知，轉眼間，全身就埋葬在一層酸酸臭臭的「肉醬」之下。

我只能說一句，Invitation Card 上那「Please dress for the mess」的 Reminder 果然真不假。

俊男的太太嘔了好一會，等她嘔吐完畢過後，我便連忙扶她離開肇事現場，再找了一個沒有人的角落讓她坐下來休息，又替她倒來一杯水，她接過水杯便喝了一大口，慢慢，從她呼吸的頻率聽得出她應該都舒暢了不少，我亦坐在她的旁邊，歎道：「唉，我唔知你係飲酒飲成咁定 high 嘢 high 成咁啦，我只係知道出嚟玩都係為開心啫，駛唔駛去到咁盡呀？你知唔知咁會好易無命架？」

當一個女人的意識回復後，第一件必需要做的事情永遠也是先顧及自己的容貌，她當然沒有例外，亦急急拿出鏡盒照著，我才留意到她的樣子好像有點奇怪。

多謝你嘅支持呀

睇到第七季，你最鍾意邊一季嘅邊一段？

寫得最正係君子禮

但最富娛樂性係第一季 KFC!!! 小雲!!!

只見她的五官好像左右有點不太對稱，不，甚至可以說，她的一邊臉已經倒塌了下來！

她是否整容失敗嗎？

「齋睇 Youtube 自學真係搞唔掂，我應該一早就估到咁做係唔會 work．．．．唉．．．．算把啦．．．．」她自歎一聲「算把啦」之後，竟就將那未塌下來和已塌下來的部分一併撕掉，我當堂大吃一驚，連忙擦一擦雙眼再望真一點，便見拆下來的只是一些肉色的泥膠，才知道她原來不是「整容失敗」，而是「易容失敗」才對！

當貼在她臉上的異物都一一清整過後，露出來的，竟是一張清麗脫俗的容貌。

這張純潔的臉，除了跟這個邪惡的派對環境完全是格格不入之外，令我更驚訝的，是因為我居然是認識的！

眼前的人，是六姨太 Teresa。

（待續）

印象最深可能真係大家去尋寶嗰篇，個鋪排好順唔夾硬，又有啲歷史野加插入面，但對於卡西唔可以同男男一齊有啲遺憾，雖然呢個係甜故但冇甜嗰時我真係當佢愛情故事咁睇架，希望你加油，寫咁長真心難
btw，幾鐘意網台拍嗰幾集真人版，啲選角都幾似

第二百五十二話　另一個守護者

「你咪六姨太 Teresa！？」我脫口嚷道。

Teresa 被我一喚，隨即顯得相當愕然，連忙緊張的問：「你識我？你．．．．你係邊個？」

明明是一個寡婦，卻易容並攜帶著俊男出席換妻派對，有甚麼意圖亦不用再多說了吧？枉我曾經認定 Teresa 在朱家中是最念親情和最善良的一個，她實在令我太失望了，便故意提高嗓子「哼」了一聲，再叱道：「我係邊個唔緊要，但係我嚟呢度嘅目的就係要將你哋朱家一個二個所做過嘅污糟邋遢嘢刮晒出嚟，以正家風！」

Teresa 的表情變得更疑惑，喊道：「吓！？你話我所做嘅．．．．係污糟邋遢嘢？」

「仲做戲？」我加重語氣，再反問：「化到鬼五馬六同個小鮮肉假扮夫婦嚟到換妻派對，仲 high 嘢 high 到差啲兜口兜面『劏』落我嗰度，好彩阿叔反應夠快啫，雖然朱建東昏迷緊啫，但係你都仲係佢老婆嚟嘛，做埋晒啲咁嘅嘢，唔係污糟邋遢係咩呀？」

「你誤會晒啦，雖然我唔知邊個派你嚟，不過如果你嚟嘅目的都係為咗朱家好，咁我喺呢度嘅原因亦都係同你一樣架！」Teresa 瞪大水汪汪的雙眼，目不轉睛的望著我，看她一副楚楚可憐的模樣，實在是惹人憐愛，我無法再硬著心腸下去，只好攤一攤起手，以較為緩和的聲線，道：「好，我就睇你有咩解釋。」

「你識得我係六姨太，咁你都肯定知道我未嫁畀朱建東之前一直都係佢嘅私人看護啦？所以就算我比較遲入門，七位太太中排行第六，但係我對朱家嘅感情絕對唔會比其他人少。」Teresa 的拳頭越握越緊，再恨恨地道：「正正就係因為咁，既然有啲不守婦道嘅人竟然趁朱家嘅一家之主昏迷緊嘅時候喺度搞三搞四，仲越搞越過分搞到返嚟屋企，我就點都唔可以袖手旁觀架喇！」

「咁．．．．咁唔通，你都係混入嚟呢度，查呢個『Cooking Party』嘅？」我顫聲反問。

「無錯！」Teresa 直認不諱答了一聲，再道：「我一早就知道七姨太 Moon 呢個人唔簡單，佢搞嘅呢個『Cooking Party』神神秘秘咁肯定好有古怪，所以我暗中查咗好耐，畀我查到攞得到邀請咭嘅賓客都係嚟自唔同嘅地下會所，於是我就用重金向其中一間買咗一張邀請咭，再搵咗裡面嘅一個會員同我一齊假扮夫婦咁出席，你頭先見到嗰個叫我做太太嘅小鮮肉，我其實都係今晚至第一次見架咋。」

正所謂「淫人妻女笑呵呵，妻女人淫意若何」，就算說到明是換妻派對，又有誰會真的拿自己的妻子去跟別人交換呢？

你識得我係六姨太，咁你都肯定知道我未嫁畀朱建東之前一直都係佢嘅私人看護啦？

啲劇情要交代嘛，睇住圖先

多多甜多多脆

卡西為免我哋凍親 廢事要我哋除褲

Teresa 長長歎了一口氣，才繼續道：「點知一嚟到，佢就同其他人圍埋一齊 take 嘢，佢要我 take 埋一份，我話我唔好呢家嘢，佢就話我扮晒嘢，無幾耐就有一班已經 take 嘢 take 到瘋瘋癲癲嘅男女嚟話要同我哋落樓下泳池度一齊搞嘢玩群交，我無諗過會變成咁，梗係打死都唔肯去啦，唯有即刻跑開咗，之後佢就追出嚟同我 say sorry，見佢都肯道歉我咪繼續同佢飲嘢囉，然後飲飲吓我就開始感到暈陀陀咁，跟住仲斷埋片唔知發生啲咩事，過咗唔知幾耐，突然間好想嘔就嘔咗出嚟，嘔完晒至好似清醒返啲，直到聽到你同我講嘢至完全醒返晒咋。」

想問巴打係咪睇過Knives out?
Teresa令我聯想當中嘅女主角

「哈哈，又係你主動叫個會員同你一齊參加換妻派對，佢實以為你係花痴啫，點知你嚟到無論 take 嘢同扑嘢都耍手擰頭，至逼到佢要出横手啦，唔通畀咗咁多錢一場嚟到要食白果咩？」我想了一想，又笑道：「佢當時整暈咗你其實跟住就要迷姦你架啦，好彩咁啱見到我同我拍檔嚟到，至萌生將你呢條『死魚』換返成『生猛海鮮』嘅念頭，所以計落全靠我哋及時趕到，你至可以保住清白之身架咋！」

Teresa 一邊聽我說，一邊不住點頭，亦不時向我報以感激的目光，其實我分明是在「鳩噏」，她卻照單全收的信到十足十，可見她的外表果然也如性格一樣那麼單純和天真，試問像她這樣的小綿羊，又怎可能對付得到有「夜神月」之稱的七姨太呢？

我想到這裡，Teresa 忽然又拍一拍自己的大腿，大聲叫道：「死啦！你拍檔同我交換咗，咁佢而家嘅情況咪好危險？如果佢因為我而有事，我會好過意唔去架！」

我遮蓋著內心的憂慮和掛牽，再堆起笑容，打趣地道：「嘿嘿，佢雖然年紀輕輕，但係係個『老司機』嚟架，你擔心你帶嚟嗰個小鮮肉好過啦！」

Teresa 聽到我這樣說才放下心頭大石，未幾，她又輕輕搖動我的手臂，以誠懇的眼神望著我，哀求道：「嗱，我都講晒畀你知我啲嘢啦，輪到你講返你啲嘢畀我知未？」

其實剛才 Teresa 一直說的時候，我得悉我錯怪了她已感到很內疚，加上她這刻的表情簡直令我毫無反抗能力，便坦白地將我的身分和來這裡的目的也和盤托出。

卡西咁無戒心嘅咩

會唔會中計

呢個？

說罷，Teresa 便恍然地發出了「呀」的一聲，再道：「原來你就係新搬入嚟『梅屋』嗰個！你啲易容術真係好勁，我完全以為你係另一個人呀！」

我聳一聳肩，莞爾笑道：「係我拍檔勁啫。」

「咁查實係邊個派你嚟架啫？」Teresa 追問。

我帶著微笑搖頭，道：「呢個係關乎我哋作為偵探嘅操守，恕我真係唔可以透露畀你知喇。」

係呀
佢又係私人看護
心地善良
講大話會吐
人設有啲似