丹丹突然「哇哇」大叫起來,翹起雙手再坐在地上,哭著臉喊道:「而家夜媽媽,點走喎?我唔走呀!我賴死都唔走呀!嗚嗚!!」
「根據《紫式規條》,一經証實嘅犯規者要立即離開『紫式苑』,及後終生不得再踏足『紫式苑』半步,並褫奪繼承遣產嘅資格。如果你嘅態度合作,亦都無將有辱家聲嘅事洩露出去嘅話,都仲可以住喺家族持有嘅其他物業,同埋由家族信託基金繼續供養。」孫管家臉色一沉,再嚴肅地問丹丹:「咁你,係咪想連呢啲都無埋?」
孫管家此言一出,丹丹立刻收起哭聲便彈起身來,並自動自覺地離開,Scarlet 則發出了「哼」的一聲亦跟著她走,最後只剩下 Moon,當她步向門口途經我的座位時,就狠狠地瞪了我一眼,再冷冷地道:「本來你嚟查我我斷正畀你,我都唔可以怪你啲咩,不過你啲手段好『哪喳』啫?如果我唔係唔知點解畀你 drug 咗搞到『瘟瘟沌沌』,我會咁樣 6P 法?仲要畀你全程影晒我都唔知添?我從來都唔係一個好人,不過總好過你喺度扮好人,話『田力偵探社』正直?食屎啦!!」說罷,Moon 才拂袖而去。